A Nimariu 16:15 - A Nitana Vure

¹⁵ Na tahuna e huriki a Israel ri matai a maki nga, ri vanana, “A ra maki nga?” Lakea e Moses i taki ria, “Ra maki nga a bret, e BAKOVI DAGI i habi mu gu kani.

A Nimariu 16:15 Iomraidhean Croise

A Nimariu 16:31

E huriki a Israel ri galea a bret iea a mana. Ra maki iea i keakea i manga a kanena kai tara. I nami manga a bisket ni kani turana a ame.

A Nimariu 16:33

Muri e Moses i takia e Aron, “O bolea tara ulo kiroko o tahoni vona a mana. O ru na ngalane BAKOVI DAGI, muri ma e huriki a hamone hita bara ri masia.”

A Nimariu 16:4

Muri e BAKOVI DAGI i takia e Moses, “Iau ga vakaboru valai na hunu a bret. Mu bole, mu kani. Na parava takutaku e huriki ri gi vano ri gi leba. Ga toni ria vona a naro iea, ri gi longototo a nitagu, o ge uka.

Ni Gi 21:5

Ri tapuhaki na Vure ne Moses ri ta maea, “I navai muru tuli tala mia o Egipto mi gi mate tavula koea na tabeke i ngeki? I uka maki ni kani koea! I uka naru! Mi marikoi vona ra mana mi kani balea, i uka ma a maki ni kani muholi.”

Lukas 12:30

E huriki a bakovi a ngatavine na uvo ri luhoi hateka a maki nga. E Tamane mua i lohoka vona mu ngaru a maki nga.

Ioanes 6:49

E huriki e tubune mua ri kani a mana na tahuna ri laho viliha na robo i ngeki. Pali ri mate pali.

Ioanes 6:58

Iau kunana ra bret a valai na hunu. E huriki e tubune mua ri kani a mana, ri mate pali. Pali e rei a viri i kania a bret iea i uka ma ge mate, bara i mahuri vakaroro.”

1 Korin 10:3

Ria lobo ri kani vona a maki ni kani i valai na Vure.

Vinara 8:16

Na malala golea i habi a mana ne mua mu kani. Ra maki ni kani iea e huriki a gare ne mua hosi i uka ma ri kania. I rudu tabu ranga maregoa ge toni mua. Muri bara i rata a maki kamumu ri bele ne mua.

Vinara 8:3

I vakamatasia mua, i rata mua mu vitolo, muri i habi a mana ne mua mu kani. Ra maki ni kani iea, mua turane huriki e tubune mua i uka ma ri kania hosi. I rata mavonga mu gu lohoka vona hita e huriki a bakovi, i uka ma si gi bole a nimahuri na maki ni kani kunana. Si bole a nimahuri na nita lobo ne BAKOVI DAGI.

Hibru 9:4

Na tabeke iea i tahoka a dede ni rata na gol. Ra dede iea, ne vona ni rungani a havu mangisipa, ge poko, ge huli pololilo vonga a mangina. A Tava na Ngava Dagi ni naviri na gol tara i tabuli vonga. Ni ru pololilo vona a ulo ni rata na gol, ni tahoni vona a bret na hunu ni gale a mana. A kodo e Aron, ra i tuvu tabu hosi, turana ngava dagi hosi ni here na kedo, ngi ranga ni ru pololilo vona.

Iosua 5:12

Na parava muri a mana i uka ma i boru valai tabu na malala. E huriki a Israel ri kani kunana a maka maki ri bole o Kenan.

Kapiloho 2:17

E rei a viri i ngaru ni longokilala, ge longo kamumu, ge luhoi kado a ngava a Hanu Kiripiripi i taki virihi e huriki a tara na Vure. E huriki ri mulangi na vabinga, ga habi ne ria ranga mana, ra i tabuli kapiloho. Ga habi ne ria a kedo keakea, a rane ria karaba ni here vona. A rana karaba iea, i uka tara viri ge lohoka vona. A viri i bole a kedo iea, ia kikeri ge lohoka vona a rana karaba iea.”