A Nimariu 1:14 - A Nitana Vure

¹⁴ A nimade ne ria ngane i hale liu, a vuhuna i uka ma ri malo. Ri vakuku ria ri gi rata a brik ne vona a ruma. Ri vakataki ria, ri gi leho hateka na hania, i uka ma ri dodo ria.

A Nimariu 1:14 Iomraidhean Croise

A Vuhuna 15:13

Lakea e BAKOVI DAGI i takia, “Muholi hateka, e huriki a hamomu bara ria a mosi na robo basi tara, bara ni vakavora, ni vakamadihi ria na pida i 400.

A Nimariu 1:11

Lakea e huriki a Egipto ri taki e huriki a matakari ri gi vakuku e huriki a Israel ri gi leho hateka. Ri rata a tanga dagi i rua e Pitom, e Rameses ne vona ni ru kadolu a maki ni kani ne Parao.

A Nimariu 1:13

ri rata ria ri leho hateka.

A Nimariu 1:15

Na parava tara a hariki ne Egipto, e Parao, i taki a ngatavine o Hibru, e Sipra e Pua, a leho ne rua ni tuhori e huriki a ngatavine ni poda, i ta maea,

A Nimariu 2:23

Na pida nga, e Moses i made o Midian, a hariki o Egipto i mate. E huriki a Egipto ri vakavora hateka e huriki a Israel, lakea ri dedo, ri tangi, ri nanea a Vure ge tuhori ria.

A Nimariu 20:2

“Iau kunana e BAKOVI DAGI a Vure ne mua, a bole tala mua o Egipto, ra tanga ni vakavora mua vona.

A Nimariu 6:9

E Moses i vakalongo e huriki a Israel vona a ngava iea, pali ria i uka ma ri longo maia, a vuhuna ri bole a nimadihi dagi, i viliha a niluhoi ne ria.

E Levi 25:43

Naha ni vakavora hateka ria. Mu togo iau, mu rata kamumu ria.

E Levi 25:46

Na tahuna mu mate, e huriki e tune mua a bakovi ri gi bole e huriki a vorakato, ri gi rata a leho ne ria vakaroro. Na tahuna e huriki a viri ne mua ri leho manga a vorakato, naha ni vakavora hateka ria.

E Levi 25:53

A matakari ge luhoia ra vorakato iea ge manga a vora ni kona na pida takutaku, nahea ge vakavora hatekea.

Ni Gi 20:15

O lohoka vona e huriki a gare ne mia ri vano ri made o Egipto na pida i kupo. E huriki a Egipto ri rata hale mia.

Apostolo 7:19

A hariki iea, i tami e huriki a viri ne hita, i rata hale ria. I vakuku ria ri gi vuroki na naru e huriki a koma karaba, ri gi mate.

Apostolo 7:34

Muholi hateka iau a masia a nimadihi i bole e huriki a ngate nau ri made o Egipto. A longoa a nidedo ne ria. Ngane a puru valai ga korimule ria. Ngane o valai, ga rudu hamule ioe lakea o Egipto.’

Vinara 26:6

Muri e huriki a Egipto ri rata hale mia, ri vakavora hateka mia vonga.

Vinara 4:20

Pali mua, e BAKOVI DAGI i bole tala mua o Egipto i taparaki valai mua koea, i manga kunana a hini i bole tala mua na kanono i kara hateka. I bole valai mua koea ge rata mua ge mua e huriki a tara vona, i manga mua mona.

E Rut A Nita Vakalohoka 1:20

Pali e Naomi i ta maea, “Naha ni gale iau e Naomi. Mu gale iau ge iau e Mara, a vuhuna A Vure Tuhaka i ratea a nimade nau i hale hateka.