Exodo 15:1 - Bag-ong Kasuyatan

¹ Pagkatabok ninra sa ragat, nagkinanta si Moises ag kag mga Israelinhon para sa GINO-O it tuyar kali: “Kami ay makanta sa GINO-O, dahil katitingaya kag Ida pagraog. Kag mga kabayo ag mga sundalong nakapangabayo it amo kaaway ay Ida yang tinapyak sa ragat.

Exodo 15:1 Iomraidhean Croise

Exodo 14:26

Pagkatabok nina Moises, nagsiling kag GINO-O sa ida, “Tudluan ray raha kag imo damot sa ragat, agor kag tubi ay mabalik ag matabunan kag mga Ehiptohanon, pati kag inra mga karwahe, ag kag mga nakapangabayo.”

Exodo 14:27

Kada gingtudlo matuor ni Moises kag ida damot sa ragat, ag pagsubat it adlaw kag tubi ay nagbalik matuor sa ida dating suyog. Nagtinguha kag mga Ehiptohanon nak makatakas, ugaling gulping ingpabalik it GINO-O kag tubi, kada tanan sinra ay nagkayunor.

Exodo 15:21

Tuyar kali kag kanta ni Miriam: “Magkanta it pagdayaw sa GINO-O dahil Sida ay nagraog. Kag mga kabayo ag mga sundalong nakapangabayo it ato kaaway ay Ida yang tinapyak sa ragat.”

Exodo 18:11

Ngasing ayamey nako nak kag GINO-O ay yabaw pa sa tanang ibang mga dios, dahil sa Ida ginghimo sa mga Ehiptohanon tong ging-ihig ninra kamong Ida mga katawuhan.”

Colosas 2:15

Parayan ra rutong Ida pagkamatay sa krus, gingpirdi it Dios kag mga indi makitang mga pinuno it mayaot ag mga nagrurumaya, nak pay Iday gingbawi kag inra armas. Gingpahud-an Nida sinra sa atubangan it tanan tong gingpakita Nida nak sinra ay napirdey.

Pahadag 15:3

Ag ingkikinanta ninra kag kanta ni Moises nak ulipon it Dios, pati kag kanta it kinang ingsisiling nak Anak it Karnero, nak nagsisiling, “Amo Ginoong Dios nak Makagagahom, kag Imo inghuman ay abang ado ag katitingaya. Ikaw nak Hari it tanang nasyon, kag tanan nak Imo inghuman ay matarong ag matuor.