A Nimariu 12:8 - A Nitana Vure

⁸ Na rodo iea mu gutu na kanono a maka tuna sipsip turana a lahia lahaha, mu kani kinika na bret i uka is.

A Nimariu 12:8 Iomraidhean Croise

A Nimariu 1:14

A nimade ne ria ngane i hale liu, a vuhuna i uka ma ri malo. Ri vakuku ria ri gi rata a brik ne vona a ruma. Ri vakataki ria, ri gi leho hateka na hania, i uka ma ri dodo ria.

A Nimariu 12:9

Naha ni hoda a bobona sipsip a bulmakau, naha ni nono na ulo. Mu gutu kunana na kanono a mapana, a vahana, a mahalana.

A Nimariu 13:3

Muri e Moses i taki e huriki, “Na pida lobo mu luhoi mule vakaroroa a parava iea, naha ni kani a bret i vona is. Ra parava iea e BAKOVI DAGI i tuli tala mua o Egipto, a tanga na nivakavora. Na nitora vona kunana i vakamariu tala mua.

A Nimariu 13:7

Na maka parava nga, e huriki ri gi kani kunana a bret i uka is. Nahea tara maki ge tahoka a is ni gi matai ge tabuli tabukoi o ge tabuli na tabeke ne mua.

A Nimariu 23:18

“Na tahuna mu habi a nihabi nau, naha ni habi a sipsip a bulmakau turana a bret i tahoka a is. Mu gutu lobo a vina, ra mu habi nau. Naha ge tabuli ranga ge palala taho a hini na parava muri.

A Nimariu 34:25

“Naha ni habi nau a bret i tahoka a is, na tahuna mu habi a sipsip a bulmakau nau. Nahea ge tabuli ranga nihabi, mu kani kaleva na Habu na Nipagepolo ge palala taho a hini.

Mateo 16:12

Muri ri longokilalea a ngavane Isu, i uka ma i taki ria na is ni rata a bret vona. I taki ria ri gi mata here vona a nitovo ne huriki a Pariseo, a Sadusi.

Mateo 26:26

Na tahuna ri kakani, e Isu i bolea a bret, i kavurikea a Vure, i kevea, i habi ne huriki a murimuri, i ta maea, “A bret iea a bobogu. Mu bolea, mu kania.”

Galesia 5:9

A is popote kunana i rata a bret lobo i vava.

Vinara 16:7

Mu gutua mu kania na murina ni vasileki, na hatelanga mu hamule na tanga ne mua.

1 Tesalonika 1:6

Muri mu ramai a rabune mateu, a rabune Bakovi Dagi, a vuhuna mu bole a maregoa na tahuna mu luhoi torea a nitana Vure. Pali mu pitei na nipitei na Hanu Kiripiripi.