1 Timoti 1:11 - A Nitana Vure

¹¹ Ra ngava muholi i ramai kunana a Velenga Kamumu na Vure, ra Vure i made na nipara dagi, e huriki ri kavurikea. I ru na limagu ga vakalongo ne huriki.

1 Timoti 1:11 Iomraidhean Croise

Lukas 2:14

“Si gi kavurikea a Vure Meli Liu. Ge habi a nivalemu ne huriki a bakovi a ngatavine i vivi ne ria koea na malala.”

A Raukea e Paulus i Here Lakea ne Huriki a Rom 2:16

Bara i bele mavonga na tahuna a Vure i habia ne Isu Kristo a leho ni pelekado a niluhoi kapiloho, a naro kapiloho ne huriki lobo. A ngava iea, a vakalongo ne huriki na tahuna a vakalongo ria na Velenga Kamumu.

1 Korin 9:17

Iau bara vara na ningaru nau, bara bole a mapagu. Pali iau bara vara i uka ma na ningaru nau, bara vara, a vuhuna a Vure i habia nau a leho iea ga ratea.

2 Korin 4:4

A vure na malala i vakauvo a niluhoi ne huriki i uka ma ri luhoi torea e Kristo, i uka ma ri gi matai a nipara na Velenga Kamumu na bagetuanga ne Kristo, re Kristo ia a Vure.

2 Korin 4:6

A Vure, ra viri i ta maea, “Ge palala,” ia kunana a Vure i vakapalala a gine hita, si gi lohoka vona a bagetuanga na Vure, ra i para na matane Isu Kristo.

Galesia 2:7

Ri matakilaka vona a leho ni habi nau, ga vakalongo a Velenga Kamumu ne huriki i uka ma ria a Iuda, i manga e Petrus i vakalongo e huriki a Iuda.

Epesus 1:12

I mavonga mia, re mia mi luhoi tora mugea e Kristo, mi rata e huriki ranga ri gi kavurikea a Vure, a vuhuna i bagetu hateka.

Epesus 1:6

I ngaru si gi kavurikea vona a hini i rata kamumu hateka hita. A leho ne Tuna, ra i ngaru hatekea, i vakasiri manga a Vure i rata kamumu hateka hita.

Epesus 2:7

I rata mavonga ne vona ni vakasiri e huriki ri gi bele muri ma, na naro i rata kamumu hateka hita na tahuna i rata hita si rihi e Isu Kristo.

Epesus 3:10

I rata mavonga, a tara ne Kristo ge vakasiri ne huriki a matakari na hunu, e huriki a viri dagi na hunu, a lohokanga dagi legelege vona.

Kolosi 1:25

A Vure i vulaki iau, ge iau a vora ni vakalongo a Velenga Kamumu ne mua, mu gu lohoka kamumu vona.

1 Tesalonika 2:4

Mete vakalongo a Velenga Kamumu, a vuhuna a Vure i pelekado a hatene mateu, i matai i kamumu, lakea i habia ne mateu a leho ni vakalongo a Velenga Kamumu. I uka ma mete ngaru ni rata a bakovi ge vivi. Mete ngaru ni ratea a Vure ge vivi, ra viri i lohoka vona a niluhoi ne hita lobo.

1 Timoti 2:7

A Vure i vulaki iau ge iau a apostolo vona, ga vakalongo a ngava nga, ga tovo e huriki a kabu i uka ma ria a Iuda, ri gi luhoi torea e Kristo, ri gi lohoka vona a ngava muholi. Iau a ta muholi, i uka ma a tatami.

1 Timoti 6:15

Bara i bele na parava a Vure i vulakia. A Vure a viri si kavurikea. Ia kikeri a Matakari, a Hariki ne huriki a hariki, a Bakovi Dagi ne huriki a bakovi dagi.

1 Timoti 6:20

Timoti, o rata kamumu a leho a Vure i habi vomu go rata. O malele ha vona a ngava tavula hale. O malele ha vona a ngava i vaperesi na nitana Vure, ni taki ta a ngava na lohokanga.

2 Timoti 1:11

I vulaki iau ge iau a apostolo, ga tovo, ga vakalongo a Velenga Kamumu iea.

2 Timoti 1:14

O matakari kamumu a ngava muholi i habia vomu a Vure. A Hanu Kiripiripi ra i made pololilo ne hita, ge tuhori ioe go rata mavonga.

2 Timoti 2:2

A ngava o longo a vakalongo na matane huriki, ra ngava nga o tovo ne huriki a bakovi ni longototo a ngava, ri gi tovo polo tabu ne huriki ranga.