Exodo 15:2 - Bag-ong Kasuyatan

² Kag GINO-O kag nagtata-o sa amo it kusog, Sida kag amo ingkakanta. Sida kag amo Manluluwas, Sida kag amo Dios, amo Sida adayawon, Sidang Dios it amo tatay, amo Sida itaas.

Exodo 15:2 Iomraidhean Croise

Henesis 17:7

“Atuparon nako kag Ako kasugtanan sa imo, ag sa imo magiging mga inanak kaumir kag kahuli-hulihan nak balhin it inra linahi hastang sa waya't katapusan, ag Ako kag magiging Dios nimo, ag it imo mga inanak.

Henesis 49:18

“GINO-O, ako'y naghuhuyat it imo pagluwas.”

Exodo 14:13

Nagsabat si Moises sa mga tawo, “Aya kamo gikahadlok! Pakusuga kag inro buot, ag inro makikita kung pauno kamo isalbar it GINO-O. Ngasingey kina Nida ahimuon. Kinang mga Ehiptohanon nak inro nakikita ngasing ay indiey nak gador ninro sinra makikita liwat.

Exodo 3:6

Ag siling pa it Dios sa ida, “Ako kag inro Dios, nak gingdadayaw it imo tatay, Dios it imo mga ginikanan nak sina Abraham, Isaac ag Jacob.” Pagkarungog kali ni Moises, gingtabunan nida it ida damot kag ida uda dahil nahadlok sida nak magmuyat sa Dios.

Exodo 4:22

Kada tuyar kali kag imo ibisaya sa ida, ‘Gingpapasiling it GINO-O sa imo, “Kag Ako mga katawuhan nak Israelinhon ay pay Ako panganay nak anak,”

Exodo 40:34

Pagkatapos, nagbaba katong rampog ag nalibon kag Toldang Dayawan, nak imawey ngasing kaling Tolda it GINO-O, ag kali ay napuno it kahimayaan it GINO-O. Kada indi ruto makasuyor si Moises dahil nagtiner sa Tolda kag kahimayaan it GINO-O.

Exodo 6:7

Ako kamo abilangon nak Ako sariling mga katawuhan, ag Ako kag inro magiging Dios. Makikilaya ninro nak Ako si Yahweh nak inro Dios, nak imaw kag nagta-o sa inro it kahilwayan halin sa pagpahirap it mga Ehiptohanon.

Lukas 1:77

Ag imo ipaayam sa Ida katawuhan nak sinra ay maluluwas parayan sa pagpatawar sa inra mga kasal-anan.

Lukas 2:30

Nakitaey it ako sariling mga mata kag Imo ingsugo nak Manluluwas,

Juan 4:22

Kamong mga Samaryanhon, buko ninro kilaya kag inro gingdadayaw. Pero kilaya namo kag amo gingdadayaw, kumo kag Manluluwas ay halin sa mga lahi it Hudyo.

Juan 5:23

Kali ay agor Ako nak Ida Anak ay atahuron it tanan, tuyar mismo sa inra pagtahor sa Ako Tatay. Kag waya gitatahor sa Ako nak Ida Anak ay waya ra gitatahor sa Ako Tatay nak nagsugo sa Ako.

Binuhatan 4:12

“Waya't ibang makakaluwas sa tawo kundi si Hesu-Kristo yang, dahil waya't ibang pangayan sa irayom it langit nak gingta-o sa mga tawo agor kita ay makaagom it kaluwasan.”

2 Corinto 5:19

Kag amo ingsisiling ay Dios kag naghihiwas parayan kang Kristo sa pagpasag-uli it tawo sa Ida. Inghimo Nida kali parayan sa kamatayon ni Kristo agor bay-on kag mga sala nak nagraya sa tawo papayado sa Dios. Kada wayaey Nida gibibilanga nak nakasala sinra ag dapat pangparusahan. Ag kag mensahe tungor sa pagpasag-uli it tawo sa Dios ay Ida ra ingtugyaney sa amo.

Epeso 2:22

Ngani, dahil sa inro pagpakig-usa kang Kristo, kamo ra ay kabilangey sa tanang Ida ingpapag-usa pramas maging istaran it Dios parayan sa Ida Ispirito.

Pilipos 2:11

Kag tanan ay makilaya ag masiling nak si Hesus ay Gino-o. Kada kag tanang kadayawan ay ita-o sa Dios nak Tatay.

Pilipos 4:13

Ag parayan sa kusog nak ingtata-o ni Kristo kaya nakong atubangon kag aber niong maabot sa ako.

Colosas 2:9

Indi kamo magparaya-raya, dahil sa kamatuuran, hina kang Kristo kag bug-os nak pagka-Dios it Dios.

Pahadag 15:3

Ag ingkikinanta ninra kag kanta ni Moises nak ulipon it Dios, pati kag kanta it kinang ingsisiling nak Anak it Karnero, nak nagsisiling, “Amo Ginoong Dios nak Makagagahom, kag Imo inghuman ay abang ado ag katitingaya. Ikaw nak Hari it tanang nasyon, kag tanan nak Imo inghuman ay matarong ag matuor.

Pahadag 19:1

Pagkatapos it kina, narunggan nako kag nupay ingpag-usang makusog nak boses it abang ramong mga tawo sa langit nak nagkakanta it tuyar it kali, “Haleluya! Dayawon nato kag Dios nak imaw kag ato Manluluwas nak Mahimayaon ag Makagagahom.