Exodo 8:10 - Bag-ong Kasuyatan

¹⁰ Sabat ni Paraon, “Insulip yangey.” Siling ni Moises, “Matutuman kina kumporme sa imo gingbisaya, agor imo maaayaman nak waya't ibang tuyar sa GINO-O nak ato Dios.

Exodo 8:10 Iomraidhean Croise

Exodo 15:11

Si-o sa inra mga dios kag makakapantay sa Imo, amo GINO-O? Si-o kag makakapantay sa Imo nak makagagahom ag balaan? Si-o kag makakapareho sa Imo nak gingkakahadlukan dahil sa Imo mga ginghihimo nak mga katitingayang milagro?

Exodo 8:9

Siling ni Moises kang Paraon, “Haring Paraon, kasadyahan nako nak maayaman kung sauno nimo gustong magpangamuyo ako para sa imo, para sa imo mga opisyales ag para sa imo mga sinakupan, nak mawagit kag mga paka sa imo ag sa mga bayay it imo sinakupan. Ag kag mabibilin nak mga paka ay sa suba yang.”

Exodo 9:14

Pag indi, ngasing nak raan, ikaw ay Ako asiluton it grabe, pati kag imo mga opisyales ag imo mga sinakupan. Parayan dili, maaayaman nimo nak waya't ibang tuyar sa Ako sa bug-os nak kalibutan.

Exodo 9:29

Sabat ni Moises sa ida, “Oho, Halandong Paraon, pagkaliwas nako riling syudad, ako itaas kag ako mga damot sa pagpangamuyo sa GINO-O. Matungon kag pagpangrayugrog, ag mahuyaw ra kag uyan it yelo, agor inro maaayaman nak kag kalibutan ay sa GINO-O.

Santiago 4:14

Asi, ayam baga ninro kung ni-o kag matatabo insulip? Buko! Ni-o kag ato kabuhi hay? Kina ay tuyar yang sa aso nak nagpaibabaw anay ag marugay-rugay ay mawagitey.