A Nimariu 12:28 - A Nitana Vure

²⁸ E huriki a Israel ri rata lobo a maki e BAKOVI DAGI i taki e Moses e Aron ru gu rata.

A Nimariu 12:28 Iomraidhean Croise

A Nimariu 12:27

Mu koli mu ta maea, ‘Si ratea a Habu na Nipagepolo iea, si habi a nihabi ne Bakovi Dagi, a vuhuna si luhoi mulea a parava i pagepolo a ruma ne hita, i rabalaki e huriki a koma bakovi, a tabua, ne Egipto.’” Muri ri lolu puru ri kavurikea a Vure.

A Nimariu 12:29

Na kururodo e BAKOVI DAGI i rabalaki e huriki a tabua bakovi ne Egipto. I vakatubu na tabua ne Parao i harena na tabua ne huriki a vorakato. A tabua a toga na maka bulmakau a sipsip, ngi ranga i rabalaki.

A Nimariu 12:35

Ri nongi ne huriki a Egipto a maka varakia, a maki ni rata na gol a silva, i ramaia a nitane Moses i taki ria vona.

A Nimariu 14:4

Iau ga ratea e Parao ge madihi a hatena ge lili ria. Pali iau bara ratapilea turana a tara na vabinga vona, ga vakadagia a ragu na maki a ratea vona. Muri e huriki a Egipto bara ri lohoka vona, iau kunana e BAKOVI DAGI.” E huriki a Israel ri longototoa a nitane Bakovi Dagi, ri hamule.

A Nimariu 36:1

Nimariu “E BAKOVI DAGI i habi a loho­kanga kamumu ne Besalel e Oholiap turana a mari ranga, ri gi haea a kape. A leho ne ria ri gi ramai kunanea a nitane BAKOVI DAGI.”

A Nimariu 39:32

E huriki a Israel ri ru palupu lobo a maka mahalana kape, e BAKOVI DAGI i vakuku e Moses vona ge bole.

A Nimariu 39:42

E huriki a Israel ri rata lobo a maka maki e BAKOVI DAGI i vakuku e Moses vona.

A Nimariu 39:43

E Moses i lei kamumu a maki ri rata, i vivi, a vuhuna ri rata lobo a maki e BAKOVI DAGI i vakukua vona. Muri e Moses i gamai ria.

A Nimariu 7:10

Muri e Moses e Aron ru lakea ne Parao ru vakalongoa vona a ngava ne BAKOVI DAGI i taki. E Aron i voro purua a kodo vona na matane Parao, na matane huriki a bolekori, i vulo a mata.

A Nimariu 7:6

E Moses e Aron ru ramai lobo a ngava e BAKOVI DAGI i taki.

E Levi 24:23

Muri e Moses i taki e huriki a Israel, ri turari talea ra bakovi i harogia a Vure, ri padimatea na kedo. Na naro iea kunana e huriki a Israel ri ramaia a vinara e BAKOVI DAGI i vakuku e Moses vona.

Ni Gi 1:54

Lakea e Moses i vakalongo e huriki a Israel vona a ngava iea, ri rata a maka maki i manga a ngava e BAKOVI DAGI i vakuku ia vona.

Ni Gi 31:31

Lakea e Moses e Eleasar ru rata a maki e BAKOVI DAGI i vakuku rua vona ru gu rata.

Ni Gi 31:41

Lakea i manga a hini e BAKOVI DAGI i vakuku e Moses vona, e Moses i habi ne Eleasar a prister a maki nga turana e huriki a vorakato, i manga a takis ne BAKOVI DAGI.

Ni Gi 31:47

Na tabeke na maka maki ni bole na vabinga, ra ni habi ne huriki a Israel, e Moses i bole tala a takis. Ne huriki a vorakato ala ravulu lima, na maka kanirau i ravulu lima, e Moses i bole tala i taku, i manga a hini e BAKOVI DAGI i vakukua vona ge ratea. I habi ne huriki a Levi, ra ri matakari a kape ne BAKOVI DAGI.

Ni Gi 5:4

Lakea e huriki a Israel ri muri mai a ngava e BAKOVI DAGI i taki e Moses vona, ri tono tala e huriki ri tahoka a maka gilanga maea.

Vinara 34:9

Muri ne Moses i mate, a Vure i habi a lohokanga kamumu ne Iosua e tune Nun, a vuhuna e Moses i ru langa a limana vona. E huriki ri longototoa a nitane Iosua ri ramai a maka vinara e BAKOVI DAGI i vakuku e Moses vona.

Hibru 11:28

E Moses i luhoi torea a Vure, i longototoa a ngavana na tahuna i takia ge ramai a naro na Nipagepolo. I rabalakia a tuna sipsip, i kalu na logo a darana. I rata mavonga, a agelo na matenga ge masia, i uka ma ge rabalaki e huriki a koma tabua ne huriki a Israel.

Iosua 14:5

E huriki a Israel ri ramai a ngava e BAKOVI DAGI i taki e Moses vona, ri vaveru vona a malala e Kenan.

Iosua 2:21

E Rahap i koli i ta maea, “A ngaru a nitane marua.” I ta mavonga, lakea i rudu rua ru vano. Muri i kolotatea na nimatatala vona a mota vururu.

Iosua 4:8

Lakea e huriki a bakovi ri rata manga a ngava e Iosua i taki. Ri puru na kurukuruna naru e Iordan, ri bole a kedo i ravulu a polona i rua, i ramai a kabu ne ria a Israel i ravulu a polona i rua, ri kaloho valai na mada, ri ru kadolu.