A Nimariu 11:7 - A Nitana Vure

⁷ Pali iau i uka ma ga ratea tara maki hale ge bele ne huriki a Israel o na sipsip a bulmakau ne ria.’ Muri bara o matakilaka vona ra naro e BAKOVI DAGI i ratea ne huriki a Egipto, i uka ma ge ratea ne huriki a Israel.

A Nimariu 11:7 Iomraidhean Croise

A Nimariu 10:23

E huriki a Egipto ri keri ni matai mule ria, ri made kunana na ruma. Pali a tabeke i made vona e huriki a Israel i uka ma i bele vona a uvo vatubi.

A Nimariu 7:22

E huriki a bakovi na malulu o Egipto ria ranga ri rata ra naro i ratea e Aron. Lakea e Parao i gigitora, i uka ma i longototo e Moses e Aron. I tababana ni hehe, i manga a ngava e BAKOVI DAGI i taki mugea.

A Nimariu 8:19

Lakea e huriki a bakovi na malulu ri takia e Parao, “A Vure kunana i ratea a maki iea.” Pali e Parao i gigitora, i uka ma i longo mai a nitane Moses e Aron, i manga a ngava e BAKOVI DAGI i taki.

A Nimariu 8:22

“‘Na tahuna a maka lango ri gi bele, ga matakaria a malala e Gosen, ra tabeke i made vona e huriki a viri nau. A maka lango i uka ma ge vonu vonga, bara o lohoka vona, iau e BAKOVI DAGI na malala iea.

A Nimariu 9:26

Pali na robo e Gosen, ra tabeke i made vona e huriki a Israel, a vala-kedo i uka ma i boru vonga.

A Nimariu 9:4

Pali a maka bulmakau a sipsip ne huriki a Israel, iau e BAKOVI DAGI, ga matakari, i uka ma ri gi mate manga ne huriki a Egipto.’”

1 Korin 4:7

Mu rangi navai e huriki ranga? A ra maki kamumu mu tahoka, pali a Vure i uka ma i habia ne mua? A maki kamumu lobo mu tahoka, a Vure i habi mua, pali i navai mu bibi rike mule mua i manga mua kunana mu vakabele a maki nga?

Iosua 10:21

Muri e huriki a tara na nugumaheto ri hamule lakea ne Iosua na mada e Makeda. I uka tara ne ria ge bole a vuranga. Muri e huriki a tahotanga o Kenan i uka ma ri ta hale tabu ne huriki a Israel.