A Nimariu 16:20 - A Nitana Vure

²⁰ Pali e huriki ranga i uka ma ri longo mai a nitane Moses, lakea ri ru here ranga bret ne vona a hini kuduvi. Na hatelanga, a maka bret ri mavuru, i pidi ne ria a mata kiroko. Lakea e Moses i tahate ria.

A Nimariu 16:20 Iomraidhean Croise

A Nimariu 16:19

Muri e Moses i taki ria, “Naha ni ru mule ranga bret mu gu kani kuduvi.”

A Nimariu 16:21

Na hatelanga lobo e huriki ri bole a bret na ningaru ne ria. A bakovi i taku i tahoni vona a bret na ulo kiroko i taku. Na tahuna a haro i hera a maka bret, ri malaharere tavula.

A Nimariu 16:24

Ri ramai a nitane Moses, ri gutu a maki ni kani, ri ru kamumu ranga ne vona a parava muri. Ra maki ni kani nga i uka ma ri mavuru, ge pidi ne ria a mata kiroko.

Ni Gi 12:3

Ra bakovi e Moses, ia a bakovi ni vakakiroko mule ia. I uka tara bakovi na malala ge vakakiroko mule ia ge manga e Moses.

Ni Gi 16:15

E Moses i longoa a ngava iea i madihi a hatena, i takia e BAKOVI DAGI i ta maea, “Naha ni bole a maka nihabi ne huriki a tara nga ri habi vomu. Ri taki ta a matakari hale ria. Pali iau i uka ma bolea tara donki ne ria. I uka ma rata hale ria.”

Mateo 6:19

“Naha ni ru kadolu a mahala na malala. Koea na malala a madume, a dedu bara ri ratapile a mahala ne mua, a bakovi na panahoa bara i dili i panaho.

Markus 10:14

Na tahuna e Isu i matai a naro ri rata, i madihi a hatena, i taki ria, “Naha ni hatekakari e huriki a koma. Mu taparaki ria ri gi valai nau, a vuhuna a harikianga na hunu ne vone ria e huriki a hulu nga.

Markus 3:5

Lakea e Isu i madihi a hatena, i mata lae ne ria. I dodo, a vuhuna ri gigi tora hateka. I takia a bakovi, i ta maea, “O toto talea a limamu.” A bakovi i toto talea a limana, lakea a limana i tavaga mule.

Lukas 12:15

Muri i taki e huriki, i ta maea, “Mu matadoko! Naha ni ngaru ioe go tahoka a mahala ge kupo. A bakovi bara i tahoka a mahala i kupo, ra mahala vona i uka ma ge habi a nimahuri vona.”

Lukas 12:33

Mu habi a maka mahala ne mua ne huriki a matasia, lakea bara mu tahoka a mahala meli na hunu. A mahala meli i uka ma ge matutu, i uka ma ge lobo, i uka ma ni gi panaho, i uka ma ge kani a kuruve.

Epesus 4:26

Na tahuna i madihi a hatene mua, naha ni rata a naro hale. A rongova ne mua ge lobo muga na haro ge rolo.

Hibru 13:5

Naha ni nunu muri mai a mahala. A maki mu tahoka pali, mu vivi vona kunana, a vuhuna a Vure i ta maea, “I uka ma ga ha taro mua. I uka ma ga lohopile mua.”