Mâk 16:6 - Ŋwàklù Fùyèn Kàn Mù Fê (Cameron)

⁶ Wù jis ha ghɨna na, “Kə jwo yim ghàn. Jisòs we ghàn khɨŋa a mô Wâ Wùt à Nasalì we ghɨ te bante ti lôtì a yi kpû. Wù wijə afân. Ghàn tà yen jə̂ luk we ghɨ tì nìŋhe wun atɨ̂n agha?

Mâk 16:6 Iomraidhean Croise

Matiyò 12:40

Jonà tî chyə a yili chiki wu là a mu tuk mù tât, Wâ Wùt mò hi nè kpû hi chyə kəbi tuk mù tât a chyə̂ shyəma wù kahà loti.

Mâk 1:24

ghɨ jis na, “Jisòs wâ wùt à Nasalì, wò khɨŋa ghə a ghàh a fùtɨ̂n, wò ben hi bobhe ghàh ma? Mu khəlò shyə ghe wò mò ghɨna. À mò kə nâ wò Wùt wù yulena wù Fùyèn.”

Mâk 1:27

Ghɨna hì mô nì kani, ki buf kə na, “À mò yìni nki yikî fe ni? Wù kàntè a gha nì jyaka ha yohnù be wu ni kə te wù jìsa.”

Mâk 10:34

ma ghɨna nyikhi wûn ma chwuli chwâmù a wun wu wùn ma sam wûn nì wànsù ma fê kwô ywi wûn, ma à hi mô yi bàm yi mu tuk mù tât ma wù kahà lòti a yi kpû.” (Mat 20.20-28)

Mâk 14:33

Wu jis ni lyi Bità ghê Jêms nì Jon ghê ghɨna hì yênà amok, gha yîmì hi tè fo ngə̂k a wun yi kwàktì nâ haŋaŋ.

Mâk 9:15

Nôn à ghɨt mɨ ghɨ̂n yen Jisòs kə wu yu hì mô nì kani, nyiŋ yen toŋti ha wûn.

Lûk 24:46

Wù fî jis ha ghɨna na, “Ghɨ ti nyak na, Wù chwoka lemana kəta hi yen a ngə̂k hi kpû, ma à nê hi mô yi bàm mu tuk mù tât, ma wù kahà loti a yi kpû,

Fêt 2:24

biyani Yènfù nî wù lôtì a yi kpû, fî bônhì wûn a jyak a kpo beka kpu ndùku kəta wi jyak ale hi khɨte wûn te wut à ndâ chyâk.

Fêt 4:10

Ghàn ghɨt à jɨ̀m a Isalì kəta hi tè khə na wùt wunâ wù time a ghàn ashyə̂ ni, ta njwo a jyak ghe ghɨ mô a Jisòs Klistù yi yet, wù Nasalì. A mô wun we ghàn tì bante a tô kàkfùtàfù wù kpû, biyani Yènfù nî wù lôtì a yi kpû.