1 Timoti 5:3 - A Nitana Vure

³ O togo e huriki a havuri ngatavine ri uka e tune ria, e tubune ria. Ria a havuri muholi.

1 Timoti 5:3 Iomraidhean Croise

A Nimariu 20:12

“Mu togo e kinane mua e tamane mua, lakea bara mu made tabaka na malala e BAKOVI DAGI, a Vure ne mua i habia ne mua.

Mateo 15:6

Na naro iea, mu longotaroa a nitana Vure, mu gu ramai kunana a narone mua.

Mateo 23:13

“Mua e huriki a Pariseo, a mari na vinara na lotu mu tabele rua hateka! A Vure bara i ratapile mua! Mu tukari a logo na harikianga na hunu, i uka tara viri ge dili. Mu koi ni dili vona, pali mu hatekakari e huriki ranga ri ngaru ni dili.

Lukas 2:37

Muri e girihina i mate, lakea i uka ma i parangi tabu. Ngane i tahoka a pida i ravulu polotolu a polona i va. I made kunana na roho na Vure, i peremu, i vasileki, i kavurikea a Vure na haro, a rodo.

Lukas 7:12

Na tahuna ri luve tabukoi na poridala na tanga, ni kaloho tala a podana bakovi i mate, a madiva na havuri, ni gi tanu. I kupo e huriki na tanga dagi ri laho turana havuri iea.

Ioanes 1:47

Na tahuna e Isu i masia e Nataniel i laho valai vona, lakea i takia, “Muholi, ra bakovi iea a koma o Israel. I uka ma ia a bakovi ni tatami.”

Apostolo 6:1

Na tahuna iea e huriki a murimuri ri bele kupo. Na parava lobo bara ri habi a maki ni kani ne huriki a havuri. Pali e huriki a Iuda ri lohoka na nita Grik ri deke mai e huriki a Iuda ri lohoka na nita Hibru, a vuhuna e huriki a havuri ne ria i uka ma ni kori.

Apostolo 9:39

Lakea e Petrus i pesi rike, i vano turane rua. Na tahuna i bele, ri tuli sikea na ruma langalanga. E huriki a havuri ri pesi halui ia, ri tangi, ri vakasiria vona a maka varakia e Dorkas i rata na tahuna i tabana ni mahuri.

Apostolo 9:41

Muri e Petrus i nugua na limana, i tuli pesia. I gale palupu e huriki a tara na Vure, e huriki a havuri, i vakasiria ne ria e Tabita i mahuri mule na matenga.

Vinara 10:18

I rata a naro malamala ne huriki a bakovi a ngatavine, e girihine ria ri mate pali, ne huriki a duku. I ngaru e huriki a mosi ri made turane hita i habi a maki ni kani, a varakia ne ria.

Vinara 14:29

Ra maki ni kani nga ne vona e huriki a Levi, a vuhuna ri uka a malala, a ruma. Ra maki ni kani nga tabu, bara mu luhoi e huriki a mosi, e huriki a duku, e huriki a havuri ri made na tanga ne mua. Re huriki nga ri gi valai, ri gi bole na ningaru ne ria a maki ni kani. Mu rata mavonga, lakea e BAKOVI DAGI bara i gamai mua.”

Vinara 16:11

Mu lakea na tabeke ni vasileki, na matane BAKOVI DAGI mu kavurike ia vonga. Mua turane huriki e tune mua, a vora bakovi a vora ngatavine, e huriki a kabu ne Levi, e huriki a mosi, e huriki a tuna duku, e huriki a havuri, e huriki lobo ri made na tanga ne mua, mua lobo mu pitei palupu.

Vinara 16:14

Mua turana e huriki e tune mua, e huriki a vora bakovi a vora ngatavine, e huriki a kabu ne Levi, e huriki a mosi, e huriki a tuna duku, e huriki a havuri, e huriki lobo ri made na tanga ne mua, mu kani mu vivi.

Vinara 27:19

“‘A Bakovi i rata hale e huriki a mosi, e huriki a tuna duku, e huriki a havuri, a Vure bara i habi a vuranga vona.’ Muri e huriki lobo ri gi koli ri gi ta maea, ‘A ngava i muholi hateka.’

1 Tesalonika 2:6

Na tahuna mete made vonga, i uka ma mete ngaru e huriki ri gi kavurike mateu. I uka ma mete ngaru mua mu gu kavurike mateu. Bara mete ngaru, bara mete vakuku mua, mu habi ne mateu a maki, a vuhuna mateu a apostolo ne Kristo.

1 Timoti 5:2

O rata kamumu e huriki a gare ngatavine ge manga a hini o rata kamumu e kinamu. E huriki a sirula ranga o rata kamumu ria, ge manga a hini o rata kamumu e kurabamu.

Iakop 1:27

A naro i malamala na matana Vure, e Tamane hita, i maea: si gi kori e huriki a duku, e huriki a havuri, na tahuna ri bole a maregoa. A maki tara si gi ratea si gi matakari kamumu a nilaho ne hita, i uka ma si gi ramai a rabu na malala, ma si gi katoki na matana Vure.

1 Petrus 2:17

Mu togo e huriki lobo. Mu ngaru e huriki e turane hita. Mu mangenge na Vure. Mu togoa a hariki.

1 Petrus 3:7

Mua o huriki a bakovi ranga, mu lohoka vona e huriki a ngatavine i uka ma ri tuhaka. Mu made kamumu turana e girihine mua. Mu togo ria, a vuhuna ria ranga, ri gi bole na Vure a nimahuri vakaroro. I uka ma mu gu rata mavonga, a Vure i uka ma ge longo a nivasileki ne mua.