Juan 5:9 - Bag-ong Kasuyatan

⁹ Ag sa nak raan naulian kaling tawo. Ingraya nida kag ida banig ag pumanaw. Katong adlaw nak kato ay Adlaw ray it Inugpahuway.

Juan 5:9 Iomraidhean Croise

Markos 1:31

Ingpayungutan sida ni Hesus ag inghuytan kag damot ag ingbangon. Sa nak raan ay nawagit kag ida sagnat ag nagtahaw sida sa inra.

Markos 1:42

Ag sa nak raan ay nawagit kag ida kitong ag naglinas kag ida anit.

Markos 10:52

Nagsiling si Hesus, “Pauliey, napaado ka parayan sa imo pagtu-o.” Ag sa nak raan sida ay nakakita ag nagsunor kang Hesus sa rayan.

Markos 5:29

Ngani, pagkasaplir nida sa baro ni Hesus, nagtungon nak raan kag ida pagrugo ag nabatyagan nida nak sida ay naulianey.

Juan 5:14

Marugay-rugay, nakita ni Hesus kaling tawo sa suyor it Templo ag Ida gingtugon nak, “Muyati, maadoy ka! Kada tungney kag paghimo it kasal-anan sabaling sa masunor ay mas grabey kag matabo sa imo.”

Juan 7:23

Kung kag pagtuli gani sa inro mga anak ay ginghihimo ninro sa pangwayong adlaw nak nataon pa sa Adlaw it Inugpahuway, ay asing nahahangit kamo sa Ako dahil ingpaado Nako kag bug-os nak yawas it usang tawo sa Adlaw nak kina?

Juan 9:14

Adlaw it Inugpahuway tong inghuman ni Hesus katong yunang nak gingtampoy sa mata it katong bulag nak Ida napaado.