A Nimariu 13:3 - A Nitana Vure

³ Muri e Moses i taki e huriki, “Na pida lobo mu luhoi mule vakaroroa a parava iea, naha ni kani a bret i vona is. Ra parava iea e BAKOVI DAGI i tuli tala mua o Egipto, a tanga na nivakavora. Na nitora vona kunana i vakamariu tala mua.

A Nimariu 13:3 Iomraidhean Croise

A Vuhuna 15:16

E huriki a hamomu ri vakatubu ne kukulima, bara ri hamule valai koea muri ma. Pali i uka ma ge ioe, a vuhuna a naro hale ne huriki a Amor i uka ma i hale hateka ma.”

A Nimariu 12:15

Na parava ge polorua mu kani a bret i uka ma ni vuli turana is. Na mugana parava mu vuroki a is i tabuli na ruma ne mua. E rei a viri i kani a bret i tahoka a is na parava nga, ni gi lili tala na kabu ne Israel.

A Nimariu 12:17

“Na pida lobo mu luhoia ra Parava Dagi na Bret i Uka Is, a vuhuna a vakamariu tala mua o Egipto na parava iea.

A Nimariu 12:19

Na parava ge polorua nahea a is ge tabuli na ruma mua. A viri i kani a bret i tahoka is, mu lili talea na kabu ne Israel. A mosi tara mu rata mavongea.

A Nimariu 12:2

“Ra keva iea, a mugana keva na pida.

A Nimariu 12:41

Muri na pida i 430, na parava iea kunana, e huriki a tara ne BAKOVI DAGI ri pe a robo e Egipto, ri mariu tala.

A Nimariu 12:42

Na rodo iea kunana e BAKOVI DAGI i matakari kamumu e huriki a Israel, i bole tala ria o Egipto ri vano. Na pida lobo e huriki a hamone ria ri gi luhoi mulea ra rodo iea, ri gi kavurikea e BAKOVI DAGI.

A Nimariu 12:8

Na rodo iea mu gutu na kanono a maka tuna sipsip turana a lahia lahaha, mu kani kinika na bret i uka is.

A Nimariu 13:14

“Muri ma, e huriki e tune mua bara ri nana, ‘I navai a vuhuna a naro iea?’ Mu koli mu ta maea, ‘E huriki a Egipto ri vakavora hateka mia na robo ne ria, pali e BAKOVI DAGI, na nitora dagi vona, i tuli tala mia mi valai.

A Nimariu 13:9

Ra habu iea i manga a kilakila na limane mua, na dumene mua. Bara i rata mua mu luhoi, mu vata vona a vinara ne BAKOVI DAGI, a vuhuna na nitora dagi vona i vakamariu tala hita o Egipto.

A Nimariu 20:2

“Iau kunana e BAKOVI DAGI a Vure ne mua, a bole tala mua o Egipto, ra tanga ni vakavora mua vona.

A Nimariu 20:8

“Mu luhoi mulea a Parava Nimalo, mu ru herea ge a parava nau kunana.

A Nimariu 23:15

“Mu ratea a Habu na Bret i Uka Is, mu kavurike iau. Mu kani a bret i uka is na parava ge polorua i manga a ngava a taki mua vona. A habu iea mu ratea na keva e Abib, a vuhuna na keva iea kunana mu mariu tala o Egipto. Na tahuna mu valai ni kavurike iau, mua takutaku mu bole a nihabi mu habi nau.

A Nimariu 3:20

I mavonga iau bara vakasiria a nitora nau, ga rata a maka niturutu ga ratapile e huriki a Egipto. Muri e Parao bara i longo ne mua mu vano.

A Nimariu 34:18

“Mu luhoi mulea a tahuna mu mariu tala o Egipto, mu ratea a Habu na Bret i Uka Is. Na keva e Abib na pida lobo, mu kani a bret i uka is na parava ge polorua, i manga a hini a taki.

A Nimariu 6:1

Muri e BAKOVI DAGI i takia e Moses, “Ngane bara o masia a naro ga ratea ne Parao. Muholi hateka, na tuhakanga nau ga ratea ge longo ne mua mu vano. Na tuhakanga nau ga kinikuia ge tono tala mua na robo vona.”

A Nimariu 6:6

“Ngane o vakalongo e huriki a Israel vona a nitagu, ‘Iau kunana e BAKOVI DAGI. Ga korimule mua na limane huriki a Egipto na maka maregoa ri rata virihi mua vona. Na nitora dagi nau ga pelekado ria ga ratapile ria, ga korimule mua.

A Nimariu 6:7

Ga bole mua ge mua a ngate nau, pali iau ge iau a Vure ne mua. Muri bara tuli tala mua o Egipto, a tanga ni vakavora mua vona. Na tahuna iea bara mu lohoka vona iau kunana e BAKOVI DAGI, a Vure ne mua.

A Nimariu 7:4

E Parao i uka ma ge longototo a ngavamu, bara ratapilea e Egipto, ga pelekado ga vakamadihi e huriki a tahotanga, ga vakamariu e huriki a viri nau, re huriki a Israel.

Mateo 10:12

Na tahuna mu bele na ruma, mu tagui e huriki vonga.

Lukas 22:19

Muri e Isu i bole rikea a bret, i kavu­rikea a Vure, i kevea, i veru ne huriki a apostolo vona, ri gi kani, i ta maea, “Ra bret iea a bobogu, a habia ge korimule mua. Mu rata mavonga vakaroro, mu luhoi mule iau.”

1 Korin 11:24

i kavurikea a Vure vona, i kevea, i ta maea, “Ra bret iea a bobogu, a habia ge korimule mua. Mu rata mavonga vakaroro, mu luhoi mule iau.”

1 Korin 5:8

I mavonga, si gi ratea a habu iea, nahea si gi kani a bret hosi i vona a is, ra naro hale. Si gi ratea a habu iea na bret i uka is vona, ra naro malamala, na nita muholi.

Epesus 1:19

A vasileki vona, mu gu lohoka vona a nitora dagi vona. Ra nitora iea i rangi a maki lobo, i tuhori hita e huriki si luhoi torea. A nitora iea kunana

Vinara 13:10

Mu voro a maka kedo, mu padia ge mate liu. A vuhuna i ngaru ni turari tala basi mua ne BAKOVI DAGI a Vure ne mua. Mu luhoi mulea a Vure i bole tala mua o Egipto, na tahuna mu leho manga a vorakato vonga.

Vinara 13:11

Mu rabalaki e huriki ri ngaru ni turari tala mua. Muri e huriki a Israel lobo bara ri longoa a velengana a maki iea, bara ri mangenge, ri matakari kamumu ria, i uka ma ri gi rata tabua a naro hale iea.

Vinara 13:5

Pali mu rabalaki e huriki a propet turane huriki ri tuveve polo a vurena viri, na tahuna ri taki mua mu gu longotaro a nitane BAKOVI DAGI a Vure, ra i bole tala mua o Egipto na tahuna mua a vorakato. Re huriki a bakovi maea ria a bakovi hale, ri ngaru ni turari tala mua na dala e BAKOVI DAGI i ngaru mua mu gu ramaia. Mu rabalaki e huriki a bakovi hale maea na mailo ne mua.

Vinara 13:6

“Na tahuna e turamu, e tumu, e girihimu ra o ngaru hatekea, e turamu tara i voko ioe, i ngaru ioe go kavurike a vure ranga, naha ni longototo, a vuhuna ioe turane huriki a gare vomu hosi, i uka ma mu kavurike a vure ranga.

Vinara 15:15

O luhoi mulea a tahuna mu made manga a vorakato o Egipto, lakea e BAKOVI DAGI, a Vure ne mua, i bole mule mua vonga. Na naro iea kunana, ngane a habia ne mua a vinara iea.

Vinara 16:1

E Moses i ta tabu i ta maea, “Na keva e Abib na pida lobo mu ratea a Habu na Nipagepolo, mu kavurikea a rane BAKOVI DAGI a Vure ne hita. A vuhuna hosi na rodo tara na keva iea i bole tala mua o Egipto.

Vinara 16:12

Mu luhoi mulea a tahuna mu leho manga a vorakato o Egipto, i mavonga mu ramai kamumu lobo a maka vinara.

Vinara 16:3

Na tahuna mu ratea a habu iea, naha ni kania a bret i tahoka a is. Na parava ge polorua mu kani kunana a bret i uka is, a vuhuna hosi mu papahari mu kani a bret i uka is, mu ha tala o Egipto. Mu kania a bret iea ne vona ni luhoi mule a parava mu pe e Egipto mu valai. Mu luhoi vakaroroa ra maki iea ge harena na tahuna mu mate vona.

Vinara 24:18

Mu luhoi mule, na tahuna mu leho manga a vorakato o Egipto, e BAKOVI DAGI a Vure ne mua i vakaha tala mua. Mua mu made hale maea, lakea a habia mua a vinara iea.

Vinara 24:22

Mu luhoi mule a tahuna mu leho manga a vorakato o Egipto, i hale a nimadene mua vonga, lakea a vakuku maea mua.”

Vinara 26:8

Lakea e BAKOVI DAGI i rata a leho dagi hateka i korimule mia o Egipto. I rata a maka nivakasiri, a maki hale i bele ne ria.

Vinara 4:34

E BAKOVI DAGI a Vure ne hita i bole tala hita o Egipto, i taparaki valai hita koea, i rata hita, hita e huriki a tara vona. Na matane mua i rata a maka leho i kupo na nitora vona. I rata a maka gilanga dagi ri bele ne huriki a Egipto, i vaubi hateka ne ria. I rata a maka nivakasiri, i rata a maka maki dagi i rata ria ri mangenge hateka. I tahoka tabu tara vure i kara ni ratana a maka maki nga? I uka liu.

Vinara 5:15

Mu luhoi mule a tahuna mua a vorakato iea o Egipto, na nitora dagi nau, iau e BAKOVI DAGI a Vure ne mua a bole valai mua koea. Na naro a rata virihi mua vona kunana, a vakuku mua mu gu ramai kamumua a vinara na Parava Nimalo.

Vinara 5:6

‘Iau e BAKOVI DAGI a Vure ne mua. Na tahuna mua a vorakato o Egipto, a bole tala mua vonga, a taparaki valai mua koea.

Vinara 6:12

Mu matadoko, naha ni lohopilea e BAKOVI DAGI. Ia kunana i bole tala mua o Egipto na tahuna ni vakavora mua vonga, i taparaki valai mua koea.

Vinara 6:21

Mu koli ria mu ta maea, ‘Mi leho manga a vorakato na hariki o Egipto, lakea e BAKOVI DAGI i bole mule mia na nitora vona.

Vinara 7:8

Pali e BAKOVI DAGI i ngaru hateka mua, i ngaru ni ramaia a nikaba i ratea ne huriki a gare ne hita. Na ngava iea kunana, i tuhori mua na nitora dagi vona, na tahuna mu leho manga a vorakato o Egipto, i bole mule mua na limane Parao, ra hariki o Egipto.

Vinara 8:14

naha ni bibi rike mule a rane mua, mu gu lohopile vona e BAKOVI DAGI a Vure ne hita. Ia kunana i bole mule mua o Egipto na tahuna mu leho manga a vorakato vonga.

Vinara 9:12

Lakea i taki iau i ta maea, ‘O pe a lolo o puru malaviriri kunana, a vuhuna e huriki a tara vomu, ra o bole ria o Egipto o taparaki valai ria koea, ri rata a naro hale. Ri malaviriri kunana ri ngalahere vona a maka vinara nau, ri ratea a vure ne ria na gol.’

Iosua 24:17

Ia kunana e BAKOVI DAGI a Vure ne mia, i bole mule mia turane huriki a gare ne mia na tahuna mi leho manga a vorakato o Egipto. Mi matai pali a maka nivakasiri dagi i rata. Na tahuna si laho polo vona a malala na kabu ranga, na tahuna si lakea na tabeke ranga e BAKOVI DAGI i matakari hita si laho kamumu.