1 Timoti 5:1 - A Nitana Vure

¹ Na tahuna a gare bakovi i varoru, naha ni tahatea. O ta kamumu maia, ge manga a hini o ta turana e tamamu. O rata kamumu e huriki a riau, ge manga a hini o rata kamumu e huriki a turamu.

1 Timoti 5:1 Iomraidhean Croise

E Levi 19:32

“Mu rata kamumu mu togo e huriki a gare. Mu mangenge nau, a Vure ne mua. Iau e BAKOVI DAGI a takia a ngava iea.

Mateo 23:8

“Pali mua, nahea tara viri ge gale mua ‘a mari ni tovo,’ a vuhuna a mari ni tovo ne mua i taku kunana. Pali mua e maki turana mai.

Apostolo 14:23

Na tanga takutaku na tabeke ne huriki ri luhoia e Isu, ru vulaki ranga bakovi ge ria a matakari na lotu. Ru peremu na ni kani, ru vasileki, ru habi ria na limane Bakovi Dagi, ra viri ri luhoi torea.

Apostolo 15:4

Na tahuna ri bele o Ierusalem, e huriki a tara ne Kristo vonga, e huriki a apostolo, e huriki a gare na lotu ri tagui ria. Muri e Paulus, e Barnabas ru vakalongo ria vona a maki lobo a Vure i rata na limane ria.

Apostolo 15:6

Lakea e huriki a apostolo, e huriki a gare na lotu ri vapopo, ri luhoi kado a ngava iea.

Apostolo 20:17

Na tahuna mi bele o Miletus, e Paulus i talo rike a ngava ne huriki a gare na tara ne Kristo o Epesus ri gi valai, ri gi masia.

A Raukea e Paulus i Here Lakea ne Huriki a Rom 13:7

Mu habi ne ria a maki ni taki mu gu habi ne ria. Mu habi a takis ne huriki ni taki ni gi habi a takis ne ria. Mu togo e huriki ni taki ni gi togo ria.

Galesia 6:1

Mua e huriki a turagu, na tahuna mu masia tara viri ne mua ge rata a naro hale, a ngaru e huriki ri kinigao na Hanu Kiripiripi ri gi lakea madoru vona, ri gi bole mulea. Pali ri gi matadoko, ma ni gi toni ria.

Vinara 33:9

Ri tora hateka ni ramai a nitamu a ngava dagi vomu. I uka ma ri ramai a ningaru ne tamane ria, ne turane ria, ne tune ria. Ri ramai kunana a ningaru vomu.

1 Timoti 5:17

A ngaru mu gu togo, mu gu kona kamumu e huriki a matakari na lotu ri leho kamumu, re huriki ri tovo e huriki na nitana Vure, e huriki ri habi a ngava.

1 Timoti 5:2

O rata kamumu e huriki a gare ngatavine ge manga a hini o rata kamumu e kinamu. E huriki a sirula ranga o rata kamumu ria, ge manga a hini o rata kamumu e kurabamu.

Titus 2:2

O taki e huriki a gare bakovi nahea ri gi ramai a ningaru tavula­vula ne ria. A narone ria ge kamumu, lakea e huriki ri gi togo ria. Nahea ri gi rata tavulavula a maki. Ri gi ramai a niluhoi kamumu. Ri gi luhoi tora hatekea a Vure, ri gi ngaru hateka e huriki, ri gi hatenono, ri gi kaloho a nimadihi.

Titus 2:6

I mavonga kunana o taki e huriki a bakovi karaba nahea ri gi rata tavulavula a maki. Ri gi ramai a niluhoi kamumu.

Iakop 3:17

Pali e huriki ri tahoka a lohokanga i valai na Vure, ri maea: ri uka a naro hale, ri ngaru a nivalemu, ri luhoi muga a ningaru ne huriki ranga, i uka ma ri kulirua, ri dodo e huriki a turane ria, a leho ne ria i tahoka a kanena, ri rata virihi e huriki lobo a naro i taku kunana. I uka ma ri tamirabu ni ramai a naro kamumu, ri ramai muholi.

Iakop 5:14

E rei ne mua i tahoka gilanga? Ge gale e huriki a matakari na lotu ri gi valai vona, ri gi vasileki vona, ri gi biria na nibiri a kakaina na rane Bakovi Dagi.

1 Petrus 5:1

Mua o huriki a gare na lotu, iau tara a gare. Iau a matai a maregoa i bolea e Kristo. Bara te vaveru vona a bagetuanga vona, ra ge bele kavakava muri ma. I mavonga, a taki tora mua,

2 Ioanes 1:1

Mu lohoka nau, iau a bakovi dagi na lotu. A here lakea na ngatavine, ra Vure i vulakia, turana e huriki e tuna. A ngaru hateka mua. Pali i uka ma i iau kunana. E huriki ri lohoka na ngava muholi, ria ranga ri ngaru hateka mua,

3 Ioanes 1:1

Mu lohoka nau, iau a gare na lotu. A here lakene vomu, o Gaius. A ngaru ioe na hategu.

Kapiloho 4:4

A gula hariki i ravulu rua a polona i va ri pesi halui a gula hariki iea. E huriki a nupesi ala ravulu rua a polona i va ri made na gula hariki nga. Ri rodo a varakia keakea, ri kube a tama hariki ni rata na gol.