A Nimariu 12:51 - A Nitana Vure

⁵¹ Na parava iea kunana e BAKOVI DAGI i vakamariu tala o Egipto e huriki a Israel.

A Nimariu 12:51 Iomraidhean Croise

A Vuhuna 50:24

Muri e Iosep i taki e huriki e turana, i ta maea, “Iau a tabukoi ga mate. Pali a Vure ge matakari mua. Muri bara mu ha taroa a robo iea, mu sike lakea na robo a Vure i vakasiria, i ta muholi vona ge habia ne Abraham, e Isak, e Iakop.”

A Nimariu 12:41

Muri na pida i 430, na parava iea kunana, e huriki a tara ne BAKOVI DAGI ri pe a robo e Egipto, ri mariu tala.

A Nimariu 12:50

E huriki a Israel ri ramai kunanea a vinara e BAKOVI DAGI i taki e Moses e Aron vona.

A Nimariu 13:1

E BAKOVI DAGI i takia e Moses,

A Nimariu 16:1

A keva i rua, a parava i ravulu a polona i lima i polo na tahuna ri pea pali e Egipto, ngane e huriki a Israel ri pea e Elim. Ri vano ri bele na tabeke i ngeki ne Sin, na koropalane Elim e Sinai.

A Nimariu 19:1

E huriki a Israel ri mariu tala o Repidim ri vano. Na mugana parava na toluna keva na tahuna ri pe e Egipto, ri bele na tabeke i ngeki ne Sinai, ri rata a mada tabukoi na lolo.

A Nimariu 3:8

Ngane a puru valai ga korimule ria na limane huriki a Egipto, ga taparaki ria vona a malala kamumu i vona a maki ni kani. Ra malala iea, ngane e huriki a Kenan, a Hiti, a Amor, a Peres, a Hivi, a Iebus ri made vona.

A Nimariu 6:26

E BAKOVI DAGI i taki e Aron e Moses, rua kunana ru gu bole tala e huriki a Israel o Egipto.

A Nimariu 6:6

“Ngane o vakalongo e huriki a Israel vona a nitagu, ‘Iau kunana e BAKOVI DAGI. Ga korimule mua na limane huriki a Egipto na maka maregoa ri rata virihi mua vona. Na nitora dagi nau ga pelekado ria ga ratapile ria, ga korimule mua.

A Nimariu 7:4

E Parao i uka ma ge longototo a ngavamu, bara ratapilea e Egipto, ga pelekado ga vakamadihi e huriki a tahotanga, ga vakamariu e huriki a viri nau, re huriki a Israel.

E Levi 23:43

lakea e huriki a hamone mua bara ri lohoka vona a tahuna a tuli tala mua o Egipto mu valai koea, mu made na maka kape kiroko maea. Iau e BAKOVI DAGI, a Vure ne mua, a takia a ngava iea.”

Ni Gi 23:22

A Vure i bole tala ria o Egipto. I vaubi turane huriki a pile vona. I gao hateka i manga a bulmakau i tegi.

Ni Gi 26:4

“Mu bole a rane huriki a bakovi ri tahoka a pida i ravulu rua i rike, ge ramaia a nitane BAKOVI DAGI i habia ne Moses.” Re huriki a Israel ri mariu tala o Egipto, ni gi palupu ra nga:

Ni Gi 33:1

Iea ngane a nilaho ne huriki a Israel ri pe e Egipto. Ri laho na tara takutaku, i matakari ria e Moses e Aron.

Apostolo 13:17

A Vure ne hita e huriki a Israel i vulaki e huriki a gare ne hita, i rata ria ri bele kupo hateka na tahuna ri made o Egipto. Muri i bole tala ria o Egipto na nitora dagi vona.

Vinara 16:1

E Moses i ta tabu i ta maea, “Na keva e Abib na pida lobo mu ratea a Habu na Nipagepolo, mu kavurikea a rane BAKOVI DAGI a Vure ne hita. A vuhuna hosi na rodo tara na keva iea i bole tala mua o Egipto.

Vinara 4:37

E BAKOVI DAGI i ngaru hateka e huriki a gare ne mua, i vulaki mua, ge mua e huriki a tara vona. Na nitora dagi vona i bole tala mua o Egipto, i taparaki valai mua koea.

Iosua 24:5

Muri a rudu e Moses e Aron ru tuhori e huriki a gare ne mua, a vuhuna a ratapile hatekea a robo e Egipto na maka vuranga. Pali iau a bole tala mua vonga.

Iuda 1:5

Ngane a ngaru ni vakalohoka tabu mua vona tara ngava. Hosi mu lohoka kamumu vona. A ngava iea i maea, hosi e Bakovi Dagi i korimule e huriki a Iuda, i vakamatukapaga ria o Egipto. Muri i ratapile e huriki i uka ma ri luhoi torea.