A Nimariu 15:16 - A Nitana Vure

¹⁶ Nimariu Ri masia a nitora dagi vomu, ri mangenge, ri keri ni ratea tara maki. Ri pesi tavula kunana manga a kedo, i harena ne huriki a viri vomu ri vano. BAKOVI DAGI, ioe kunana o bole tala mia o Egipto, ngane mi laho malimali.

A Nimariu 15:16 Iomraidhean Croise

A Vuhuna 35:5

Muri ri vano, lakea a Vure i rata e huriki a bakovi na maka tanga dagi tabukoi vonga ri mangenge, i uka ma ri valili ria.

A Nimariu 11:7

Pali iau i uka ma ga ratea tara maki hale ge bele ne huriki a Israel o na sipsip a bulmakau ne ria.’ Muri bara o matakilaka vona ra naro e BAKOVI DAGI i ratea ne huriki a Egipto, i uka ma ge ratea ne huriki a Israel.

A Nimariu 15:13

“O dodo mia, o kori mia o vakasiri mia na dala. Na nitora vomu o rupolo mia na tanga kamumu vomu.

A Nimariu 15:5

A bokona dari i rere tagu ria; ri pasiri na utu manga a kedo.

A Nimariu 15:6

“BAKOVI DAGI, a limamu a kanemu i gao hateka, i ratapile e huriki a pile.

A Nimariu 18:8

Lakea e Moses i vakalongo e Ietro vona a maki lobo e BAKOVI DAGI i rata ne huriki a Egipto, i tuhori e huriki a Israel. I vakalongo e Ietro vona a maka maregoa i bele ne ria na dala, na naro e BAKOVI DAGI i tuhori i matakari ria.

A Nimariu 20:2

“Iau kunana e BAKOVI DAGI a Vure ne mua, a bole tala mua o Egipto, ra tanga ni vakavora mua vona.

A Nimariu 23:20

“Mu longo kamumu, ga rudua a agelo nau ge muga mua, ge matakari mua na dala. Ge vano ge taparaki mua na robo a kisi purua ne mua.

A Nimariu 23:22

“Mua bara mu longototo a ngavana, iau bara a taga ne mua ga ratapile e huriki a pile ne mua.

A Nimariu 23:27

“Ga muga mua, ga vakamangenge, ga vakavaroru e huriki a pile ne mua, bara ri ngalakapulo ri ha.

A Nimariu 6:7

Ga bole mua ge mua a ngate nau, pali iau ge iau a Vure ne mua. Muri bara tuli tala mua o Egipto, a tanga ni vakavora mua vona. Na tahuna iea bara mu lohoka vona iau kunana e BAKOVI DAGI, a Vure ne mua.

Apostolo 20:28

Mu matakari kamumu mua turane huriki a kabukabu. A Hanu Kiripiripi i habi ria na limane mua, ge mua a matakari ne ria. Mu leho manga a matakari na tara na Vure, a Vure i konamule ria pali na darane Tuna.

Vinara 11:25

I uka tara viri ge putukari a dala ne mua. Na tabeke lobo na malala mu lakea vona, e BAKOVI DAGI a Vure ne hita, bara i rata e huriki a bakovi a ngatavine ri mangenge ne mua, i manga a ngava i taki.

Vinara 2:25

Mona ga rata e huriki na tanga lobo ri gi mangenge hateka ne mua. Na tahuna ri longo a rane mua bara ri mangenge hateka ne mua.’

Vinara 2:4

I taki iau ga taki mua vona a nita vakalohoka iea, ‘Ngane bara mu laho polo na maka lolo ne Idom, ra malala ne huriki a viri ne mua, ra kabune Esau. Bara ri mangenge ne mua,

Vinara 32:6

Pali e BAKOVI DAGI ia e tamane mua. I vakabele mua lobo, i rata mua, mua a kabu i taku. Pali i navai mu ratea vona a naro maea? Mua a manga, mu uka a niluhoi kamumu.

Vinara 32:9

Pali i vulakia a kabu ne Iakop ge matakaria.

Titus 2:14

Na ningaru vona i mate, ge vakamatukapaga hita na naro hale lobo, ge vahilolo hita si gi kabakaba, ge bole hita, si gi leho tora ni rata a naro kamumu.

Iosua 2:9

i taki rua i ta maea, “A lohoka vona e BAKOVI DAGI i habia pali ne mua a Israel a robo iea. A taki muholi marua, mia mi mangenge hateka, i vakulu a tagane mia ne mua,

Iosua 4:24

E BAKOVI DAGI a Vure ne hita i ratea a maki iea, ge vakasiri e huriki na tabeke lobo na malala ri gi lohoka vona a nitora vona, lakea si gi kavurike vakaroroa.”

1 Petrus 2:9

Pali mua, a Vure i vulaki mua. Mua e huriki a prister na hariki, a tara malamala, ne vona a Vure kunana. A Vure i rata mavonga, mu gu vakasiri e huriki vona a Vure i kamumu hateka, a vuhuna muga mu made na uvo. Pali i gale tala mua, mu gu made na nipara kamumu vona.

2 Petrus 2:1

Hosi e huriki a nitamina propet ri bele ne huriki a Israel. I mavonga kunana, bara ri bele ne mua. Bara ri tamilalu ni tovo a ngava muholi, pali a maki ri tovo, a ngava taminga ni ratapile e huriki. Bara ri marikoi ni takia e Isu ga Bakovi Dagi ne ria, re Bakovi Dagi i konamule ria. I mavonga, a Vure bara i ratapile malaviriri ria.