A Nimariu 13:11 - A Nitana Vure

¹¹ “Na tahuna e BAKOVI DAGI ge taparaki mua na malala e Kenan i habia ne mua, ra i ta muholi vona hosi ne huriki a gare ne mua,

A Nimariu 13:11 Iomraidhean Croise

A Vuhuna 15:18

Na parava iea, e BAKOVI DAGI i ratea a ngava dagi turane Abram, i ta maea, “Iau a habia ne huriki a hamomu a malala iea, i vakatubu na naru e Vadi o Egipto i harena na naru dagi e Iupretis,

A Vuhuna 17:8

Ra malala e Kenan, ngane o made manga a mosi vona, ga habia vomu, ge vomu liu. Muri ga habi poloa ne huriki a hamomu. Pali iau, ge iau a Vure ne ria.”

A Vuhuna 28:15

Iau ga laho turamu, ga matakari ioe na hini o lakea vona. Muri ga bole mule valai ioe koea na malala iea. I uka ma ga pe ioe ngane, bara rata taro a maka maki a taki ioe vona.”

A Nimariu 13:5

E BAKOVI DAGI i ta tora pali ge habia ne mua a malala ne huriki a Kenan, a Hiti, a Amor, a Hivi, a Iebus. Ra malala iea i kamumu, i vona a maki ni kani. Na tahuna e BAKOVI DAGI ge taparaki lakea mua vona a malala iea, mu ratea a habu iea, na keva iea, na pida lobo.

A Nimariu 32:13

O luhoi mule a vora vomu e Abraham, e Isak, e Iakop. O kaba, o taki tou o ta maea, ‘A ta muholi hateka, e huriki a hamone matou ge kupo manga a hada na hunu. Ra malala a ta muholi vona, ga habia ne matou, bara habia ne huriki a hamone matou.’”

Ni Gi 11:12

Iau i uka ma vakabele ria na tamudine kinane ria. Iau i uka ma iau e kinane ria ga poda ria. Pali i navai o taki iau ga leho manga a tagari, ga boko ria manga a koma kiroko na limagu, i vakatubu o Egipto i lakea liu na malala o ta muholi vona go habia ne huriki a gare ne ria?