A Nimariu 13:18 - A Nitana Vure

¹⁸ Lakea a Vure i bole ria, ri laho halui a tabeke i ngeki, ri vano ri bele na Dari Vururu. Na tahuna ri mariu tala o Egipto, ri bole a maki na vabinga ri vano.

A Nimariu 13:18 Iomraidhean Croise

A Vuhuna 50:25

Muri e Iosep i taki e huriki e tune Israel bakovi ri gi kaba vona a nita muholi. A nita muholi i maea, “Na tahuna a Vure ge valai ge korimule mua, mu bole tala koea a maka tuhagu, mu kaloho sike turane mua.”

A Nimariu 12:51

Na parava iea kunana e BAKOVI DAGI i vakamariu tala o Egipto e huriki a Israel.

A Nimariu 14:2

“O taki e huriki a Israel ri gi hamule, ri gi rata a mada tabukoi na tanga e Pihahirot. Ra tanga iea i pesi na kurukuruna tanga e Migdol, a Dari Vururu, tabukoi na tanga e Balsepon.

A Nimariu 14:9

A tara na vabinga ne Egipto turana a maka hos a karis, ri nunu muri ne huriki a Israel. Ri pakarau ria na tahuna ri malo na dahana Dari Vururu, tabukoi na tanga e Pihahirot e Balsepon.

Vinara 17:16

A hariki, nahea ge bole a maka hos vona ge kupo. Nahea ge rudu e huriki a bakovi ri gi puru o Egipto, ri gi kona a maka hos. A vuhuna, e BAKOVI DAGI i taki e huriki a tara vona nahea ri gi hamule puru o Egipto tabu.

Vinara 32:10

“I matavisi e huriki a Israel ri laho viliha na tabeke i ngeki, na hini i tahoka a vilu dagi. E BAKOVI DAGI i matavisi ria i tuhori ria. I matakari ria, i manga a hini i matakari mule ia.

Iosua 1:14

Ngane mu bolea pali a tabekena malala ne mua i manga a ngava e Moses i taki. E huriki a ngatavine, a koma, a maka sipsip a bulmakau ne mua ri gi made koea na malala e Moses i habia ne mua, na tabeke mule valai na naru e Iordan. Pali e huriki a nugumaheto ne mua ri gi muga, ri gi tulu poloa a naru, ri gi tagari, ri gi tuhori na vabinga e huriki a viri mua,

Iosua 4:12

E huriki a tara ne Reuben, ne Gad, a kalavana a kabu ne Manase ri bole a maka lebo na vabinga, ri muga e huriki, i manga a ngava e Moses i taki.

Iosua 4:13

E huriki ri lakea na vabinga ri ala rangale ravulu va (40,000). Na matane BAKOVI DAGI ri vano ri bele na bila tabukoi na tanga dagi e Ieriko.