Biblia Todo Logo
Bìoball air-loidhne

- Sanasan -




Mâk 12:7 - Ŋwàklù Fùyèn Kàn Mù Fê (Cameron)

7 Ghɨt a fetana ghe yen wun ni, jis ha ghɨna sù ngɨŋ na, ‘Wunâ mò kə na yə̂ ndâ bè fùk wuna. Ghàhnà kwô ywi wûn ma kwoti mwə̀ me wù ye hì mô hi bè khɨtî.’

Faic an caibideil Dèan lethbhreac




Mâk 12:7
18 Iomraidhean Croise  

Te Helòd tì yena na ghɨt a tofana ghe ti lehi wûn, gha tɨni yaf wun nâ haŋaŋ. Wù chyâhì yi sâk na ghɨ yê ywiti mwəlà mù lɨmà a Betùlùhêm nì a tu tèk afa tu bakhe bê afû nâ mù jɨ̀m, hi yìmì ha ghê ghɨ bwɨ kə wu yu nì hi kwok a chem nì ghê ghɨ mô lɨ̂m wù bà. Wù fəknà wu yu hi yè tàn mwəlà a lɨ̀m wù bà kum yu we ghɨt a tofana ghe tì be fokte ha wun yu we njə̂n fe tì fwo atɨ̂n.


Yu kpenu kpên, wù tum ghɨt a wuna fetana ale na ghɨna yê jis ha ghɨt ghe wù tì fo fuk ghê ha ghɨna na ghɨ fo wu wunu tamu.


Ghɨt ghe Jisòs tì jìsa ha ghɨna ni mômhì hi khɨte wûn beka ghɨna tì ywo khɨle na wù ti ma ngàn yina kum ghɨna, biyani hì fânà nôn à ghɨt ghe ghɨ ndùku mô afû, ghɨna ki de wûn ki lô.


Wùt wù mòk we wù tì faŋa teka bè fùk wuna tum ndùku mô kə nâ wâ wûn wù kòŋ. Wù shihi tuma mihè wâ wûn wuna kwâktì a wun a ngɨŋ na, ‘Ghɨna nè fànàlò wâ mù.’


Ghɨna jis ni kwo wûn ywilò, tum fihi gun yi wuni a fùk.”


Ghɨ tì bəkli Jisòs mu wùna ha ghàn kə yi ghəl te Yènfù tì fate lema hì fê khə shyəma tuk wu tɨnu kpen. Ghàn ywi wûn, wu lum na ghàn tì fo wûn ha ghɨt a gha be ghɨ banti wûn a tô kàkfùtàfù,


“Ghàh ndùku mô ma ghɨ ti chyâhì lâŋà na kə ghàn fi yiki ghɨta nì gha ye Jisòs tì jìsa na ghàn hi yikê. Biyani, ghàn ti waŋ Jèlusalèm nì yikî tɨni. Ghàn ti fah na ghàn nè nêlò ma ghɨta hi ngane ghàh na a che ni ghàh na ghɨ ywi Jisòs.”


À ndùku mô nâ yini fòktì yì chìk a bì ghana ghɨ shyə tì faŋa hi fo ngə̂k ha yinì agha? Ghɨna tì ywiti ghɨt ghe ghɨ tì bèna ashyə̂ hì fòktè bên yì wùt wù chilichili wù Fùyèn, a mô wun we ghàn ti bəkle fî ywilò.


Biyani, à hì mô a mu tuk mù gòkhemù afân ma wù ti jis ha ghàhnà tohne a Wâ wûn. Yènfù hì mô ma fu ti lem na fu bè folò nâbi ghə a mbyî ha Wâ wûn, ma fu tì fati mbyî nì nâbi ghə atɨ̂n tohne kə a Wâ à wun mu wùna.


Lean sinn:

Sanasan


Sanasan