A Nimariu 14:8 - A Nitana Vure

⁸ E BAKOVI DAGI i ratea e Parao a hariki o Egipto i gigitora, i nunu muri ne huriki a Israel, i matakana ria. Pali e huriki a Israel ri lohoka vona pali, ri mulangi, ri vivi ri vano.

A Nimariu 14:8 Iomraidhean Croise

A Nimariu 10:27

Pali e BAKOVI DAGI i ratea e Parao i gigitora, i uka ma i longo ne ria ri gi vano.

A Nimariu 13:16

Si ratea a naro iea si gi luhoi tabua e BAKOVI DAGI i bole tala mia o Egipto i vakamariu valai mia koea na nitora vona. Ra nita iea i manga a kilakila ni topi na limane hita na dumene hita.’”

A Nimariu 13:18

Lakea a Vure i bole ria, ri laho halui a tabeke i ngeki, ri vano ri bele na Dari Vururu. Na tahuna ri mariu tala o Egipto, ri bole a maki na vabinga ri vano.

A Nimariu 13:9

Ra habu iea i manga a kilakila na limane mua, na dumene mua. Bara i rata mua mu luhoi, mu vata vona a vinara ne BAKOVI DAGI, a vuhuna na nitora dagi vona i vakamariu tala hita o Egipto.

A Nimariu 14:17

Iau ga rata e huriki a Egipto ge madihi a hatene ria, ri gi valili ne mua a Israel. Muri ga ratapilea e Parao turana a tara na vabinga vona ra ri rike na karis a hos. A maki ga ratea bara vakadagi a ragu vona.

A Nimariu 14:4

Iau ga ratea e Parao ge madihi a hatena ge lili ria. Pali iau bara ratapilea turana a tara na vabinga vona, ga vakadagia a ragu na maki a ratea vona. Muri e huriki a Egipto bara ri lohoka vona, iau kunana e BAKOVI DAGI.” E huriki a Israel ri longototoa a nitane Bakovi Dagi, ri hamule.

A Nimariu 14:7

I vulaki a maka vagana karis i 600 ne Egipto, turane huriki ri vakanunu ria.

A Nimariu 15:9

“A pile i bibi i ta maea, ‘Ga valili, ga nugutata ria. Ga bole ga veru a maka mahala ne ria; a maki a ngaru ni bole bara bole kunana. Ga lalu talea a bainat nau ga rabalaki ria.’

A Nimariu 4:21

Muri e BAKOVI DAGI i takia, “Na tahuna o bele o Egipto o rata a maka nivakasiri na matane Parao. Iau a habia vomu a nitora ni ratana a nivakasiri. Pali iau bara ratea e Parao i gigitora i uka ma ge longo vona e huriki a Israel ri gi vano.

A Nimariu 6:1

Muri e BAKOVI DAGI i takia e Moses, “Ngane bara o masia a naro ga ratea ne Parao. Muholi hateka, na tuhakanga nau ga ratea ge longo ne mua mu vano. Na tuhakanga nau ga kinikuia ge tono tala mua na robo vona.”

A Nimariu 9:12

Pali e BAKOVI DAGI i ratea e Parao i gigitora, i uka ma i longo mai e Moses e Aron, i manga a ngava i taki muga e Moses vona.

E Levi 26:13

Iau e BAKOVI DAGI a Vure ne mua. Hosi mua a vorakato o Egipto ni vakavora hateka, muri a tuli tala mua vonga, a taparaki valai mua koea, lakea i uka ma ge mua a vorakato tabu ne ria. A ratapilea a nitora na bakovi i vakavora hateka mua, ngane mu laho na pesivahane mua.

Ni Gi 33:3

E huriki a Israel ri pea a tanga e Remeses na ravulu i pololimana parava na mugana keva, na parava muri na Habu na Nipagepolo. Ri laho tala vaganagana na matane huriki a Egipto lobo.

Apostolo 13:17

A Vure ne hita e huriki a Israel i vulaki e huriki a gare ne hita, i rata ria ri bele kupo hateka na tahuna ri made o Egipto. Muri i bole tala ria o Egipto na nitora dagi vona.

Vinara 26:8

Lakea e BAKOVI DAGI i rata a leho dagi hateka i korimule mia o Egipto. I rata a maka nivakasiri, a maki hale i bele ne ria.

Vinara 32:27

Pali iau bara rata e huriki a pile bara ri bibi rike ria ri ta maea, ‘Mi ratapile pali e huriki a tara ne BAKOVI DAGI na nitora ne mia. E BAKOVI DAGI ne ria i uka ma i ratea a maki iea ge bele.’”

Iosua 11:20

E BAKOVI DAGI kunana i rata e huriki a pile ri pesi tora na vabinga, lakea e huriki a Israel i uka ma ri dodo ria. E huriki a Israel ri ramai a ngava hosi e BAKOVI DAGI i habia ne Moses, lakea ri vakalobo liu ria.