1 Timoti 3:1 - A Nitana Vure

¹ A ngava i muholi hateka, i maea: A viri i ngaru hateka ge ia a matakari na lotu, i ngaru a leho kamumu.

1 Timoti 3:1 Iomraidhean Croise

Lukas 15:10

I mavonga kunana, a Vure turana e huriki a agelo bara ri vivi hateka, na tahuna ri masia a bakovi hale tara i pulo a vilona.”

Apostolo 1:20

Muri e Petrus i ta maea, “I bele mavonga, a vuhuna a ngava ni here puru hosi na puhu na Linge i maea, ‘Ge ngeki a ruma vona, i uka tara viri ge made vona.’ Ni here puru tabu i ta maea, ‘A viri tara ge bole a murina.’

Apostolo 20:28

Mu matakari kamumu mua turane huriki a kabukabu. A Hanu Kiripiripi i habi ria na limane mua, ge mua a matakari ne ria. Mu leho manga a matakari na tara na Vure, a Vure i konamule ria pali na darane Tuna.

A Raukea e Paulus i Here Lakea ne Huriki a Rom 11:13

Ngane a taki mua, ra mua i uka ma mua a Iuda. Iau a apostolo ne mua. A vivi hateka vona a leho a Vure i habia nau, i rudu iau ga vakalongo mua vona a Velenga Kamumu.

Epesus 4:12

I rata mavonga, ri gi kisi e huriki a tara na Vure ni rata a leho, a kakaine Kristo ge bele tora.

Pilipai 1:1

Iau e Paulus. A raukea iea i valai ne maria e Timoti, a vora ne Isu Kristo. A here lakea ne mua a tara ne Isu Kristo, e huriki a gare na lotu, e huriki a vora na lotu, mu made o Pilipai.

1 Tesalonika 5:14

Mua e huriki a turagu, mete ngaru mua mu gu taki tora e huriki ri laho tavula ri gi leho. Mu vakatora a niluhoi ne huriki ri mangenge. Mu tuhori e huriki ri uka a nitora. Mu hatenono vona e huriki lobo.

1 Timoti 1:15

A ngava i muholi hateka, e huriki ri gi longoa ri gi longo mai, i maea: e Isu Kristo i puru valai na malala ge korimule hita e huriki a bakovi hale. Iau kunana a viri a hale hateka.

1 Timoti 4:9

A ngava nga i muholi hateka, e huriki ri gi longoa ri gi longo maia.

2 Timoti 2:11

A ngava i muholi hateka, e huriki ri gi longoa, ri gi longo maia i maea: “E huriki ri mate turane Kristo, bara ri made turana;

Titus 1:7

O bole kunana e huriki a bakovi kamumu, a vuhuna o lohoka vona, a matakari na lotu i matakari e huriki a tara na Vure. Ge muri mai kunana a naro kamumu, bara ni keri ni padi virihia na naro hale. Nahea ge tagege. Nahea ge hinihate. Nahea ge ia a bakovi ni ninu. Nahea ge ia a bakovi ni vaubi. Nahea ge ngaru hateka a mahala.

Titus 3:8

A ngava nga a ngava muholi. A ngaru go ta tora vona a ngava nga, lakea e rei a viri i luhoi torea a Vure ge leho tora ni ramai a naro kamumu. A maka naro nga ri kamumu hateka, ri tuhori e huriki.

Hibru 12:15

Nahea tara viri ne mua ge boru, ge ha taroa a naro kamumu na Vure. A viri i rata mavonga, ma ge bole dili a naro hale, ge bele a maregoa, lakea e huriki ala kupo bara ri katoki na matana Vure.

1 Petrus 2:25

I muga mu manga a maka sipsip ri ruru. Pali mu hamule pali na Matakari na hanune mua.

1 Petrus 4:15

Naha ni rabalaki a viri, naha ni panaho, naha ni rata a naro hale, naha ni rahi dili mua na maki na viri tara. A naro nga ri hale. Bara mu rata a maki nga, mu bole a maregoa, i kamumu.

1 Petrus 5:2

mu matakari kamumu a kabu na Vure, ra ri made turane mua. Mu rata mavonga, i uka ma mu ramai kunana a nitagu. Nahea mu gu rata kunana a leho ni bole a moni. A naro iea, a naro ni maruhu vona. Mu matakari ria a vuhuna mu ngaru hateka ni rata, i manga a Vure i ngaru.