Mâk 12:6 - Ŋwàklù Fùyèn Kàn Mù Fê (Cameron)

⁶ Wùt wù mòk we wù tì faŋa teka bè fùk wuna tum ndùku mô kə nâ wâ wûn wù kòŋ. Wù shihi tuma mihè wâ wûn wuna kwâktì a wun a ngɨŋ na, ‘Ghɨna nè fànàlò wâ mù.’

Mâk 12:6 Iomraidhean Croise

Matiyò 1:23

kike, wan wù ywên wùlè, khə wi wùt lɨmà nè boŋalò wan ma wù nê bwɨ wan wù lɨmà ma ghɨ bê chwu yet yi wuni na, ‘Ìmanwèl’ yi fôktè na, ‘Yènfù mò nì ghàhnà.’

Matiyò 11:27

Jisòs fî kaha jis ha ghɨta na, “Bom ti fo mwə̀ mù jɨ̀m ha mu. Wùt fate khə wi Wan a bu kə Bì, wùt fate khə wi Bì a bu kə Wan nì ghɨt ghe Wan chwoka hi chwùtè Bì ha ghɨna.”

Matiyò 17:5

Te wù tì baha jîsà mbàksù lesu fwu fufa kə ni chwo baŋ ghɨna. Jyə̀ fwu àtɨ̂n jis na, “Wùna mò Wâ mù wù kòŋ, mu saŋle kum wûn hanɨ̂ŋ. Ghàn hi ywo ha wûn.”

Matiyò 26:63

Biyani, Jisòs china kə moŋ. Ngàŋ à ndâ Fùyèn yì ngaŋtena mi yê ki jîs ha wun na, “Mu jìsà ha wò, jìs kə hamok a Yènfù yi yet fe fu chyə. Fokti ha ghàh na wò mò kə nâ we ghɨ chwoka lema Wâ Fùyèn agha?”

Matiyò 3:17

Kə ni, jyə̀ fwu ben a nyə̂ jis na, “Wùna mò Wâ mù wù kòŋ, mu saŋle kum wûn hanɨ̂ŋ.”

Mâk 1:11

Jyə̀ fî fwu kəbi a nyə̂ jîsà na, “À mò kə nâ wò wâ mù wù kòŋ mu saŋlê ha wò hanɨ̂ŋ.”

Mâk 12:5

Wù fî tum wùlè, à hì mô a ghɨt a tât, ghɨna kwo ywî. Wù tum à ghɨ̂t hidù, ghɨ sam ywiti ghɨ lè.

Mâk 12:7

Ghɨt a fetana ghe yen wun ni, jis ha ghɨna sù ngɨŋ na, ‘Wunâ mò kə na yə̂ ndâ bè fùk wuna. Ghàhnà kwô ywi wûn ma kwoti mwə̀ me wù ye hì mô hi bè khɨtî.’

Mâk 9:7

Kə ni mbàksù chwo baŋ ghɨna, jyə̀ fwu atɨ̂n jîsà na, “Wùna mò wâ mù wù kòŋ. Ghàn hi ywo ha wûn.”

Lûk 3:22

Yohnà Yulena chwo ben a wun a tû kə te fùlàtà, jyə̀ fwo a nyə̂ jyana, “Wò mò kə nâ Wâ mù wù kòŋ, mu saŋle kum wò hanɨ̂ŋ.”

Lûk 9:35

Jyə̀ fwu fùtɨ̂n à sìmbàk afû jis na, “Wùna mò wâ mù we mu chwoka. Ghàn hi ywo ha wûn!”

Ŋwàklù à Jon 1:14

Tum mi yinâ tî kahi hì mô kəbi wût, ben chyəti a ghàhnà fùtɨ̂n. Ghàh tì yen jyak a wuna, a mô a jyak a Wâ Fùyèn wù mòk we fu ndùku kəta te wù lo a Bè wun à ngwùŋ ben ma wù ti lun nì kwohi seni fî lun nâ kəbi nì ghə ghe ghɨ mô hamok kum Fùyèn.

Ŋwàklù à Jon 1:18

Wùt tà timi yen jə Yènfù, à chwùti Wâ Fùyèn wù mòk we wù mò kəbi Fùyèn, yê mô kə a Bè wun a ngwùŋ chwûtè te Yènfù mò ha ghɨta.

Ŋwàklù à Jon 1:34

Mu ti yen te gha mi yin gàna, hì fôktè ha ghàn na wùt wunâ mò Wâ Fùyèn.”

Ŋwàklù à Jon 1:49

Nàtanyèl ki jîs na, “Labi, wò mò Wâ Fùyèn, wò mò fə̀n à ghɨt a Isalì.”

Ŋwàklù à Jon 3:35

Bì kôŋàlò Wâ wûn ma wù ti fo jyaka ha wûn na wù hi saka kə mwə̀ mù jɨ̀m a mbyî.

Ŋwàklù à Jon 5:23

shyəma ghɨt à jɨ̀m nê hi ngumle Wan kə yi ghəl te ghɨ ngumle Bì. Yi ni chwùtè na à faŋ nâbi nde hi ngumle Wan, ma à hi mô na wù tà ngumli jə Bì we wù tuma wûn.

Hibùlùs 1:6

À ndùku mô kəbi te Yènfù ndùku khɨŋa hi tum a Wâ wun we a wù ngaŋte chyâ nâbi nde a mbyî, jis na, “Anjèlsu Fùyènsu nâ sù jɨ̀m kəta hi tè kokhe wûn.”

1 Jon 4:9

Yènfù tî chwûtì kôŋ yì wuni ha ghàhnà a wu lum na wù tì tum Wâ wun a mbyî, kə wù mòk we a wù ndùku kəta, shyəma ghàhnà khɨti chyənà tohne ha wûn.

3 Jon 1:1

À nyak mu chəh à ndâ Fùyèn ŋwàklù yina ha sô mù Gayùs we a mu kòŋà hamok.