A Nimariu 16:10 - A Nitana Vure

¹⁰ Na tahuna e Aron i ta, e huriki a Israel ri mata lokovonga na tabeke i ngeki ri masia a nipara ne BAKOVI DAGI i parai a bubu.

A Nimariu 16:10 Iomraidhean Croise

A Nimariu 16:11

Lakea e BAKOVI DAGI i takia e Moses,

A Nimariu 16:7

bara mu masia a nipara vona na hatelanga, a vuhuna mu deke hateka vona. Ra maria, maria a bakovi tavula, pali i navai mu deke valai ne maria?”

A Nimariu 24:16

A nipara na Vure i paraia a lolo. Na parava i polotara a bubu i kavitagua a lolo. Na poloruana parava e BAKOVI DAGI i ta tala na bubu, i galea e Moses.

E Levi 9:23

Muri e Moses e Aron ru dili na Kape na Vaponga. Na tahuna ru pagitala ru gamai e huriki. Muri ri masia a bagetua ne BAKOVI DAGI i bele kavakava.

E Levi 9:6

Lakea e Moses i taki ria, i ta maea, “E BAKOVI DAGI i taki mua mu gu ratea a nihabi, muri bara mu masia a bagetua vona.”

Ni Gi 14:10

Pali e huriki a Israel i uka ma ri ngarua a ngavane Keleb. Lakea ri taki ta ri gi padi rua na kedo, ru gu mate. Ta ri gi rata mavonga, i malaviriri kunana e huriki ri masia a nipara dagi ne BAKOVI DAGI i para polomeli na Kape na Vaponga. Lakea i uka ma ri padi rua na kedo.

Ni Gi 16:19

Muri e Kora i vakalipopo e huriki ri pesi tabukoi na matana Kape na Vaponga, ri mata lakea ne Moses e Aron. Na tahuna ri vapopo, e BAKOVI DAGI i ratea a bagetua vona i bele kavakava i masia e huriki.

Ni Gi 16:42

Na tahuna e huriki lobo ri vapopo ri tahate e Moses e Aron, ri mata lakea na Kape na Vaponga. Ri masia a bubu i kavitagua a kape, a bagetua dagi ne BAKOVI DAGI i bele kavakava.

Mateo 17:5

Na tahuna i tabana ni ta, a bubu pangapanga i kavitagu tou. A lohona viri i ta valai na bubu, i ta maea, “A Bakovi iea e Tugu, a hategu. A vivi hateka vona. Moto longo mai a nitana.”