1 Timoti 4:3 - A Nitana Vure

³ Ri tovo e huriki nahea ri gi parangi, nahea ri gi kani a kania ranga. Pali a Vure i ratarike lobo a kania si gi kani. I ngaru hita e huriki si luhoi torea, si lohoka na ngava muholi, si gi kani si gi kavurikea.

1 Timoti 4:3 Iomraidhean Croise

A Vuhuna 9:3

A maka maki mahuri ri laho ga maki ni kani ne mua, i manga a hini muga a habi ne mua a kobo mu kani. Pali ngane a habi a maki lobo ga maki ni kani ne mua.

Mateo 14:19

Muri i taki e huriki ri gi made puru na varili. I bole a bret i lima, a manu i rua, i mata rike na hunu i kavurikea a Vure. Muri i kevea a bret, i habi ne huriki a murimuri vona ri veru ne huriki.

Mateo 15:11

A maki i dili na ngavana bakovi i uka ma i ratea ge katoki na matana Vure. A maki i ratea i katoki na matana Vure, a maki i pagitala na ngavana.”

Mateo 15:36

Muri i bole a bret i polorua, a manu kiroko ranga, i kavurikea a Vure. I keve, i habi ne huriki a murimuri ri gi veru ne huriki.

Lukas 24:30

Na tahuna to made halui a dede ta to go kani, lakea e Isu i bolea a bret, i vasileki langa vona, i kevea i habia ne rua.

Ioanes 6:23

Muri a posi ranga na tanga e Tiberius ri dili tabukoi na hini e Bakovi Dagi i kavurike a Vure vona a bret, i vakani e huriki vona ravi.

Apostolo 27:35

I taki loboa a ngava iea, i bole ranga bret, i kavurikea a Vure na matane ria, i keve, i vakatubu ni kani.

A Raukea e Paulus i Here Lakea ne Huriki a Rom 14:17

A pelegona a harikianga na Vure, i uka ma a vinara na maki ni kani, a maki ni ninu. A pelegona a harikianga na Vure i maea, si gi laho malamala, si gi made na nivalemu, si gi vivi na nivivi na Hanu Kiripiripi.

A Raukea e Paulus i Here Lakea ne Huriki a Rom 14:3

A viri i kani lobo a kania, nahea ge biu a viri i kani kunana a kobo. Pali a viri i kani kunana a kobo, nahea ge taki i hale a viri i kani a maki lobo, a vuhuna a Vure i bole dilia pali.

A Raukea e Paulus i Here Lakea ne Huriki a Rom 14:6

E huriki ri luhoia a parava tara a parava ni kavurikea a Vure, ri rata mavonga a vuhuna ri ngaru ni togoa e Bakovi Dagi. E huriki ri kani a maki ni kani lobo ri rata mavonga, ri togoa e Bakovi Dagi, a vuhuna ri kavurikea a Vure vona. E huriki ranga ri marikoi ni kani ranga maki, ri rata mavonga ni togoa e Bakovi Dagi, ri kavurikea a Vure.

1 Korin 6:13

Mu ta maea, “A maki ni kani ne vona ni vakavonu a kavutu. A kavutu ne vona ni tahoni a maki ni kani.” I muholi, pali muri ma a Vure ge vakalobo varago a maki ni kani, a kakaine hita. A kakaine hita i uka ma ne vona ni mole. A kakaine hita ne vona e Bakovi Dagi. E Bakovi Dagi ne vona a kakaine hita.

1 Korin 7:28

Pali ioe o ngaru ni parangi, i uka maki. I uka ma o rata hale. A ngatavine i uka ma i parangi ma, lakea i parangi, i uka maki. I uka ma i rata hale. Pali e huriki ri parangi, bara i bele ne ria a maregoa na malala. A koi mu gu dili na maregoa, lakea a taki mua nahea mu gu parangi.

1 Korin 8:8

Pali a maki si kani, o i uka ma si kani, i uka ma ge rata hita si gi malamala na matana Vure. I uka ma si kani, i uka ma ge rata hita si gi hale. O si kani, i uka ma ge rata hita si gi kamumu.

Kolosi 2:16

Lakea, nahea tara viri ge pelekado mua na maki mu kani, na maki mu ninu, na habu na lotu, na habu na keva karaba o na Parava Nimalo.

Kolosi 3:17

A ra maki mu taki, a ra maki mu rata, mu rata na rane Isu a Bakovi Dagi, mu kavurikea a Vure e Tamane hita.

1 Timoti 2:4

I ngaru ni korimule e huriki lobo, ri gi lohoka vona a ngava muholi,

1 Timoti 4:4

A ta maea, a vuhuna si lohoka vona, a maki lobo a Vure i ratarike i kamumu. Nahea si gi taki ge hale. Si gi kavurikea a Vure, si gi bole.

1 Timoti 5:14

I mavonga, a ngaru e huriki a havuri sirula ri gi parangi, ri gi tahoka a koma, ri gi matakari a ruma ne ria. Bara ri rata mavonga, a pile ne hita bara i keri ni biu hita.

Hibru 13:4

A parangia, mua lobo mu togoa. Naha ni vakahale a parangia, a vuhuna a Vure ge pelekado, ge ratapile e huriki ri mole.

Hibru 13:9

Naha ni nunu muri mai a maka nitovo tebi legelege. I kamumu a Vure ge vakatora a hatene mua na naro kamumu vona. A maka vinara na maki ni kani i uka ma i kori e huriki ri muri mai. Naha ni muri mai a maka vinara nga.