2 Timoti 1:3 - A Nitana Vure

³ E huriki a gare nau hosi ri vora na Vure, ri lohoka vona ri ramai a naro kamumu. Ngane iau tara a rata mavonga. A luhoi ioe vakaroro, lakea a vasileki na Vure ge tuhori ioe. A vivi vomu, lakea a kavurikea a Vure.

2 Timoti 1:3 Iomraidhean Croise

Lukas 2:37

Muri e girihina i mate, lakea i uka ma i parangi tabu. Ngane i tahoka a pida i ravulu polotolu a polona i va. I made kunana na roho na Vure, i peremu, i vasileki, i kavurikea a Vure na haro, a rodo.

Apostolo 22:3

“Iau a Iuda. Ni poda iau na tanga e Tarsus, na robo e Silisia. A koru rike koea na tanga dagi. E Gamaliel i tovo iau na vinara ne huriki a gare ne hita. A habi a hategu ni rata e leho na Vure, i manga mua.

Apostolo 23:1

E Paulus i matanono e huriki a tara na vaponga ne huriki a Iuda, i ta maea, “Mua o huriki a turagu! A nimadegu na matana Vure, i valai i harena mona, iau a hatakia i kamumu.”

Apostolo 24:14

A ngava muholi i maea: iau a kavurikea a Vure ne huriki a gare ne mia, a ramaia a dala ne Isu. E huriki a Iuda ri takia ra dala ne Isu, ta i uka ma a dala muholi. Pali iau a luhoi tora a maki lobo ni tovo na vinara ne Moses, ni here puru na puhu na raukea ne huriki a propet.

Apostolo 24:16

Lakea a toni a bulugu ga laho kamumu na matana Vure, na matane huriki a bakovi a ngatavine, ga hataki kamumu vona a leho nau.

Apostolo 26:4

“E huriki a Iuda ri lohoka vona a nimadegu i vakatubu na tahuna a kiroko vona. Ri lohoka vona iau a made turane huriki a kabu nau, muri a lakea o Ierusalem.

Apostolo 27:23

Baroko na rodo a agelo na Vure i bele nau, ra Vure a kavurikea, iau a viri vona.

A Raukea e Paulus i Here Lakea ne Huriki a Rom 9:1

Iau a dodo hateka e huriki a turagu, re huriki a Israel. A dodo hateka ria, a loho lege lae. I uka ma a tatami, a ta muholi a vuhuna iau a rihi e Kristo. A hategu i vakasiri a ta muholi, a vuhuna a Hanuna Vure i matakaria a hategu.

2 Korin 1:12

A vivi vona a hini a hategu i uka ma i hataki hale vona tara maki a ratea. A nimadegu, a Vure i rata iau a made malamala. A maki lobo a rata, i uka ma a tami e huriki. I uka ma a luhoi tora a lohokanga na bakovi. A luhoi torea a naro kamumu na Vure. A naro nga a rata na matane huriki na malala. A rata hateka na matane mua.

Galesia 1:14

A leho tora hateka ni muri mai a rabune huriki a gare nau hosi. Na naro iea kunana, a rangi a narone huriki a Iuda, mia a hisi i taku, na naro na lotu ne huriki a Iuda.

Epesus 1:16

I mavonga, i uka ma a malo ni kavurikea a Vure ne mua. A luhoi vakaroro mua na tahuna a vasileki.

1 Tesalonika 3:10

Mete vasileki tora vakaroro na Vure ge longo mai a ningaru mateu, mete ge matai tabu mua, mete ge vakatora a niluhoi ne mua.

1 Timoti 1:5

Ria bara ri longototo ioe, bara ri luhoi muholia e Kristo, ri matakilaka vona a maki kamumu, a maki hale, a hatene ria ge malamala. Muri, bara ri ngaru e huriki.

1 Timoti 5:5

A havuri muholi, ra viri i made kikeri, i luhoi torea a Vure, lakea i vasileki vakaroro, i nanea a Vure ge tuhori ia.

2 Timoti 1:5

A luhoi mule a hini o luhoi tora hatekea a Vure, i manga hosi e tubumu a ngatavine e Lois, e kinamu e Iunis ru luhoi tora hatekea. Ngane a lohoka vona ioe tara o tahoka a niluhoi iea.

2 Timoti 3:15

Hosi na tahuna ioe a koma kiroko, o vakatubu ni longo a nitana Vure. A nitana i tovo hita si gi luhoi torea e Isu Kristo, si gi bole a nimahuri vakaroro.

Hibru 13:8

E Isu Kristo i uka ma i pulo lae a narona. I palupulupu kunana na hini ravi, na hini mona, na parava vakaroro.