A Nimariu 17:4 - A Nitana Vure

⁴ Muri e Moses i vasileki ne BAKOVI DAGI i ta maea, “A ra ga rata virihi ria vona e huriki nga? Ri tahate hateka, ri ngaru ni padimate iau na kedo.”

A Nimariu 17:4 Iomraidhean Croise

A Nimariu 14:15

Muri e BAKOVI DAGI i takia e Moses, “I navai o tangi valai nau? O taki e huriki a Israel ri gi malaga ri gi laho.

A Nimariu 15:25

Muri e Moses i vasileki ne BAKOVI DAGI, lakea e BAKOVI DAGI i vakasiria vona tara rahana kai. I bolea a rahana kai i voro puru na naru, i nami kamumu a naru. Na tanga iea e BAKOVI DAGI i habia ne huriki a Israel tara vinara ge toni ria vona ri gi ramaia o ge uka.

Ni Gi 11:11

Lakea i takia e BAKOVI DAGI i ta maea, “I navai o rata hale iau? I navai i uka ma o vivi nau? I navai o habi kikeri a leho nau ga matakari e huriki nga?

Ni Gi 14:10

Pali e huriki a Israel i uka ma ri ngarua a ngavane Keleb. Lakea ri taki ta ri gi padi rua na kedo, ru gu mate. Ta ri gi rata mavonga, i malaviriri kunana e huriki ri masia a nipara dagi ne BAKOVI DAGI i para polomeli na Kape na Vaponga. Lakea i uka ma ri padi rua na kedo.

Ni Gi 16:19

Muri e Kora i vakalipopo e huriki ri pesi tabukoi na matana Kape na Vaponga, ri mata lakea ne Moses e Aron. Na tahuna ri vapopo, e BAKOVI DAGI i ratea a bagetua vona i bele kavakava i masia e huriki.

Ioanes 10:31

Muri e huriki a Iuda ri bole rike tabu a maka kedo, ta ri gi padimatea.

Ioanes 8:59

Na tahuna i ratea a ngava iea, lakea e huriki a Iuda i madihi a hatene ria, a vuhuna i taki ta ia a Vure. Lakea ri bole rike a kedo ta ri gi padi­matea. Pali e Isu i kapiloho ne ria, i laho tala na tabeke tara na roho na Vure i vano.

Apostolo 14:19

Pali e huriki a bakovi ranga o Iuda ri valai o Antiok o Ikonium, ri piurike e huriki, ri padia e Paulus na kedo. Ri pahaluhoia ta i mate, lakea ri lalu talea na tanga dagi.

Apostolo 7:50

Iau a ratarike a maki lobo nga.” ’”