A Nimariu 12:6 - A Nitana Vure

⁶ A maka sipsip a bulmakau ni gi matakari kamumu ge harena na parava ge ravulu a polona i va na keva iea. Na malunga liu, e huriki a Israel ri gi rabalaki a maka tuna sipsip.

A Nimariu 12:6 Iomraidhean Croise

A Nimariu 12:14

Muri a Vure i ta maea, “Mu luhoi vaka­roroa ra parava iea na maka nivakasiri a rata ne mua. Na pida lobo e huriki a hamone mua, ria ranga, bara ri luhoi mulea a parava iea. Ra parava iea, a parava ne BAKOVI DAGI.

A Nimariu 12:17

“Na pida lobo mu luhoia ra Parava Dagi na Bret i Uka Is, a vuhuna a vakamariu tala mua o Egipto na parava iea.

A Nimariu 12:18

Na mugana keva mu kani a bret i uka is. Mu vakatubu na malunga na parava na keva i ravulu a polona i va, ge harena na malunga na parava na keva i ravulu rua a polona i taku.

A Nimariu 12:47

E huriki a Israel ri gi rata palupua a habu iea.

A Nimariu 16:1

A keva i rua, a parava i ravulu a polona i lima i polo na tahuna ri pea pali e Egipto, ngane e huriki a Israel ri pea e Elim. Ri vano ri bele na tabeke i ngeki ne Sin, na koropalane Elim e Sinai.

A Nimariu 16:12

“A longoa pali a nideke ne huriki a Israel. O vano o taki ria, na malunga bara ri kani a kania, na hatelanga bara ri kani a bret. Muri bara ri lohoka vona, iau kunana e BAKOVI DAGI, a Vure ne ria.”

A Nimariu 19:1

E huriki a Israel ri mariu tala o Repidim ri vano. Na mugana parava na toluna keva na tahuna ri pe e Egipto, ri bele na tabeke i ngeki ne Sinai, ri rata a mada tabukoi na lolo.

A Nimariu 29:39

O habia na hatelanga tara na malunga liu tara.

A Nimariu 29:41

O tabari tabua nau na malunga liu a sipsip tara. O bole a bret ge manga a hini muga turana a namona oliv, a vain, mu habi nau ge manga a nihabi na hatelanga, ge a nihabi gutu-vuro na kanono ne BAKOVI DAGI. Lakea iau bara burongi a mangina bara vivi.

E Levi 23:5

Na parava ravulu a polona i va (14th) na mugana keva, ge vakatubu na haro i rolo, mu ratea a Habu na Nipagepolo.

Ni Gi 28:16

“‘Na ravulu a polovana parava (14th) na mugana keva a Habu na Nipagepolo ne BAKOVI DAGI.

Ni Gi 28:18

Na mugana parava na parava dagi nga e huriki lobo ri gi vapopo ri gi vasileki. Naha ni rata a leho mu rata na parava vakaroro.

Ni Gi 9:11

Pali na ruana keva na malunga liu ne ravulu a vana parava (14th), ri gi ratea a habu iea. Ri gi ramai lobo a maka vinara na habu iea. Ri gi kania a sipsip iea turana a bret i uka is, a kobo i lahaha. Nahea ri gi ru mule ranga bobona sipsip ge vona a hini kuduvi. Na tahuna ri poka a sipsip nahea ri gi biputu a tuhana.

Mateo 27:20

Pali e huriki a prister dagi, a gare ri voro dili a ngava ne huriki ri gi ta hinituhana vona e Barabas ge pagitala, pali e Isu ni gi rabalaki.

Mateo 27:25

E huriki lobo ri koli mule, ri ta maea, “Pali. Mia mi gi tahoka a rarenga vona. E huriki a hamone mia, ria ranga ri gi tahoka a rarenga vona!”

Markus 15:1

Na hatelanga pokopoko e huriki a prister dagi turane huriki a bakovi dagi, a mari na vinara, a tara na Sanderin, ri vata vona a maki ri gi ratea ne Isu. Muri ri kolo tatea, ri vano ri habia ne Pilato.

Markus 15:11

Pali e huriki a prister dagi ri piurike e huriki ri gi ngarua e Barabas ni gi bole tala na bavi, pali e Isu ge nahea.

Markus 15:25

Na kilala i polova na hatelanga ri paditatea e Isu.

Markus 15:8

Lakea e huriki ri lakea ne Pilato ri nanea ge bole talea na bavi tara bakovi hale, ge muri mai a vilo ni rata vakaroro.

Lukas 23:1

Muri ria lobo ri pesi rike, ri tulia e Isu ge lakea ne Pilato.

Apostolo 2:23

Re Isu, ni habi na limane mua, a Vure i lohoka vona muga, i ramai a ningaru vona. Mu paditatea na kai tavalavala na limane huriki a bakovi hale, i mate.

Apostolo 3:14

E Isu i longo mai lobo a ningaru na Vure, ia a bakovi malamala hateka. Pali mua mu marikoi vona, mu takia e Pilato ge vakapagetalea a bakovi ni rabalaki a viri.

Apostolo 4:27

A ngava nga ri bele muholi na tahuna e Ponsius Pilato e Herod ru vapopo koea na tanga iea turane huriki a Israel, e huriki i uka ma ria a Iuda. Ri vapopo, ri matakana a dala ri gi ratapilea a vora vomu, re Isu, a viri o vulakia.

Iosua 5:10

E huriki a Israel ri made na mada ne ria, na bila tabukoi o Ieriko. Na rodo na parava ravulu a polona i va, na mugana keva ri ratea a Habu na Nipagepolo.