A Nimariu 15:24 - A Nitana Vure

²⁴ Lakea e huriki ri tahatea e Moses, “A ra mi gi nua ngane?”

A Nimariu 15:24 Iomraidhean Croise

A Nimariu 14:11

Lakea ri tahatea e Moses, “I navai o tuli valai mia koea na tabeke i ngeki? O luhoi e huriki a Egipto ri uka a hini ri gi tanu e huriki ri mate vona, o bole valai mia koea na tabeke i ngeki mi gi mate? I kamumu hateka mi gi made o Egipto mi gi mate vonga.

A Nimariu 16:2

Na tahuna ri made na tabeke i ngeki, ri deke ne Moses e Aron.

A Nimariu 5:21

Lakea ri taki e Moses e Aron, “E BAKOVI DAGI i matai pali a narone marua, bara i ratapile marua, a vuhuna muru ratea e Parao turane huriki a bolekori vona, ri luhoi mia ta mia a maki tavula. Ra marua, ngane muru vakarike a hatene Parao bara i rabalaki mia.”

Ni Gi 14:22

I muholi hateka e huriki a bakovi a ngatavine ri longotaro ri toha iau, i uka ma ri gi lakea na robo ta ga habia ne ria. Ri masia a nipara i vakasiri ria ne nau a made turane ria. Ri matai a maka nivakasiri a rata pali o Egipto a rata pali na tabeke i ngeki. Pali ri longotaro vakaroro a nitagu.

Ni Gi 16:11

Ari mua, i navai mu padi momoa e Aron? Ra mua, i uka ma mu padi momo kunana e Aron, mu padi momo e BAKOVI DAGI a Vure ne hita.”

Ni Gi 16:41

Na parava muri, e huriki lobo ri tapuhaki ne Moses e Aron, ri ta maea, “Muru rabalaki pali ranga e huriki a tara ne BAKOVI DAGI.”

Ni Gi 17:10

E BAKOVI DAGI i takia e Moses i ta maea, “A kodo i tahoka a rane Aron o bole mule lakea na kape o ru tabukoia na Tava na Ngava Dagi, ge a kilakila ge rata e huriki a bakovi a ngatavine na tagenga ri gi luhoi kamumu. Ra naro iea bara i vakalobo a nita barangungu ne ria, i uka ma ri gi tapuhaki tabu ne nau.”

Ni Gi 21:5

Ri tapuhaki na Vure ne Moses ri ta maea, “I navai muru tuli tala mia o Egipto mi gi mate tavula koea na tabeke i ngeki? I uka maki ni kani koea! I uka naru! Mi marikoi vona ra mana mi kani balea, i uka ma a maki ni kani muholi.”

Mateo 6:25

“I mavonga a taki mua naha ni luhoi lege lae vona a nimade ne mua, a maki mu gu kani, a maki mu gu ninu. Naha ni luhoi lege lae vona a kakaine mua, a ra maki mu gu rodo. A maki dagi a nimahuri, a maki kiroko a maki ni kani. A maki dagi hateka a kakaina viri, a maki kiroko a varakia.

1 Korin 10:10

Naha ni deke na Vure, i manga e huriki ranga ne ria ri rata. Ri rata mavonga, lakea a agelo na matenga i rabalaki ria.

Pilipai 2:14

A maki lobo mu rata, naha ni deke, naha ni hehe,

Iuda 1:16

Re huriki a nitamina mari ni tovo, ra ri made turane mua, ri marikoi, ri hehe vona a naro kamumu na Vure. I uka ma ri vivi ranga, ri deke bala. Ri ramai kunana a ningaru hale na kakaine ria. Ri bibi rike mule ria. Ri tamilalu ni rata kamumu e huriki, ri gi bole a maka maki ne ria.