A Nimariu 13:9 - A Nitana Vure

⁹ Ra habu iea i manga a kilakila na limane mua, na dumene mua. Bara i rata mua mu luhoi, mu vata vona a vinara ne BAKOVI DAGI, a vuhuna na nitora dagi vona i vakamariu tala hita o Egipto.

A Nimariu 13:9 Iomraidhean Croise

A Nimariu 12:14

Muri a Vure i ta maea, “Mu luhoi vaka­roroa ra parava iea na maka nivakasiri a rata ne mua. Na pida lobo e huriki a hamone mua, ria ranga, bara ri luhoi mulea a parava iea. Ra parava iea, a parava ne BAKOVI DAGI.

A Nimariu 12:41

Muri na pida i 430, na parava iea kunana, e huriki a tara ne BAKOVI DAGI ri pe a robo e Egipto, ri mariu tala.

A Nimariu 13:14

“Muri ma, e huriki e tune mua bara ri nana, ‘I navai a vuhuna a naro iea?’ Mu koli mu ta maea, ‘E huriki a Egipto ri vakavora hateka mia na robo ne ria, pali e BAKOVI DAGI, na nitora dagi vona, i tuli tala mia mi valai.

A Nimariu 13:16

Si ratea a naro iea si gi luhoi tabua e BAKOVI DAGI i bole tala mia o Egipto i vakamariu valai mia koea na nitora vona. Ra nita iea i manga a kilakila ni topi na limane hita na dumene hita.’”

A Nimariu 13:3

Muri e Moses i taki e huriki, “Na pida lobo mu luhoi mule vakaroroa a parava iea, naha ni kani a bret i vona is. Ra parava iea e BAKOVI DAGI i tuli tala mua o Egipto, a tanga na nivakavora. Na nitora vona kunana i vakamariu tala mua.

A Nimariu 3:20

I mavonga iau bara vakasiria a nitora nau, ga rata a maka niturutu ga ratapile e huriki a Egipto. Muri e Parao bara i longo ne mua mu vano.

A Nimariu 7:4

E Parao i uka ma ge longototo a ngavamu, bara ratapilea e Egipto, ga pelekado ga vakamadihi e huriki a tahotanga, ga vakamariu e huriki a viri nau, re huriki a Israel.

Ni Gi 15:39

Na tahuna mu matai a maka potu nga, bara mu luhoi a maka vinara lobo a habi ne mua, mu ramai. Lakea i uka ma mu gu pe iau, mu gu ramai a ningaru ne mua kunana mu gu rata a naro hale.

Mateo 23:5

“A maki lobo ri rata, ri vakaholi kunana, e huriki ri gi matai. Ri tama na dumene ria a maka puhu na nitana hinere, ri bole na limane ria ranga. Ri rata a varakia na nivasileki ne ria i ola, i bola.

A Raukea e Paulus i Here Lakea ne Huriki a Rom 10:8

Pali e Moses i ta maea tabu, “A nitana Vure i tabuli tabukoi vomu. I tabuli na ngavamu, i tabuli na hatemu.” A nita iea, a nitana ngava si gi luhoi torea e Kristo. Si taki tala vakaroro a ngava iea.

Vinara 30:14

I uka, ra ngava nga i tabuli tabukoi hateka ne mua, pololilo na hatene mua, na ngutune mua. Ngane mu lohoka vona mu kara ni vakalongo, mu ramai vakaroroa a nita iea.

Vinara 5:15

Mu luhoi mule a tahuna mua a vorakato iea o Egipto, na nitora dagi nau, iau e BAKOVI DAGI a Vure ne mua a bole valai mua koea. Na naro a rata virihi mua vona kunana, a vakuku mua mu gu ramai kamumua a vinara na Parava Nimalo.

Vinara 6:21

Mu koli ria mu ta maea, ‘Mi leho manga a vorakato na hariki o Egipto, lakea e BAKOVI DAGI i bole mule mia na nitora vona.

Vinara 6:6

Na parava vakaroro mu luhoi a maka vinara a habi ne mua pali.

Vinara 6:8

Mu kolotata puru na limane mua, mu kolo na dumene mua, ge manga a kilakila i uka ma mu gu longokaburungi.

Kapiloho 18:8

I mavonga, a vuranga i kupo ge bele vona na parava i taku kunana. A matenga, a nidedo, a vitoloa ge bele vona. A kanono ge gutu parinea, ge lobo, a vuhuna a viri i pelekadoa i gao hateka, ra Vure, a Bakovi Dagi.”