Mâk 9:2 - Ŋwàklù Fùyèn Kàn Mù Fê (Cameron)

² À hì mô yi bàm yi mu tuk tufa Jisòs lyi Bità nì Jêms nì Jon ghê ghɨna kwok yen a tô kùn yì chìk yìlè yi dâfà kə ni, wùt bu afû, wù yen tan afû kə̂k yi wuni bûŋhì kwuna kə ni a ghɨna ashyə̂.

Mâk 9:2 Iomraidhean Croise

Matiyò 14:13

Te Jisòs tì ywo gha ye ghɨ ne ha Jon wù lye a ngwùk ghê jùmtìbàmsu wunsu hì yênà wu lùk wùt bu afû. Ghɨta yû lo fwu a tu tèk nâ hidù hi gbê yênà a wun yi bàm kə nì wulu.

Mâk 14:33

Wu jis ni lyi Bità ghê Jêms nì Jon ghê ghɨna hì yênà amok, gha yîmì hi tè fo ngə̂k a wun yi kwàktì nâ haŋaŋ.

Mâk 16:12

Yi bàm atɨ̂n Jisòs fî fwu a jùmtìbàmsu wunsu yi kə̀k sùbà wu lum wule hanɨ̂ŋ wu lûm a ngunsu mu fùksù.

Mâk 5:37

Wù shihi yèn a wùt àtɨ̂n a ndâ tè lyè wut a bu kə Bità ghê Jêms nì Jon wâ nè Jêms.

Lûk 6:12

Tuk wule a wu yu kolô, Jisòs kwok a kun chyə jə̂m kə ha Yènfù ni, tuku yû.

Ŋwàklù à Jon 1:14

Tum mi yinâ tî kahi hì mô kəbi wût, ben chyəti a ghàhnà fùtɨ̂n. Ghàh tì yen jyak a wuna, a mô a jyak a Wâ Fùyèn wù mòk we fu ndùku kəta te wù lo a Bè wun à ngwùŋ ben ma wù ti lun nì kwohi seni fî lun nâ kəbi nì ghə ghe ghɨ mô hamok kum Fùyèn.

Lumàns 12:2

Kə ghàn hi chyə te ghɨt a mbye afân. Ghàn bɨlà de ma Yènfù fo kwâktì yi fe ha ghàn ma fu kwuna təm ghana shyəma ghàn yen à khɨli gha ye Yènfù khɨŋa, a mô kə yi gha jwôfà mô chilichili Yènfù kôŋà.

2 Kòlitiyàns 13:1

Mu hì bênà hi yena ghàn ni na à hi mô ghan à tât. Ŋwàklù Fùyèn jìsà na, wùt hì mô hi jìs na wùt ti ni bobhi gha, bɨ̀n à sak su wunsu hi mô ghɨt à bà makə ghɨt à tât.

Fìlibiyàns 3:21

Wu bênà ma wù kwuna wun wu ghàhnà wunâ a wu mô hi kpu ni, ma wu kahè hi mô kəbi te wun wu wunu wu njentenu. Wu bênà hi nè gha mɨ ghɨ̂n nì jyak ghe a wù kəta ghɨ mô hi nì na mwə̀ mù jɨ̀m hi mô kə a wun a sah yì sâk.

Gokhini 20:11

Mu ki yen kpok wu tù fə̀nù wu chiku, wu fufa yi fûf, wùt mô atɨ̂n. Nyə̂ nì chyə sami a wûn ashyə̂ milò.