A Nimariu 13:19 - A Nitana Vure

¹⁹ E Moses i bole a tuhane Iosep i vano turana, a vuhuna hosi e Iosep i taki e huriki a Israel i ta maea, “Muholi hateka, muri ma na tahuna a Vure ge vakamariu tala mua o Egipto, mu bole a tuhagu mu vano turana.”

A Nimariu 13:19 Iomraidhean Croise

A Vuhuna 48:21

Muri e Israel i takia e Iosep, i ta maea, “Iau a tabukoi ga mate. Pali a Vure ge turamu ge bole hamule ioe na robo ne huriki a gare vomu.

A Nimariu 4:31

E huriki ri longoa a nitane Moses ri lohoka vona i muholi. Na tahuna ri longoa e BAKOVI DAGI i tagui ria, ri matai e huriki a Egipto ri vakavora hateka ria, ri lolu ri kavurikea a Vure.

Lukas 1:58

E huriki ri made na tanga vona, e huriki a kabukabu vona ri longoa e Bakovi Dagi i dodoa e Elisabet, lakea ri vivi turana.

Lukas 7:16

E huriki lobo ri mangenge, ri kavurikea a Vure. Lakea ri ta maea, “A propet dagi i bele na kurukurune hita. A Vure i valai pali ge tuhori e huriki a ngate vona.”

Apostolo 7:15

Lakea e Iakop i puru o Egipto, i mate vonga. E huriki e tuna, re huriki a gare ne hita, ria ranga ri mate vonga.

Apostolo 7:16

Lakea a podane ria ni kaloho mule valai o Sekem, ni ru na babe na malala dagi e Abraham i konea ne huriki e tune Hamor.

Hibru 11:22

E Iosep i luhoi torea a Vure. Na tahuna i popote ge mate, i vakalongo muga ne huriki a Israel bara ri ha taroa e Egipto. I taki ria ri gi bole turane ria a tuhana, na tahuna ri vano.

Iosua 24:32

Na tahuna e huriki a Israel ri pea e Egipto, ri kaloho a tuhane Iosep ri tanu o Sekem, na tabekena malala hosi e Iakop i konea na moni silva i ravulu mule ma murina balaka taku (100) ne huriki e tune Hamor re tamane Sekem. Ra malala iea ngane, a malala ne huriki a hamone Iosep.