A Nimariu 12:31 - A Nitana Vure

³¹ Na rodo iea kunana, e Parao i gale e Moses e Aron i taki rua, “Muru vano malaviriri turane huriki a Israel, mu pe mule e huriki a viri nau. Mu vano mu kavurikea e BAKOVI DAGI, i manga a ngava mu taki iau vona.

A Nimariu 12:31 Iomraidhean Croise

A Nimariu 10:29

E Moses i koli, i ta maea, “I manga a hini o taki, i uka ma miri gi valai tabu miri gi matai ioe.”

A Nimariu 10:9

Lakea e Moses i koli, i ta maea, “Mia lobo mi gi vano turane huriki a gare, a bakovi, a ngatavine, e tune mia, a maka bulmakau, a sipsip, a meme, a vuhuna bara mi rata a nivasileki dagi ne BAKOVI DAGI.”

A Nimariu 11:1

E BAKOVI DAGI i takia e Moses, “Ga habi tabua ne Parao turane huriki a Egipto tara vuranga. Muri bara i longo ne mua mu vano. Na tahuna i longo ne mua mu vano, bara i turahari mua, i lili tala mua.

A Nimariu 11:8

E huriki a bolekori vomu bara ri valai, ri lolu na matagu ri ta maea, o vano ngane! Ioe turane huriki a viri vomu, mu vano malaviriri! Ra vuranga nga ge bele taro, muri iau ga pea e Egipto.” E Moses i madihi hateka a hatena, i pea e Parao, i pagitala.

A Nimariu 12:39

Na tahuna ri gutu a bret ri gi bole turane ria, i uka ma ri vuli turana is, a vuhuna e huriki a Egipto ri turahari ria, i uka ma ri kisi kamumu a kinani.

A Nimariu 6:1

Muri e BAKOVI DAGI i takia e Moses, “Ngane bara o masia a naro ga ratea ne Parao. Muholi hateka, na tuhakanga nau ga ratea ge longo ne mua mu vano. Na tuhakanga nau ga kinikuia ge tono tala mua na robo vona.”

A Nimariu 8:25

Muri e Parao i gale e Moses e Aron i taki rua, “Mu vano mu habi a nihabi na Vure ne mua. Mu rata kunana koea na malala iea.”

A Nimariu 8:8

Lakea e Parao i gale valai vona e Moses e Aron i taki rua, “Muru vasileki ne BAKOVI DAGI ge lili vuroki a maka bura na tabeke ne mia, muri bara longo vona e huriki a viri ne mua ri gi vano, ri gi habi a nihabi ne BAKOVI DAGI.”