A Nimariu 12:27 - A Nitana Vure

²⁷ Mu koli mu ta maea, ‘Si ratea a Habu na Nipagepolo iea, si habi a nihabi ne Bakovi Dagi, a vuhuna si luhoi mulea a parava i pagepolo a ruma ne hita, i rabalaki e huriki a koma bakovi, a tabua, ne Egipto.’” Muri ri lolu puru ri kavurikea a Vure.

A Nimariu 12:27 Iomraidhean Croise

A Nimariu 10:2

Muri ma bara o tuverei polo ne huriki e tumu, e tubumu, a maka nivakasiri a rata virihi e huriki a Egipto vona. Lakea mua lobo bara mu lohoka vona, iau kunana e BAKOVI DAGI.”

A Nimariu 12:11

Na tahuna mu kani, mu rea tata a varakia ne mua, mu rodo a vahapolo, mu nugu a kodo na nilaho. Mu kani malaviriri, a vuhuna ra kinani iea ne vona ni luhoi a parava iau e Bakovi Dagi a pagepolo mua, i uka ma a ratapile mua.

A Nimariu 12:23

E BAKOVI DAGI bara i lakea na tabeke lobo ne Egipto ge rabalaki e huriki a koma bakovi, a tabua. Na tahuna i matai a dara na mataruma ne mua, bara i pagepolo. I uka ma ge rudua a agelo vona ge dili na ruma ge ratapile mua.

A Nimariu 12:28

E huriki a Israel ri rata lobo a maki e BAKOVI DAGI i taki e Moses e Aron ru gu rata.

A Nimariu 13:14

“Muri ma, e huriki e tune mua bara ri nana, ‘I navai a vuhuna a naro iea?’ Mu koli mu ta maea, ‘E huriki a Egipto ri vakavora hateka mia na robo ne ria, pali e BAKOVI DAGI, na nitora dagi vona, i tuli tala mia mi valai.

A Nimariu 13:8

Na tahuna a habu iea ge bele, mu vakalongo e huriki e tune mua mu ta maea, ‘A habu iea si ratea, si luhoi mulea a tahuna e BAKOVI DAGI i vakamariu tala mia o Egipto mi valai.’

A Nimariu 34:25

“Naha ni habi nau a bret i tahoka a is, na tahuna mu habi a sipsip a bulmakau nau. Nahea ge tabuli ranga nihabi, mu kani kaleva na Habu na Nipagepolo ge palala taho a hini.

A Nimariu 34:8

Muri na Vure i ta lobo, e Moses i malaviriri kunana i lolu puru na malala, i kavurikea.

A Nimariu 4:31

E huriki ri longoa a nitane Moses ri lohoka vona i muholi. Na tahuna ri longoa e BAKOVI DAGI i tagui ria, ri matai e huriki a Egipto ri vakavora hateka ria, ri lolu ri kavurikea a Vure.

1 Korin 5:7

Mu vuroki tala a is hosi, mu gu bele manga a bret karaba. I muholi mu manga a bret i uka is vona, a vuhuna a nihabi ne hita, e Kristo, a tuna sipsip na Habu na Nipagepolo, ni rabalaki, ni habi pali.

Vinara 16:2

Mu lakea vona a murina ni vasileki e BAKOVI DAGI ge vakasiri mua vona, mu rabalakia tara bulmakau o tara sipsip, ge a nihabi ne BAKOVI DAGI a Vure ne mua. Mu kania a sipsip a bulmakau iea ne vona ni luhoi mule a parava na Nipagepolo.

Vinara 16:5

“Na tahuna mu rabalaki a sipsip a bulmakau mu gu kania mu gu luhoia a parava na Nipagepolo, naha ni rabalakia pololilo na tanga e BAKOVI DAGI i habia ne mua.