1 Timoti 1:1 - A Nitana Vure

¹ Iau e Paulus, a apostolo ne Isu Kristo a vuhuna a Vure, ra viri i korimule hita, turane Isu Kristo, ra viri si pasimata vona, ru vakuku iau, ge iau a apostolo.

1 Timoti 1:1 Iomraidhean Croise

Lukas 1:47

A vivi hateka na Vure nau, ra viri i korimule iau,

Lukas 2:11

a vuhuna mona na vuhutanga ne Davit, a viri ge korimule mua ni poda. Ia e Kristo e Bakovi Dagi.

Apostolo 9:15

Pali e Bakovi Dagi i takia, “O vano! A bakovi iea, a ngarua ge lakea ne huriki a bakovi a ngatavine i uka ma ria a Iuda, e huriki a hariki, e huriki a Israel, ge vakalongo ria nau.

A Raukea e Paulus i Here Lakea ne Huriki a Rom 1:1

Iau e Paulus, a vora ne Isu Kristo. A Vure i vulaki iau ge iau a apostolo vona, i ru iau ga vakalongo a Velenga Kamumu vona.

1 Korin 1:1

Iau e Paulus. Na ningaru na Vure, i gale iau, ge iau a apostolo ne Isu Kristo. Maria e Sostenes, a turane hita, miri herea a raukea iea.

1 Korin 9:17

Iau bara vara na ningaru nau, bara bole a mapagu. Pali iau bara vara i uka ma na ningaru nau, bara vara, a vuhuna a Vure i habia nau a leho iea ga ratea.

2 Korin 1:1

Iau, e Paulus, a apostolo ne Isu Kristo, na ningaru na Vure. Maria e Timoti, a turane hita, miri herea a raukea iea. I lakea ne mua e huriki a tara na Vure mu made o Korin, turana e huriki a tara na Vure ri made na tabeke lobo ne Akaia.

Galesia 1:1

Iau e Paulus a herea ra raukea iea. Iau a apostolo. I uka tara bakovi ge vulaki iau. E huriki i uka ma ri rudu iau ge iau a apostolo. E Isu Kristo, turana Vure, e Tamana, ra viri i vakamahuri mulea na matenga, rua kunana ru vulaki iau, ru rudu iau ge iau a apostolo.

Galesia 1:11

Mua e huriki a turagu, a ngaru mu gu lohoka vona, a Velenga Kamumu a vara e huriki vona i uka ma a ngavana bakovi kunana.

Kolosi 1:27

Na ningaru vona kunana, a Vure i puka talea a niluhoi kapiloho vona ne ria. I ngaru ri gi lohoka vona a niluhoi kapiloho. Ra niluhoi kapiloho vona i kamumu hateka, i habi a nipara dagi ne huriki i uka ma ria a Iuda. A niluhoi kapiloho i maea: a Vure i ngaru e Kristo ge made pololilo ne mua e huriki i uka ma mua a Iuda. Ngane mu malamala bara mu pasimata vona a Vure ge bole dili mua na hunu.

2 Tesalonika 2:16

E Isu Kristo a Bakovi Dagi ne hita, turana e Tamane hita, ra viri i ngaru hateka hita, i rata a naro kamumu ne hita, i luke vakaroro hita, si pasimata vona a maki kamumu ge habi ne hita muri ma,

1 Timoti 1:12

A kavurikea a Bakovi Dagi ne hita e Isu Kristo, ra i habia nau a nitora ga ratea a leho iea. A kavurikea, a vuhuna i luhoi iau a kara ni rata lobo a leho i habi nau, i vulaki iau ga rata.

1 Timoti 2:3

Ra nivasileki maea i kamumu na matana Vure, ra viri i korimule hita.

1 Timoti 2:7

A Vure i vulaki iau ge iau a apostolo vona, ga vakalongo a ngava nga, ga tovo e huriki a kabu i uka ma ria a Iuda, ri gi luhoi torea e Kristo, ri gi lohoka vona a ngava muholi. Iau a ta muholi, i uka ma a tatami.

1 Timoti 4:10

Lakea si luhoi torea a Vure mahuri, ra viri i korimule e huriki, re huriki ri luhoi torea. I mavonga, si gi rura, si gi leho hateka.

Titus 2:10

Nahea ri gi panaho. Ri gi vakasiri a naro kamumu ni gi matakilala, ria e huriki a viri kamumu. Na tahuna ri rata a maka naro nga, e huriki bara ri ngaru a nitana Vure, ra viri i korimule hita.

Titus 2:13

Si gi pasimata vona a parava ge valai, na tahuna e Isu Kristo a Vure Tuhaka ne hita, ra viri i korimule hita, ge vakasiri a nipara dagi vona.

Titus 3:4

Pali a Vure, ra viri i korimule hita, i vakasiri hita i ngaru hateka e huriki, i rata kamumu hita,

Titus 3:6

A Vure i hatebalala, i rudua e Isu Kristo, ra viri i korimule hita, ge habia ne hita a Hanu Kiripiripi.

1 Petrus 1:21

I rata mua mu luhoi torea a Vure. Mu luhoi tora ia, mu lohoka vona ge korimule mua, a vuhuna i vakamahuri mulea na matenga e Kristo, i vakabagetua.

1 Petrus 1:3

Si gi kavurikea a Vure, e Tamane Isu Kristo, a Bakovi Dagi ne hita! I dodo hateka hita, lakea i habi ne hita a nimahuri karaba. Ngane si pasimata muholi, a vuhuna e Isu Kristo i mahuri mule na matenga.

2 Petrus 1:1

Iau e Simon Petrus, a vora, a apos­tolo ne Isu Kristo. A herea a raukea iea i lakene ne mua e huriki a bakovi a ngatavine a Vure i rata mua mu luhoi torea e Kristo, i manga mia. Si luhoi torea e Isu Kristo, ra viri i korimule hita, ia a Vure, i malamala liu.

1 Ioanes 4:14

Mia, mi masia na matane mia e Tuna, lakea mi vakalongo mua vona e Tamana i rudu vilia, ge korimule e huriki.

Iuda 1:25

A Vure i taku kunana. Na matenga ne Isu Kristo, a Bakovi Dagi ne hita i korimule hita. Ni gi vakabagetu a rana. Ia kunana a Hariki ne huriki lobo. Ia kunana i matakari a tanga lobo. I mavonga muga na maki lobo ni ratarike. I mavonga ngane. Ge mavonga na parava vakaroro. I muholi.