Lumàns 9:5 - Ŋwàklù Fùyèn Kàn Mù Fê (Cameron)

⁵ Be be ghɨna ndùku mô ghɨt a Fùyènà. Klistù nâ nì ngɨŋ à wûn tì ben a mbyî te wut à ghɨna wù lak. Yènfù mô kə a tû a mwə̀ mù jɨ̀m, ghɨta kəta hi tè kokhe wûn a yu mù jɨ̀m. Àmèn.

Lumàns 9:5 Iomraidhean Croise

Matiyò 28:20

Ghɨna ki bimî, ghàn yiki ghɨna na ghɨna lem gha à jɨ̀m ghe a mu hì mô ma mu ti fôktì ha ghàn na ghàn hi nê. Ghàn hi khə hamok na mu nè hì mô kə yi mô nì ghàn bu hi bè de ghàn nâ shyəma mbyi bê mi.”

Matiyò 6:13

Kə wò de na mômhìnì ben ha ghàh, fihi ghàh a gha be afa wùt wù be khɨŋa hi nì ha ghàh. (Beka fə̂n wa saka kə wò, a kəta kə wò jyaka nì ban yi chiki kə yu mù jɨ̀m. Àmèn.)

Lûk 20:44

À shìki mô ma Defìt ti toŋti wun na Bâba, ma wù hi fê mô yàni wan ha Defìt agha?”

Ŋwàklù à Jon 10:30

Ghàh à Bôm mò kə ha wùt wù mòk.”

Fêt 20:28

Ghàn hi tôknè nì ngɨŋ sanisu nì ghɨt ghe Yohnà Yulena fo ha ghàn na ghàn hi tihe ghɨna. Ghàn hi tôknè nì nôn à ghɨt a bimena Fùyènà ghe Wâ wûn che kpo kum ghɨna hi nì na ghɨna hi mô ghɨt a wuna.

Fêt 3:13

Ghàn khəlò Yènfù be ghàhnà ghɨ shyə, a mô Ablàhâm nì Isìk nì Jakòb. À ni Fùyèn fe ghɨna ndùku kokhe gha mi yîn. Fu ni ni shyəma wùt à wûn wù fètana Jisòs, hi kəta kokhînì chiki. Ghàn tî khɨti wûn fo ha ghɨta yi saka fî mana wûn a Balèt ashyə̂. Ghàn ni gha mi yina nâbi te Balèt ndùku mô ma wù ti lem na ye nè bònhèlò Jisòs.

Lumàns 1:25

Ghɨna ti bimi fəmi bɨlì tunhi gha ye a yi mô hamok kum Yènfù, hì kokhe yèn mù yì fə̂m. Ghɨna ti de Yèn fe a fu mô hamok hì bɨlà kokhe fê ngumle mwə̀lû ma à fati Fùyèn biyani kokhe wi Yèn fe a fu fate mwə̀ mù tɨ̂n, a mô fùfɨ̂n fe a ghɨ kəta hi tè kokhî hi bè tàn nâbi yini! Àmèn.

Lumàns 1:3

Tum yì jùŋ mi yìna jìsà kum Wâ Fùyèn, Bâba ghàhnà Jisòs Klistù. Wù tì shihi bèn a mbyî ha wût, ghɨ bwɨ wun a Defìt yi sah yi nda.

Lumàns 10:12

Bâba mò Bâba kə ha ghɨt à jɨ̀m. Hanɨ̂ŋ bu ha wùt à Jûs nì ha tumu. Wù fo yi yutì nâbi ha nde we a wù lona a gâmtìnì ha wûn.

Lumàns 11:28

Ghɨt a Jûs ti tunhi hi ywo tum yì jùŋ, yìna ni ghɨna, ghɨna hi mô bànàsu Fùyènsu. Gha mi yina ti ni Yènfù bônhì ghàn tumu, biyani lem na fu nè baha kôŋà kə yi kôŋ ghɨt a Jûs kum be be ghɨna.

1 Kòlitiyàns 14:16

Ghàn shìki jə̂m fo àyòŋnà, a jə̂mà kə a yohnà, wùt we a wù tà yikî jə̂, nê gbi yàni hi tòkà gha tɨni hi jìs na, “Àmèn” teka wù ywo khɨli gha ghe a ghàn ye hì jə̂mà, fo àyòŋnà atɨ̂n agha?

2 Kòlitiyàns 11:31

Bè Bâba Jisòs, Yèn fe a fu kəta kokhînì a yu mù jɨ̀m khəlò na mu wama wi.

1 Timotì 3:16

Yi mô kə nâ hamok na bimî yi ghàhnà kətalò gha yi leteni te Yènfù chwùtè banhe, yi ghaka kə ni: Klistù ti ben lyi wu wun wu wûtù, Yohnà Yulena chwûtì na wù mô a jûŋ a Yènfù ashyə̂, Anjèlsu Fùyènsu yen wûn, ghɨ yiki a gha kum wûn lak tù jɨ̀m, ghɨta bimi ha wûn a mbyî, Yènfù lyi kwok nì wûn a nyə̂. Gha a letena a kanana mɨ ghɨ̂n a Klistù ndùku chwûtè ha ghàhnà kum ngɨŋ à wûn mô hamok, nâ wùt bu hi tunhî.

1 Timotì 6:15

Bên yi wuni yîn hì mô ma Yènfù ti fati lem yu tɨnu. A mô Fùyèn fe a ghɨta kokhe, a mô kə wûn we a wù saka mbyî yì jɨ̀m, a mô wûn fə̀n à tùfə̀n, fê mô Bì ha Bâba,

2 Timotì 2:8

Wo kwâktè Jisòs Klistù te Yènfù tì lôhì wûn a yi kpu. Wu mô ma wù fwo a Defìt yi sah yi nda. Yìna mô tum yì jùŋ ye a mu fòktè.

Hibùlùs 7:24

Biyani ha Jisòs, wù mò ma wù ti faŋ a ngàŋ à ndâ Fùyèn kə a yu mù jɨ̀m beka wù bè hi yusa mô kə yi mô.

1 Jon 5:20

Ghàhnà khə kəbi na Wâ Fùyèn tì ben yiki ghàhnà shyəma ghɨ hi khə Yènfù, a fe fu mô hamok, ghàhnà chîntè mô kə ha shyə̀ à mòk ghàhnà nì funfu nì Wâ wûn Jisòs Klistù. Wu mô Fùyèn fe a fu mô hamok, fo chyə ye a yi bè mê wi.

Gokhini 1:18

fê mô kəbi wûn we a wù chyə. Wù jis na yi tî kpû kahi hì chyə̂, mô hi tè mò kə yi mô a mu yu mù jɨ̀m. Wù fî jis na yi kəta a chwok a yi a wô, kəta jyak a kpo, fê kəta jyaka hi chwoka yi lak yi ghɨt a kpona.

Gokhini 22:16

“Nâ mu Jisòs ti tum anjèl à mì ha ghàn nì gha ghɨ̂n na ghàn fòkti ha nôn wu ghɨt a bimena. Mu mò ma mu fwo a Defìt yi sah yi nda, fê mô njên fu bisibisi fe a fu bana nâ haŋaŋ.”

Gokhini 22:20

We a wù fòkte gha mɨ ghɨ̂n jis na, “Yi mô hamok. Mu bè kə chîn!” Àmèn. Bî, a Bâba Jisòs!

Gokhini 5:14

Mwə̀ mù yòhna mù me mù kìk fîsì na, Àmèn! Chəh se fen a chyə̂ hì ngumle Yènfù ghê Wâ Njyə̀.