A Nimariu 13:14 - A Nitana Vure

¹⁴ “Muri ma, e huriki e tune mua bara ri nana, ‘I navai a vuhuna a naro iea?’ Mu koli mu ta maea, ‘E huriki a Egipto ri vakavora hateka mia na robo ne ria, pali e BAKOVI DAGI, na nitora dagi vona, i tuli tala mia mi valai.

A Nimariu 13:14 Iomraidhean Croise

A Vuhuna 30:33

Muri bara o matai kamumu a sipsip a meme a bole vomu. Na tahuna o matai a meme i uka ma i logologo, a tuna sipsip i uka ma i kokoa o matavisi i laho turana a kabuna nau, bara o lohoka vona iau kunana a panaho.”

A Nimariu 10:2

Muri ma bara o tuverei polo ne huriki e tumu, e tubumu, a maka nivakasiri a rata virihi e huriki a Egipto vona. Lakea mua lobo bara mu lohoka vona, iau kunana e BAKOVI DAGI.”

A Nimariu 12:41

Muri na pida i 430, na parava iea kunana, e huriki a tara ne BAKOVI DAGI ri pe a robo e Egipto, ri mariu tala.

A Nimariu 13:3

Muri e Moses i taki e huriki, “Na pida lobo mu luhoi mule vakaroroa a parava iea, naha ni kani a bret i vona is. Ra parava iea e BAKOVI DAGI i tuli tala mua o Egipto, a tanga na nivakavora. Na nitora vona kunana i vakamariu tala mua.

A Nimariu 13:8

Na tahuna a habu iea ge bele, mu vakalongo e huriki e tune mua mu ta maea, ‘A habu iea si ratea, si luhoi mulea a tahuna e BAKOVI DAGI i vakamariu tala mia o Egipto mi valai.’

A Nimariu 13:9

Ra habu iea i manga a kilakila na limane mua, na dumene mua. Bara i rata mua mu luhoi, mu vata vona a vinara ne BAKOVI DAGI, a vuhuna na nitora dagi vona i vakamariu tala hita o Egipto.

A Nimariu 20:2

“Iau kunana e BAKOVI DAGI a Vure ne mua, a bole tala mua o Egipto, ra tanga ni vakavora mua vona.

A Nimariu 6:1

Muri e BAKOVI DAGI i takia e Moses, “Ngane bara o masia a naro ga ratea ne Parao. Muholi hateka, na tuhakanga nau ga ratea ge longo ne mua mu vano. Na tuhakanga nau ga kinikuia ge tono tala mua na robo vona.”

A Nimariu 6:6

“Ngane o vakalongo e huriki a Israel vona a nitagu, ‘Iau kunana e BAKOVI DAGI. Ga korimule mua na limane huriki a Egipto na maka maregoa ri rata virihi mua vona. Na nitora dagi nau ga pelekado ria ga ratapile ria, ga korimule mua.

A Nimariu 6:7

Ga bole mua ge mua a ngate nau, pali iau ge iau a Vure ne mua. Muri bara tuli tala mua o Egipto, a tanga ni vakavora mua vona. Na tahuna iea bara mu lohoka vona iau kunana e BAKOVI DAGI, a Vure ne mua.

Apostolo 13:17

A Vure ne hita e huriki a Israel i vulaki e huriki a gare ne hita, i rata ria ri bele kupo hateka na tahuna ri made o Egipto. Muri i bole tala ria o Egipto na nitora dagi vona.

Vinara 5:15

Mu luhoi mule a tahuna mua a vorakato iea o Egipto, na nitora dagi nau, iau e BAKOVI DAGI a Vure ne mua a bole valai mua koea. Na naro a rata virihi mua vona kunana, a vakuku mua mu gu ramai kamumua a vinara na Parava Nimalo.

Vinara 5:6

‘Iau e BAKOVI DAGI a Vure ne mua. Na tahuna mua a vorakato o Egipto, a bole tala mua vonga, a taparaki valai mua koea.

Vinara 6:12

Mu matadoko, naha ni lohopilea e BAKOVI DAGI. Ia kunana i bole tala mua o Egipto na tahuna ni vakavora mua vonga, i taparaki valai mua koea.

Iosua 22:24

“Pali mia mi vakapesia a dede-kedo iea, a vuhuna mi mangenge, muri ma e huriki a hamone mua, ma ri gi taki maea e huriki a hamone mia, ‘I navai mu kavurikea e BAKOVI DAGI a Vure ne mia e huriki a Israel?

Iosua 24:17

Ia kunana e BAKOVI DAGI a Vure ne mia, i bole mule mia turane huriki a gare ne mia na tahuna mi leho manga a vorakato o Egipto. Mi matai pali a maka nivakasiri dagi i rata. Na tahuna si laho polo vona a malala na kabu ranga, na tahuna si lakea na tabeke ranga e BAKOVI DAGI i matakari hita si laho kamumu.

Iosua 4:6

A maka kedo nga ge a kilakila ne vona ni vakalohoka e huriki na maka maki dagi e BAKOVI DAGI i rata. Muri ma na tahuna e huriki a hamone mua ri gi nana, ‘I navai a kedo nga ri tabuli maea?’