A Nimariu 14:22 - A Nitana Vure

²² Lakea e huriki a Israel ri laho polo na tabeke i mahasi na kurukuruna. A dari i pesi manga a nure na kanene ria, na maurine ria.

A Nimariu 14:22 Iomraidhean Croise

A Nimariu 14:29

Pali e huriki a Israel ri laho polo na hini i mahasi, ri bele na tabeke tara. A dari i pesi manga a nure na kanene ria, a maurine ria.

A Nimariu 15:19

A Dari Vururu i mahasi, lakea e huriki a Israel ri laho polo. Muri e BAKOVI DAGI i ratea a dari i hamule mai a murina, i kavitagu a tara na vabinga ne Parao, turana a maka karis a hos ne ria.

A Nimariu 15:8

A bangomu i manga a vilu dagi, i ratea a dari i rere, i vakalipopo, i gatuka, i pesi manga a nure.

Ni Gi 33:8

Ri pea e Pihahirot ri polo kudua a Dari Vururu, ri vano ri bele na tabeke i ngeki. Ri laho na parava i tolu na tabeke i ngeki ne Etam, ri rata a mada o Mara.

1 Korin 10:1

Mua e huriki a turagu, a ngaru mu gu lohoka vona, e huriki a gare ne hita hosi, a bubu i matakari ria lobo na tabeke i ngeki. Ria lobo ri laho polo na dari.

Hibru 11:29

E huriki a Israel ri luhoi torea a Vure, ri laho page poloa a Dari Vururu, ri laho langa na malala i vu pololilo na dari iea. Na tahuna e huriki a nugumaheto o Egipto ri tonia, ria lobo ri pasiri, ri mate.

Iosua 3:16

lakea a naru i roga, i uka ma i tua tabu. Ra naru i tua valai meli i tabuli manga a lolo i vano i harena na tanga e Adam, ra tanga i pesi tabukoi na tanga e Saretan. A naru i tua lakea na Dari Mate i kere liu. E huriki ri laho polo ri bele na tabeke tara tabukoi o Ieriko.

Iosua 3:17

E huriki a Israel ri laho polo na hini kere. E huriki a prister ri kalohoa a Tava na Ngava Dagi ne BAKOVI DAGI, ri pesi mavonga na hini kere na kurukuruna a naru e Iordan, i harena ne huriki ri laho polo lobo.

Iosua 4:22

E huriki e tamane ria ri gi koli ri gi ta maea, ‘Ra kedo nga a kilakilane huriki a Israel ri laho polo na naru e Iordan na tahuna i mara.’