1 Timoti 1:2 - A Nitana Vure

² A here lakene vomu, o Timoti. Ioe o manga e tugu muholi, a vuhuna tu luhoi torea e Kristo. A Vure, e Tamane hita, turane Bakovi Dagi ne hita e Isu Kristo, ru gu rata kamumu ioe, ru gu dodo ioe, ru gu habi a nivalemu vomu.

1 Timoti 1:2 Iomraidhean Croise

A Raukea e Paulus i Here Lakea ne Huriki a Rom 1:7

A herea a raukea iea i lakene mua e huriki a bakovi a ngatavine o Rom. A Vure i ngaru hateka mua, i gale mua ge mua a tara vona. A Vure e Tamane hita turana e Isu Kristo, a Bakovi Dagi ne hita, ru gu rata kamumu mua, ru gu habi a nivalemu ne mua.

Galesia 1:3

A Vure, e Tamane hita, turane Isu Kristo, a Bakovi Dagi, ru gu rata kamumu mua, ru gu habi a nivalemu ne mua.

1 Tesalonika 3:2

miri rudu lakenea ne mua e Timoti. Ia a turane hita, a vora na Vure ni vakalongo a Velenga Kamumu ne Kristo. Miri rudu lakenea ge vakatora a niluhoi ne mua,

1 Timoti 1:12

A kavurikea a Bakovi Dagi ne hita e Isu Kristo, ra i habia nau a nitora ga ratea a leho iea. A kavurikea, a vuhuna i luhoi iau a kara ni rata lobo a leho i habi nau, i vulaki iau ga rata.

1 Timoti 1:18

O tugu o Timoti, a vinara nga, a taki ioe vona, i ramai a nita propet ni taki virihi ioe vona hosi. A ngaru go luhoi mulea, lakea bara o pesi tora na ni luhoi torea a Vure, bara o rata kunana a naro o lohoka vona i kamumu. Lakea bara o vaubi kamumu. E huriki ranga ri lohopile pali a naro ri lohoka vona i kamumu, ri lobo ni luhoi torea a Vure. Ri rata mavonga, lakea ri ratapile a niluhoi ne ria. Ri manga a aga i mapua na rakaru.

1 Timoti 6:20

Timoti, o rata kamumu a leho a Vure i habi vomu go rata. O malele ha vona a ngava tavula hale. O malele ha vona a ngava i vaperesi na nitana Vure, ni taki ta a ngava na lohokanga.

2 Timoti 1:2

O Timoti, ngane a here lakene vomu tabu. Ioe o manga e tugu muholi, a ngaru hateka ioe. A Vure, e Tamane hita, turane Bakovi Dagi e Isu Kristo ru gu rata kamumu ioe, ru gu dodo ioe, ru gu habi a nivalemu vomu.

2 Timoti 2:1

O tugu o Timoti, e Isu Kristo ge rata kamumu ioe, ge vakatora ioe.

Titus 2:2

O taki e huriki a gare bakovi nahea ri gi ramai a ningaru tavula­vula ne ria. A narone ria ge kamumu, lakea e huriki ri gi togo ria. Nahea ri gi rata tavulavula a maki. Ri gi ramai a niluhoi kamumu. Ri gi luhoi tora hatekea a Vure, ri gi ngaru hateka e huriki, ri gi hatenono, ri gi kaloho a nimadihi.

Titus 3:15

E huriki ri made turagu ri talo rike a haro kamumu ne vomu. O habi a haro kamumu ne huriki ri luhoi e Kristo, ri ngaru mia. A Vure ge rata kamumu mua lobo.

1 Petrus 1:2

A Vure, e Tamane Hita, i lohoka muga pali ge vulaki mua. A Hanuna Vure i vulaki mua, ge mua ne vona kunana, mu gu longototo e Isu Kristo, a darana ge vahilolo mua, mu gu malamala. A Vure ge rata kamumu mua, ge habi ne mua a nivalemu, ge uka harena.

2 Ioanes 1:3

A Vure, e Tamane hita, e Tuna e Isu Kristo ru gu rata kamumu hita, ru gu dodo hita, ru gu habi a nivalemu ne hita na naro muholi, na naro na nivangaru.

3 Ioanes 1:4

Na tahuna a longo e huriki a koma nau ri ramai a ngava muholi, a vivi hateka.

Iuda 1:2

A Vure ge dodo mua, ge habi a nivalemu ne mua, ge ngaru hateka mua vakaroro.