A Nimariu 15:26 - A Nitana Vure

²⁶ I taki ria, “Mu longo kamumu a nitagu. Iau e BAKOVI DAGI a Vure ne mua. A vakamahuri mua na gilanga. Mu longototo iau, mu rata a naro ge kamumu, mu ramai a maka vinara, a nitovo nau, i uka ma ga ratapile mua na maka gilanga, i manga a hini a rata ne huriki a Egipto.”

A Nimariu 15:26 Iomraidhean Croise

A Nimariu 12:29

Na kururodo e BAKOVI DAGI i rabalaki e huriki a tabua bakovi ne Egipto. I vakatubu na tabua ne Parao i harena na tabua ne huriki a vorakato. A tabua a toga na maka bulmakau a sipsip, ngi ranga i rabalaki.

A Nimariu 19:5

Mua bara mu longo mai iau, mu ramaia a ngava dagi nau, bara vulaki mua ge mua a tara nau. A maki lobo, e huriki lobo na malala, ria ranga ne nau.

A Nimariu 19:6

A ngaru mua mu gu made malamala, ge mua e huriki a viri nau, mu gu rata a leho manga a prister. Ra ngava nga o vakalongo e huriki a Israel vona.”

A Nimariu 20:2

“Iau kunana e BAKOVI DAGI a Vure ne mua, a bole tala mua o Egipto, ra tanga ni vakavora mua vona.

A Nimariu 23:25

Mu kavurike iau kunana, e BAKOVI DAGI a Vure ne mua. Mu rata mavonga bara rata kamumu mua, a vakani, a vakaninu, a vakatavaga mua na gilanga.

E Levi 26:13

Iau e BAKOVI DAGI a Vure ne mua. Hosi mua a vorakato o Egipto ni vakavora hateka, muri a tuli tala mua vonga, a taparaki valai mua koea, lakea i uka ma ge mua a vorakato tabu ne ria. A ratapilea a nitora na bakovi i vakavora hateka mua, ngane mu laho na pesivahane mua.

E Levi 26:3

“Mua bara mu ramai a vinara nau, mu rata a maki a ngaru mu gu rata,

Ni Gi 12:13

Lakea e Moses i nana torea e BAKOVI DAGI i ta maea, “O Vure, a ngaru hateka go ratea e Miriam ge matapado.”

Vinara 12:25

Naha ni ninu a darana sipsip a bulmakau, lakea a maka maki bara i bele kamumu ne mua, ne tune mua na tahuna mu rata a naro kamumu na matane BAKOVI DAGI, a Vure ne mua.

Vinara 12:28

Mu ramai kamumu a maka vinara a taki mua vona pali, lakea a maka maki bara i bele kamumu ne mua, ne tune mua na tahuna mu rata a naro kamumu na matane BAKOVI DAGI, a Vure ne mua.

Vinara 13:18

E BAKOVI DAGI a Vure ne mua bara i ratea a maki iea na tahuna mu ramai lobo a vinara vona a habi ne mua ngane, mu rata a maka maki ge malamala na matana.”

Vinara 28:27

E BAKOVI DAGI bara i rata a maka loto ri tuvu ne mua, i manga a hini i rata virihi e huriki a Egipto. Bara i rata a maka ngarava dagi ri tuvu viliha na kuline mua. A maka buhira bara ri tuvu lae na kuline mua, ri makali hateka, pali mua mu uka dala mu gu ratea a gilanga iea ge lobo.

Vinara 28:58

“Mua i uka ma mu ramai kamumu a maka nita na vinara i tabuli vona a puhu iea, i uka ma mu togo a rane BAKOVI DAGI a Vure ne mua ra i polomeli hateka,

Vinara 28:60

A maka gilanga hale ri madoko ne mua, ri manga a maka gilanga mu matai o Egipto, ra mu mangenge hateka ne ria.

Vinara 32:39

“Pali mu lohoka vona iau kunana, iau a Vure Muholi. I uka tara vure ge manga iau. A habi a nimahuri na bakovi. A bole vuroki a nimahuri na bakovi. A ratapile a bakovi, a vakamahuri a bakovi. Iau a ngaru ni ratea tara maki, bara ratea.

Vinara 5:1

E Moses i gale palupu e huriki a bakovi a ngatavine ne Israel, ri valai palupu ri vapopo, i taki ria, “Mua o huriki a Israel, mu longo kamumu a maka vinara ga taki mua vona ngane, mu tovo mu ramai kamumu.

Vinara 7:15

E BAKOVI DAGI bara i matakari kamumu mua, i uka ma mu gu bole a gilanga legelege. I uka ma ge rudu valai a maka gilanga hale, ra mu matai ne huriki a Egipto, ge bele ne mua. Ra gilanga nga bara i rata ri bele ne huriki a pile ne mua.