1 Timoti 4:5 - A Nitana Vure

⁵ Si gi rata mavonga, a vuhuna a nitana Vure turana nivasileki ne hita i rata a maki ni kani lobo i kamumu.

1 Timoti 4:5 Iomraidhean Croise

A Vuhuna 1:25

A Vure i rata rike a maka livoa, a sipsip a bulmakau, a maki i karaka lae na malala, ria lobo ri gi vakabele tabu a hamone ria. A Vure i matai a maki i rata i kamumu.

A Vuhuna 1:31

A Vure i matai a maka maki i rata i kamumu hateka. I rodo i palala. Iea a polotarana parava.

Lukas 11:41

Pali bara mu kori e huriki a matasia na hatene mua, bara mu kabakaba na matana Vure.

Lukas 4:4

Pali e Isu i koli, i ta maea, “A ngava ni here puru na Hinere i maea: ‘A bakovi i uka ma ge mahuri na maki ni kani kunana.’”

1 Korin 7:14

A bakovi i uka ma i luhoi torea e Kristo, pali e girihina i luhoi torea e Kristo, ngane a bakovi iea, a Vure i matakaria. E huriki e tuna ranga, a Vure i matakari ria. A ngatavine i uka ma i luhoi torea e Kristo, pali e girihina i luhoi torea, ngane a ngatavine iea a Vure i matakaria. E huriki e tune rua, ranga a Vure i matakari ria, i uka ma i biu ria.

1 Timoti 4:3

Ri tovo e huriki nahea ri gi parangi, nahea ri gi kani a kania ranga. Pali a Vure i ratarike lobo a kania si gi kani. I ngaru hita e huriki si luhoi torea, si lohoka na ngava muholi, si gi kani si gi kavurikea.

Titus 1:15

A maki lobo i kamumu na matane huriki a bakovi kiripiripi. Pali e huriki a bakovi hale, i uka ma ri luhoi e Kristo, a maki lobo i hale na matane ria. A niluhoi ne ria i hale, i uka ma ri lohoka vona a ra maki i kamumu, a ra maki i hale.

Hibru 11:3

Hita, si luhoi torea a Vure i ta kunana, i vakabele a maki lobo. A maki lobo si matai, a Vure i ratarike na maki i uka ma si matai.