1 Timoti 2:1 - A Nitana Vure

¹ Lakea a maki dagi hateka a ngaru mu gu ratea i maea: Mu nana torea a Vure ge kori e huriki a bakovi a ngatavine, mu vasileki ne huriki, mu kavurikea a Vure na tahuna i kori e huriki.

1 Timoti 2:1 Iomraidhean Croise

Apostolo 17:30

Hosi a Vure i matataro e huriki i uka ma ri lohoka. Pali ngane i vakuku e huriki lobo na tanga lobo ri gi pulo a vilone ria,

A Raukea e Paulus i Here Lakea ne Huriki a Rom 1:8

A ngaru ni taki taro mua, na tahuna a luhoi mua, a kavurikea a Vure nau na rane Isu Kristo, a vuhuna na tanga lobo ri tuverei vona a hini mu luhoi torea e Kristo.

A Raukea e Paulus i Here Lakea ne Huriki a Rom 6:17

Pali iau a kavurikea a Vure, a vuhuna muga mu vora na naro hale, pali ngane mu longototo a nitovo, ra ni tovo mua vona.

1 Korin 15:3

A ngava dagi e Kristo i vakalongo iau vona, iau tara a vakalongo mua vona, ra i maea: E Kristo i mate, ge bole a mapana naro hale ne hita, i muri mai a ngava ni here puru hosi na Hinere.

2 Korin 8:6

I mavonga a taki torea e Titus, ra i vakatubu turane mua, ge tuhori mua mu gu vakalobo a leho na nidodo iea.

Epesus 3:13

I mavonga, nahea mu gu loho lege lae vona iau a bole a maregoa. A maregoa a kalohoa, bara mu bole a bagetua vona.

Epesus 5:20

Na maki lobo, mu kavurike vakaroroa a Vure e Tamane hita na rane Bakovi Dagi, e Isu Kristo,

Epesus 6:18

Mu mamata, mu matapara, mu vasileki, mu nanea a Vure na parava vakaroro na nitora na Hanu Kiripiripi. Mu rata mavonga vakaroro, mu vasileki ne huriki a tara na Vure.

Pilipai 1:3

Na tahuna a luhoi mua, a kavurikea a Vure.

Pilipai 4:6

i mavonga naha ni loho pae vona tara maki. Pali mu vasileki na maki lobo. Mu takia a Vure a ra maki mu ngarua. Mu kavurike ia vona a maki lobo i rata pali.

1 Tesalonika 3:12

A Bakovi Dagi ge rata mua mu gu vangaru hateka tabu, mu gu ngaru hateka tabu e huriki ranga, ge manga a hini mete ngaru hateka mua.

2 Tesalonika 1:3

Mua e huriki a turagu, i kamumu mete ge luhoi mua, mete ge kavurike vaka­roroa a Vure, a vuhuna a niluhoi ne mua i bele tora hateka, a rabu ni vangaru i bebele dagi ne mua.

1 Timoti 2:4

I ngaru ni korimule e huriki lobo, ri gi lohoka vona a ngava muholi,

1 Timoti 5:5

A havuri muholi, ra viri i made kikeri, i luhoi torea a Vure, lakea i vasileki vakaroro, i nanea a Vure ge tuhori ia.

2 Timoti 2:24

A vora ne Bakovi Dagi nahea ge rata a nivahehe. Ge rata a naro kamumu ne huriki lobo, ge lohoka kamumu ni tovo e huriki, ge hatenono ne huriki ri rata halea.

Titus 2:11

A ta maea, a vuhuna a Vure i vakasiri pali a naro kamumu vona, i ngaru ni korimule e huriki.

Titus 3:2

Nahea ri gi padi kidu. Ri gi made na nivalemu. Ri gi luhoi muga a ningaru ne huriki ranga. Nahea ri gi rata polomugamuga.

Hibru 6:11

A ngaru mua lobo mu gu leho tora mavonga, mu gu lohoka vona i muholi a maki mu pasimata vona, ge vano, ge harena na tahuna mu bolea.

Iakop 5:16

Ra i mavonga, a ngaru mua mu gu vatakitala a naro hale ne mua. Mu vasileki ne huriki e turane mua, a Vure ge vakamahuri ria. Na tahuna a bakovi malamala i vasileki, a nivasileki vona i tahoka a nitora dagi, i tahoka a kanena.