A Nimariu 17:13 - A Nitana Vure

¹³ Lakea e Iosua turane huriki a tara vona ri rangi, ri ratapile e huriki a tara ne Amalek.

A Nimariu 17:13 Iomraidhean Croise

A Nimariu 17:12

Muri e Moses i malulu a limana, i uka ma i toto rike tabu. Lakea e Aron e Hur ru vakamade rikea na kedo. I pesi na dahana koea tara, i pesi na dahana lake tara, ru nugu rike a limana, i harena na haro i rolo.

A Nimariu 17:14

Muri e BAKOVI DAGI i takia e Moses, “O herea na puhu a ngava iea ge luhoia e huriki, e Iosua tara ge longoa a ngava. A ngava i maea: iau ga vakalobo liu e huriki a Amalek, i uka ma ni gi luhoi mule tabu.”

Lukas 21:24

E huriki a pile bara ri valai ri rabalaki ria. E huriki i uka ma ri mate, bara ni bole basi, ri made viliha na tanga lobo na malala. E huriki a bakovi i uka ma ria a Iuda bara ri ratapilea e Ierusalem, ge harena na tahuna a parava ne ria i lobo.

Iosua 10:28

Na parava iea kunana e Iosua i bolea a tanga e Makeda, i nugutatea a hariki vona. I rabalaki lobo e huriki a tahotanga, i uka tara viri ge mahuri. A naro i rata virihi a hariki o Ieriko vona, i rata virihi tabua na hariki o Makeda.

Iosua 10:32

E BAKOVI DAGI i tuhori ria, lakea na parava muri ri mulangi na vabinga, ri bolea e Lakis. E Iosua i uka ma i matataroa tara viri ge mahuri. I rabalaki lobo e huriki a tahotanga, i manga a naro i rata virihi e huriki a Lipna.

Iosua 10:37

Ri bolea a tanga iea, ri rabalakia a hariki vona, turana e huriki a tahotanga, e huriki na maka tanga ri pesi tabukoi vonga. E Iosua i ratapile hatekea e Hebron i manga a hini i rata virihi e Eklon, i uka tara viri ge mahuri.

Iosua 10:42

Na tahuna iea kunana, e BAKOVI DAGI a Vure ne huriki a Israel, i tuhoria e Iosua na vabinga, i rangi lobo e huriki a hariki nga, i bole a maka malala ne ria.

Iosua 11:12

E Iosua i nugutata lobo e huriki a hariki i bole a maka tanga ne ria. I rabalaki lobo e huriki a tahona, i manga a ngava i taki e Moses a vora ne BAKOVI DAGI.

Iosua 8:26

a vuhuna e Iosua i toto lakea ne Ai a maheto vona i harena ne huriki lobo ri mate.