A Nimariu 10:1 - A Nitana Vure

¹ E BAKOVI DAGI i takia e Moses, “O vano o masia e Parao. Iau a ratea i gigitora, e huriki a bolekori vona ri gigitora, ga rata a maka nivakasiri na kurukurune ria.

A Nimariu 10:1 Iomraidhean Croise

A Nimariu 10:20

Pali e BAKOVI DAGI i ratea e Parao i gigitora, i uka ma i longo ne huriki a Israel ri gi vano.

A Nimariu 3:20

I mavonga iau bara vakasiria a nitora nau, ga rata a maka niturutu ga ratapile e huriki a Egipto. Muri e Parao bara i longo ne mua mu vano.

A Nimariu 4:21

Muri e BAKOVI DAGI i takia, “Na tahuna o bele o Egipto o rata a maka nivakasiri na matane Parao. Iau a habia vomu a nitora ni ratana a nivakasiri. Pali iau bara ratea e Parao i gigitora i uka ma ge longo vona e huriki a Israel ri gi vano.

A Nimariu 7:4

E Parao i uka ma ge longototo a ngavamu, bara ratapilea e Egipto, ga pelekado ga vakamadihi e huriki a tahotanga, ga vakamariu e huriki a viri nau, re huriki a Israel.

A Nimariu 9:12

Pali e BAKOVI DAGI i ratea e Parao i gigitora, i uka ma i longo mai e Moses e Aron, i manga a ngava i taki muga e Moses vona.

A Nimariu 9:16

Pali iau a matataro mua i uka ma mu bole a vuranga ma, ga vakasiri mua vona a nitora dagi nau, lakea e huriki bara ri vakarere a ragu na tabeke lobo na malala.

A Nimariu 9:27

Muri e Parao i talo rike a ngava ne Moses e Aron ru gu valai vona. Na tahuna ru bele, e Parao i taki rua, “Iau a rata a naro hale pali. E BAKOVI DAGI i rata a naro kamumu, pali iau turane huriki a viri nau mi rata a naro hale.

Ioanes 12:40

“I vakakepa a matane ria, I vakamalupa a hatene ria, i uka ma ri gi matakilaka na maki, i uka ma ge palala a gine ria, i uka ma ri gi pulo a vilone ria, lakea i uka ma ga vakamahuri ria.”

A Raukea e Paulus i Here Lakea ne Huriki a Rom 9:17

A Vure i takia e Parao hosi, ni here puru na Hinere, i maea, “A ru ioe ge ioe a hariki, a vuhuna a ngaru ni vakasiri e huriki na nitora nau, e huriki lobo na malala ri gi longo a maki ga rata.”

A Raukea e Paulus i Here Lakea ne Huriki a Rom 9:18

I mavonga, a Vure i dodo e huriki i ngaru ni dodo ria, i vakaputungingi e huriki i ngaru ni vakaputungingi ria, i manga i ratea ne Parao.

Iosua 11:20

E BAKOVI DAGI kunana i rata e huriki a pile ri pesi tora na vabinga, lakea e huriki a Israel i uka ma ri dodo ria. E huriki a Israel ri ramai a ngava hosi e BAKOVI DAGI i habia ne Moses, lakea ri vakalobo liu ria.