1 Timoti 1:3 - A Nitana Vure

³ Hosi a pe ioe iene o Epesus, a valai a made koea o Masedonia. Muga a pe ioe, a taki ioe vona tara ngava. Ngane a ngaru ni taki tabua vomu a ngava iea. O made iene, a vuhuna i tahoka ranga bakovi iene ri tovo e huriki na ngava taminga. O ta pupukari ne ria, nahea ri gi tovo tabu a ngava taminga nga.

1 Timoti 1:3 Iomraidhean Croise

Apostolo 18:19

Na tahuna to bele o Epesus, to vapida. E Paulus kikeri i vano, i dili na roho na vaponga, i ta turane huriki a Iuda.

Apostolo 18:21

Pali na tahuna i pe ria, i ta muholi ne ria, i ta maea, “A Vure ge ngaru iau ga hamule valai tabu, bara hamule valai.” Muri i rike na aga, i pea e Epesus.

A Raukea e Paulus i Here Lakea ne Huriki a Rom 15:26

a vuhuna e huriki a tara ne Kristo na tabeke ne Masedonia, e Akaia, ri habi a moni ni tuhori e huriki a tara ne Kristo ranga o Ierusalem ri matasia.

A Raukea e Paulus i Here Lakea ne Huriki a Rom 16:17

Mua e huriki a turagu, mu matadoko vona e huriki ri rata mua mu vagege. Mu mata­doko vona e huriki ri tovo a ngava taminga, ri rata e huriki ri ngalahere na Vure. A ngava ri tovo vona i vaperesi na ngava ni tovo mua vona muga. Mu malele ha ne ria.

2 Korin 11:4

E huriki ranga ri bele ne mua, ri vara mua ne Isu, i tebi na ngava a vara mua vona, o ri vara mua na Hanuna Vure, i tebi na ngava a vara mua vona, o ri vara mua, i tebi na Velenga Kamumu mu luhoi tora mugea. Pali i navai mu vivi ni longo mai kunana?

Epesus 4:14

Muri i uka ma si gi vilikoma tabu. A maka nitovo karaba legelege i uka ma ri gi kule lae hita manga a aga, i kule laea a vilu, a bokona dari. Na tahuna e huriki ri ngaru ni tami hita na nita taminga ne ria, i nangi manga a ngava muholi, i uka ma si gi longo mai.

Pilipai 2:24

A luhoi torea e Bakovi Dagi ge tuhori iau, lakea tabukoi bara lakene ne mua.

1 Timoti 4:11

A maka ngava nga, o vakuku e huriki, o tovo ria.

1 Timoti 4:6

Ioe bara o taki e huriki a turane hita vona a maka ngava nga, bara ioe a vora kamumu ne Isu Kristo. Ioe bara o longo mai a nitana Vure, a ngava muholi, ra o ramai, bara o koru rike kamumu.

1 Timoti 5:7

O vakuku maea e huriki a tara na Vure, lakea bara ri muri mai a naro malamala kunana, i uka tara viri ge kau ria na ngava.

1 Timoti 6:10

A ta maea, a vuhuna a rabu ni ngaru hatekea a moni i vakabele a naro hale legelege. I ranga e huriki ri pe pali e Kristo, ri bole a nimadihi dagi, a vuhuna ri ngaru hateka a moni.

1 Timoti 6:17

O taki e huriki ri tahoka a mahala i kupo, nahea ri gi bibi rike mule ria. A mahala na malala bara i lobo vakaturutu, lakea nahea ri gi luhoi ge kori ria. Ri gi luhoi kunanea a Vure, a vuhuna a Vure i hatebalala. I habi ne hita a maki lobo si gi pitei vona.

1 Timoti 6:3

A viri i vara na ngava tebi, i uka ma i longo mai a ngava muholi ne Isu Kristo a Bakovi Dagi ne hita, i uka ma i longo mai a ngava i vakasiri a dala kamumu na Vure,

2 Timoti 1:18

A vasileki ne Bakovi Dagi ge dodoa na nilobona parava. O lohoka vona i kupo a leho i tuhori iau vona na tanga dagi e Epesus.

2 Ioanes 1:7

A bakovi ala kupo ri laho lae, ri takia e Isu Kristo, na tahuna i valai koea na malala, ta i uka ma i bele manga a bakovi. E rei a viri i tovo maea, ia a bakovi na taminga, a pile ne Kristo.

Kapiloho 2:14

Pali iau a tahoka a ngava ne mua. E huriki ranga ne mua ri muri mai a nitovo ne Balam. Re Balam hosi, i takia e Balak ge tami e huriki a Israel ri gi puru na hoa. I taki ria ri gi kani a kinani ni habi ne huriki a nitamina vure. I taki ria ri gi mole lae.

Kapiloho 2:20

Pali iau a tahoka a ngava ne mua, a vuhuna i uka ma mu ta pupukaria ra ngatavine e Iesebel. I taki ta ia a propet, i tovo e huriki a vora nau, i tuli ria ri gi mole, ri gi kani a kinani ni habi lakea ne huriki a nitamina vure.