1 Timoti 3:2 - A Nitana Vure

² I mavonga, a viri ni ru ge ia a matakari, ge muri mai kunana a naro kamumu, bara ni keri ni padi virihia na naro hale. E girihina ge taku kunana. Nahea ge ramai a ningaru tavulavula vona. Nahea ge rata tavula a maki, ge ramai a niluhoi kamumu. E huriki ri gi togoa. Ge matakari kamumu e huriki ri valai na ruma vona. Ge lohoka ni tovo e huriki na nitana Vure.

1 Timoti 3:2 Iomraidhean Croise

Lukas 1:6

Rua varago ru malamala na matana Vure, ru muri mai lobo a vinara ne Bakovi Dagi.

Lukas 2:36

A propet ngatavine tara i made vonga, a rana e Ana, e Tune Panuel, a kabu ne Aser. I gare hateka. Hosi i parangi i made turana e girihina na pida i polorua.

A Raukea e Paulus i Here Lakea ne Huriki a Rom 12:13

E huriki a tara na Vure ri bala vona tara maki, mu tuhori ria. E huriki a mosi ri gi bele taho mua, mu matakari ria.

Pilipai 2:15

lakea i uka tara viri ge padi virihi mua. Bara mu malamala kunana. Bara mua e huriki a tuna Vure, mu uka ngava na kurukuruna e huriki a bakovi ri putu ngingi na tahuna mona. Bara mu para manga a hada na kurukurune ria.

1 Timoti 3:12

A vora na lotu ge tahoka e girihina i taku kunana, ge matakari kamumu e huriki e tuna.

1 Timoti 3:8

I mavonga kunana e huriki a vora na lotu. E huriki ri gi togo ria. Nahea ri gi ngava naru. Nahea ge vakavora ria a naru vagole. Nahea ri gi ngaru hateka a moni.

1 Timoti 4:3

Ri tovo e huriki nahea ri gi parangi, nahea ri gi kani a kania ranga. Pali a Vure i ratarike lobo a kania si gi kani. I ngaru hita e huriki si luhoi torea, si lohoka na ngava muholi, si gi kani si gi kavurikea.

1 Timoti 5:10

O here kunana a rana e huriki a havuri ni matakilaka vona ri rata a naro kamumu, ri matakari kamumu e tune ria, ri matakari a mosi, ri vahilolo a vahane huriki a tara na Vure, ri tuhori e huriki ri marego, ri habi a hatene ria na maka naro kamumu ranga.

1 Timoti 5:22

Naha ni ru langa a limamu malaviriri na viri, ge ratea a leho na Vure. Naha ni dili na naro hale na viri. O matakari kamumu ioe, go malamala na matana Vure.

1 Timoti 5:9

A havuri, e girihina i taku kunana, i tahoka a pida i langui i ravulu polotara, o here purua a rana, ge bole a kinori.

2 Timoti 2:24

A vora ne Bakovi Dagi nahea ge rata a nivahehe. Ge rata a naro kamumu ne huriki lobo, ge lohoka kamumu ni tovo e huriki, ge hatenono ne huriki ri rata halea.

Titus 2:2

O taki e huriki a gare bakovi nahea ri gi ramai a ningaru tavula­vula ne ria. A narone ria ge kamumu, lakea e huriki ri gi togo ria. Nahea ri gi rata tavulavula a maki. Ri gi ramai a niluhoi kamumu. Ri gi luhoi tora hatekea a Vure, ri gi ngaru hateka e huriki, ri gi hatenono, ri gi kaloho a nimadihi.

Hibru 13:2

Mu tagui, mu matakari e huriki a mosi ri bele ne mua. Hosi e huriki ranga ri matakari a mosi, pali i uka ma a bakovi ri matakari. A agelo ri pahaluhoi ta a bakovi.

Hibru 3:14

Na tahuna si luhoi tora karabea e Kristo, i gale hita e huriki e turana. I mavonga, si gi pesi tata ni luhoi torea, ge vano, ge harena na parava si mate vona. Bara i uka, i uka ma ge gale tabu hita e huriki e turana.

1 Petrus 4:7

A malala i tabukoi ge lobo, i mavonga, mu matakari kamumu a ningaru ne mua, mu matadoko, mu gu kara ni vasileki.

1 Petrus 4:9

Mu bole dili na ruma ne mua e huriki a turane mua, mu matakari ria, naha ni marikoi.

1 Petrus 5:8

Mu matapara, mu matadoko, a vuhuna a pile ne mua, e Satan, i laho viliha manga a laion i roro, i matakana a viri ge ratapilea.