A Nimariu 11:1 - A Nitana Vure

¹ E BAKOVI DAGI i takia e Moses, “Ga habi tabua ne Parao turane huriki a Egipto tara vuranga. Muri bara i longo ne mua mu vano. Na tahuna i longo ne mua mu vano, bara i turahari mua, i lili tala mua.

A Nimariu 11:1 Iomraidhean Croise

A Vuhuna 15:14

Pali iau bara ratapilea a tanga ra i vakavora ria, muri bara ri pagitala turana a mahala i kupo.

A Nimariu 12:29

Na kururodo e BAKOVI DAGI i rabalaki e huriki a tabua bakovi ne Egipto. I vakatubu na tabua ne Parao i harena na tabua ne huriki a vorakato. A tabua a toga na maka bulmakau a sipsip, ngi ranga i rabalaki.

A Nimariu 3:20

I mavonga iau bara vakasiria a nitora nau, ga rata a maka niturutu ga ratapile e huriki a Egipto. Muri e Parao bara i longo ne mua mu vano.

A Nimariu 6:1

Muri e BAKOVI DAGI i takia e Moses, “Ngane bara o masia a naro ga ratea ne Parao. Muholi hateka, na tuhakanga nau ga ratea ge longo ne mua mu vano. Na tuhakanga nau ga kinikuia ge tono tala mua na robo vona.”

A Nimariu 9:14

Ge uka, ga rudua a vuranga dagi ge ratapile ioe turana e huriki a bolekori, e huriki a viri vomu. Muri bara mu lohoka vona, i uka tara viri na malala ge manga iau.

E Levi 26:21

“Na tahuna a maka maregoa nga ri bele ne mua, pali mu tababana ni tagege, bara luhoi a maka naro hale mu rata, a habi mua a maregoa hale, i dagi hateka na maregoa muga.

Vinara 4:34

E BAKOVI DAGI a Vure ne hita i bole tala hita o Egipto, i taparaki valai hita koea, i rata hita, hita e huriki a tara vona. Na matane mua i rata a maka leho i kupo na nitora vona. I rata a maka gilanga dagi ri bele ne huriki a Egipto, i vaubi hateka ne ria. I rata a maka nivakasiri, i rata a maka maki dagi i rata ria ri mangenge hateka. I tahoka tabu tara vure i kara ni ratana a maka maki nga? I uka liu.

Kapiloho 16:9

A haro i kara hateka, i gutu parina kesi e huriki. Pali i uka ma ri pulo a vilone ria, ri gi vakabagetua a Vure. Ri harogia a rana Vure, ra viri i matakari a maka vuranga nga.