Mâk 13:9 - Ŋwàklù Fùyèn Kàn Mù Fê (Cameron)

⁹ “Ghàn hi tôknè, ghɨ bè kwolò ghàn ma fo na ghɨ sak ghàn, ma sam ghàn a ndasu yuŋtesu, ma ghàn fê timi a ghɨt a saka ashyə̂ nì fə̂ntù kum mu, ghàn fokti tum yì jùŋ kum mu ha ghɨna.

Mâk 13:9 Iomraidhean Croise

Matiyò 5:22

Biyani, mu jìsà ha ghàn chin na, à bàŋhi nâbi nde lâ ha wâ nè wûn, ma ghɨ sak wûn, à toŋti nâbi nde wâ nè wûn na, ‘Nama shyə̀ ghɨ̂n!’ Ma ghɨ lyê yen nì wûn a ndâ yi sâk yì chìk.” À toŋti nâbi nde wùt lè na, ‘Ngwo shyə̀ ale!’ Ma yi hi mô na wù bê yênàlò wu wùs afa wu bè mê wi.

Mâk 1:44

“Kə wò nè mômhè hi fòktè gha ye yi gana ha wùt. Ndù chwùti ngɨŋ yâ ha tu ndâ Fùyènà ma wò fo fo ye sak yi Musìs tì jìsa na wùt ki tâ nì kùhà wu folò shyəma ghɨta khɨli na wù ti tâ.”

Mâk 13:5

Jisòs jis ha ghɨna na, “Ghàn hi tôknè kə ghɨ bê lehi ghàn.”

Mâk 13:8

Lak tu bè hì nô tu letu, fə̂ntù nô tu letu, kunsu senâ, ma jìŋ fê kwo a tu lùk a tu lùk, gha mɨ ghɨ̂n bè hì gânà ni a baha mô kə mu lɨ̂m mù ngə̂k yì chìk.

Mâk 6:11

Ghàn yen yi tèk ghɨ tunhi hi fye ghàn yi tèk afû, tunhi hi yute gha yani ye ghàn jìsà, ghàn lo afû. Ghàn shihi lò “Ghàn bukti jɨm su wùlu sanisu ha ghɨna shyəma ghɨna hi khə na ghɨna ti ni bobhî.”

Lûk 9:5

Ghàn yen nâbi afa, ghɨt atɨna faŋ hi fye ghàn, ghàn yah wulu wanu shyəma ghɨna nê khɨli na ngə̂k bè bênàlò ha ghɨna.”

Ŋwàklù à Jon 15:20

Kə ghàn yìta gha ye mu che yike ghàn atɨ̂n na ‘Wùt fètana tà timî hì chyâ bì yi fèt à wûn.’ Ghɨ mô ma ghɨ chehì bânàlò mu, ma ghɨ nê hi bânà ghàn kəbi yâ. Ghɨ shìki mô ma ghɨ chehì yutelò yikî mi, ma ghɨ nê hi boŋa yute yani kəbi yâ.

Ŋwàklù à Jon 16:2

Ghɨ nè jûmà fihelò ghàn a ndasu yuŋtesu. Mu jìsà ha ghàn hamok na, yu bakhe bênàlò a wùt nè ywe ghàn ma wù hi kwâktè na yi ni yi fêt ha Yènfù.

Fêt 21:11

Ben fyi wu kwô Bôl kahi kwut wulu wunu nì wo wunu kə ha wun a ngɨŋ jis na, “Yohnà Yulena jìs na, à ni mò te ghɨt a Jûs ghe ghɨ mô a Jèlusalèm nè kwuta wùt we wù kəta kwô wûn afû ma fo wûn ha tumu.”

Fêt 7:54

À hì mô te ghɨt a sakana ghe ywo kwoka nì gha ghe Sìtifèn jìsa, là mù ghɨna bâŋ nâ haŋaŋ.

Fêt 9:16

nâ mu a mu ngɨŋ nè chwûtè lò ha wûn nki ngə̂k ye wù kəta hi yen hi nì na ghɨta khɨli mu.”

Fìlibiyàns 1:29

Mu jìsà ni beka Yènfù ti chwûtì təm a jûŋà ha ghàn ni na ghàn bimi Klistù ma ghàn fê yen ngə̂k kum wûn.

2 Tèsàloniyàns 1:5

Wunhî yani yina chwùtè a ndan na Yènfù saka lò ghɨta kə nâ chilichili, mô hi nì na ghàn hi kpenê hi tè mò wu lùk wu fə̀n wù Fùyènù afa a ghàn yena ngə̂k kum wunu.

2 Jon 1:8

Ghàn hi tôknè kə ghàn nê lə̀si shyə ghe ghàhnà fèta, khɨŋa hi khɨtî. Ghàn hi bɨlà khɨŋa lumu hi khɨte maktu tɨnu kə wù jɨ̀m.

Gokhini 1:9

À mò mu wùt wù bimena ha Jisòs. A mô mu Jon, a wâ nì wânù. Ghàhnà chîntè yena ngə̂k kə à jɨ̀m, biyani kwuta kə a təm, yute hi bè tè mò wu lùk wu fə̀n wù Fùyènù. Ghɨ che kwo lem mu a Batmòs, a mô yi lak ma jwò ti jɨŋ kat yini beka mu fòktè tum à Fùyèn, fê fôktè gha hamok ghe a Jisòs tì chwùte.

Gokhini 2:10

Ghàn yen! Kə ghàn hi fânà ngək ye a ghàn lye yênà atɨ̂n. Deblì nè nêlò na ghɨ khɨti ghàn ghɨ le ma lem a ndâ a chyâk, a mô kə yi mômhì te yi bênà ha ghàn. Ma ghàn nê yen ngə̂k afû a mu tuk ìwûm. Ghɨ hì mô nâbi hi ywe ghàn, ghàn hi samhe kə ha mu, shyəma mu nê fo chyə ye a yì bè mê wi ha ghàn, a mô shyə ghe a ghàn nò hi yə̂.

Gokhini 2:13

Mu khəlò luk we a ghàn chyə. Ghàn chyə wu lùk Satàn saka fə̂n wù wunu afû. Ghàn tì fati khɨti bimî yani, faŋ hi mana mu nâbi wu tuk afa ghɨ tì ywe Antibàs te wù ndùku jîsà kum mu yâ, ghɨ ywe wut à mù wù bimena wuna atɨ̂n, wu lùk afa a Satàn ndùku saka fə̂n wù wunu.