A Nimariu 16:3 - A Nitana Vure

³ Ri ta maea, “I kamumu hateka mi gi mate na limane BAKOVI DAGI o Egipto! Na tahuna mi made vonga mi kani a kinani legelege, mi maru. Pali marua muru tamitala valai mia koea, muru ngaru mia lobo mi gi mate na vitoloa na tabeke i ngeki.”

A Nimariu 16:3 Iomraidhean Croise

A Nimariu 14:11

Lakea ri tahatea e Moses, “I navai o tuli valai mia koea na tabeke i ngeki? O luhoi e huriki a Egipto ri uka a hini ri gi tanu e huriki ri mate vona, o bole valai mia koea na tabeke i ngeki mi gi mate? I kamumu hateka mi gi made o Egipto mi gi mate vonga.

A Nimariu 17:3

Pali e huriki ri mate na marohua, ri deke lakea ne Moses, ri ta maea, “Ge ra o tuli tala mia o Egipto? O ngaru mi gi mate turane huriki e tune mia, a sipsip a bulmakau ne mia?”

A Nimariu 2:23

Na pida nga, e Moses i made o Midian, a hariki o Egipto i mate. E huriki a Egipto ri vakavora hateka e huriki a Israel, lakea ri dedo, ri tangi, ri nanea a Vure ge tuhori ria.

A Nimariu 5:21

Lakea ri taki e Moses e Aron, “E BAKOVI DAGI i matai pali a narone marua, bara i ratapile marua, a vuhuna muru ratea e Parao turane huriki a bolekori vona, ri luhoi mia ta mia a maki tavula. Ra marua, ngane muru vakarike a hatene Parao bara i rabalaki mia.”

Ni Gi 11:15

Ioe o ngaru ni rata maea iau, i kamumu hateka o dodo iau o rabalaki liu iau, i uka ma ga leho hateka tabu ga bole a maregoa nga.”

Ni Gi 11:20

Bara mu kani a kania na keva i taku, muri bara mu kide tala ni kani a kania bara mu ngaru ni muta. E BAKOVI DAGI i made na kurukurune mua, pali mu ngalahere mu deke lakea vona mu ta maea, “I navai mi pe a robo e Egipto mi valai?” ’”

Ni Gi 14:2

Ri deke ne Moses e Aron ri ta maea, “I kamumu hateka si gi mate o Egipto, o si gi mate koea na malala golea!

Ni Gi 14:3

I navai e BAKOVI DAGI i ngaru ni tuli lakea hita vona a robo karaba iea. Hita bara si lokovonga bara ri rabalaki hita na vabinga, ri bole e huriki e girihine hita, e tune hita, bara ri manga a vorakato ne ria. I kamumu si gi hamule lakea o Egipto.”

Ni Gi 16:13

O tuli tala mia na tanga kamumu e Egipto, o taparaki valai mia koea na tabeke i ngeki go rabalaki mia. Pali i uka ma ngi kunana. Ngane o ngaru ni matakari mia lobo.

Ni Gi 16:41

Na parava muri, e huriki lobo ri tapuhaki ne Moses e Aron, ri ta maea, “Muru rabalaki pali ranga e huriki a tara ne BAKOVI DAGI.”

Ni Gi 21:5

Ri tapuhaki na Vure ne Moses ri ta maea, “I navai muru tuli tala mia o Egipto mi gi mate tavula koea na tabeke i ngeki? I uka maki ni kani koea! I uka naru! Mi marikoi vona ra mana mi kani balea, i uka ma a maki ni kani muholi.”

Apostolo 26:29

E Paulus i koli i ta maea, “Ge malaviriri, o ge maradoi, a vasileki na Vure, mua lobo mu longo a nitagu mona mu gu manga iau. Pali a sen kunana i uka ma ge kolotata a limane mua!”

1 Korin 4:8

Ra mua, mu pahadaki ta mu tahoka pali a maki lobo, mu maru! Mu pahadaki ta mu tahoka pali a mahala lobo! Mu pahadaki ta mua a hariki, pali i uka ma miri kori mua, mu bele pali manga a hariki! A ngaru ge mua a hariki. Pali maria ranga, bara maria a matakari turane mua!

2 Korin 11:1

Mu hatenono taro. Ga ta manga manga popote. Mu hatenono taro.

Vinara 28:67

A maka maki mu matai bara ri rata mua mu mangenge hateka. Lakea mu ngarua a parava ge lobo malaviriri. Na maka hatelanga lobo bara mu ta maea, ‘Ge malunga malaviriri a hini, bara i kamumu.’ Na maka malunga lobo bara mu ta maea, ‘Ge hatelanga malaviriri a hini, bara i kamumu.’

Vinara 8:3

I vakamatasia mua, i rata mua mu vitolo, muri i habi a mana ne mua mu kani. Ra maki ni kani iea, mua turane huriki e tubune mua i uka ma ri kania hosi. I rata mavonga mu gu lohoka vona hita e huriki a bakovi, i uka ma si gi bole a nimahuri na maki ni kani kunana. Si bole a nimahuri na nita lobo ne BAKOVI DAGI.

Iosua 7:7

Muri e Iosua i ta maea, “Bakovi Dagi, ioe a Vure muholi, i navai o bole valai mia koea na tabeke ne Iordan iea? O ngaru go habi mia na limane huriki a Amor ri gi ratapile mia? I navai i uka ma o taki mia mi gi made mule na tabeke lake ne Iordan?