Bìoball air-loidhne

Lumàns 9:3 - Ŋwàklù Fùyèn Kàn Mù Fê (Cameron)

³ Mu làhi tè kòŋ na Yènfù sùli mu, mu nè hì fè kəta wi gha yile hi nì ghàh à Klistù kum wana noma. Mu jìsà wana noma, a mô ghɨt ghaha ghɨ laka. Mu laha kôŋàlò hi ləhà nâbi ghə a wu yu afa yi mô hi gàmtì na ghɨna bon.

Faic an caibideil Dèan lethbhreac

dol air ais ⬆

Lumàns 9:3
27 Iomraidhean Croise

Fêt 13:26

“Wana noma, ghàn wana Ablàhâm nì ghàn tumu we wu mô afân ngumle kəbi Fùyèn, tum yì jùŋ yinâ yì bê nì bônì ha ghɨta ni mò ma ghɨ tum kə nâ ha ghàhnà.

Faic an caibideil

Fêt 22:5

Ngàŋ à ndâ Fùyèn yì ngaŋtena nâ nì chəhsu lak su làwû hi bime na mu jìsà hamok. Ghɨna tî nyak ŋwàklù sù, hi fo a jyak ha mu na mu yê fo ha wana ne yi tèk yi Dàmaskùs ma mu khɨtè ben nì ghɨt ghe ghɨ jûmtè Lum mu wûn a Jèlusalèm shyəma ghɨ fo ngə̂k ha ghɨna.”

Faic an caibideil

Fêt 28:21

Ghɨna fîsì jis ha wun na, “Ghàh tà yen jə ŋwàklù te yì lo bena a Jùdiyà kum wò. Nâ wana ne ghaha ghe ghɨna lo bena afû tà jis jə gha be yile kum wò.

Faic an caibideil

Lumàns 1:3

Tum yì jùŋ mi yìna jìsà kum Wâ Fùyèn, Bâba ghàhnà Jisòs Klistù. Wù tì shihi bèn a mbyî ha wût, ghɨ bwɨ wun a Defìt yi sah yi nda.

Faic an caibideil

Lumàns 11:1

Mu bufa kəbi nâ, yi ni mò ni chwûtè na Yènfù ti mâkà ghɨt a wuna ma? Fu tà mâkà jə ghɨna nâ hakoh! Nâ mu a mu ngɨŋ boŋa mò kəbi wut à Isalì ma mu fwo a Benjamìn yi sah yi nda, mô wut a Ablàhâm yi tê biyani teka fu maka mu.

Faic an caibideil

Lumàns 11:14

Mu khɨŋa na ghɨt ghaha, a mô ghɨt a Jûs, yen fêt mi yina ma shihi səmte ghàn, ma Yènfù bonhi ghɨna ale.

Faic an caibideil

Lumàns 16:11

Ghàn toŋti Hèlodìyòn, wut wâhù yi lak we, nì ghɨt a sah yi nda Nàsisùs ghe a ghɨna tì bime ha Bâba.

Faic an caibideil

Lumàns 16:21

Timotì, we ghàh à wûn fètà amok ti chinhi toŋtînì ha ghàn. Lùsiyùs nì Jesɨ̀yn nì Sòsìbatà wùt wâhù wù lak ti chinhi kəbi toŋtînì ha ghàn.

Faic an caibideil

Lumàns 16:7

Ghàn toŋti Àndɨ̀lonikùs nì Junìyàs. Ghɨna mò kəbi ghɨt a Jûs te mu, ma ghàh à ghɨna ndùku mô a ndâ chyâk amok. Ghɨna tì bimi ha Klistù ha mu ashyə̂, ghɨt a tuma Jisòs hì fate khə ghɨna nâ a jûŋ.

Faic an caibideil

Lumàns 9:2

Təm a ma jìtà kə ni, gha fo ngə̂k ha mu nâ haŋaŋ.

Faic an caibideil

1 Kòlitiyàns 12:3

A ni gha ye a mu khɨŋa na ghàn hi khə na wùt wi hi jìs sûlè Jisòs, Yohnà Fùyènà tihe wut àtɨ̂n. Wùt wi hi jìs na, “Jisòs mò Bâba,” a bu kə na Yohnà Yulena tihe lò wûn.

Faic an caibideil

1 Kòlitiyàns 16:22

Wùt hì kòŋà wi Bâba, ma lòn kwo wûn. Bî, a Bâba wâhù!

Faic an caibideil

2 Kòlitiyàns 12:15

Mu saŋle hi bobhi nâbi ghə hi fè fo ngɨŋ à mì hi gàmtè ghàn. Njwô ghə mu kòŋà chyâhè ghàn ni, ghàn kôŋà kə mu fùjiti?

Faic an caibideil

Gàlesiyà 1:8

Biyani, nâbi wùt ha ghàh makə anjèl à Fùyèn ki fê fòktè tum, yi mô hanɨ̂ŋ atɨ̂n à ye a ghàh tì fòkte ha ghàn, Yènfù sûlì wùt àtɨ̂n.

Faic an caibideil

Gàlesiyà 1:9

Ghàh che jis ha ghàn, mu wu hì fê jîsà kpenhe chin na, wùt ki fôktè tum yì lò ha ghàn, a bu ye a ghàn tì ywo ha ghàh, Yènfù sûlì wùt àtɨ̂n.

Faic an caibideil

Gàlesiyà 3:10

Ghɨt ghe a ghɨ yikte ha Saki kəta ndi Fùyèn njwo ghɨ ti nyak a ŋwàklù Fùyèn na, “Ndi Fùyèn mò nâbi ha nde we a wù lèmà sak tê a tu mô a ŋwàklù yì Sak dâŋà yile.”

Faic an caibideil

Gàlesiyà 3:13

Klistù tî yun tu ghàhnà a ndi afa Saki tì bèna nì yini a wu lum na wù tì fyî ndi àtɨ̂n a ghàhnà wu lùk njwo ghɨ ti nyak na, “Ndi Fùyèn mò nâbi ha nde we a ghɨ banti wûn a fukàk.”

Faic an caibideil

Efisiyàns 6:5

Ghɨt a fetana, ghàn hi ywo ha be fèt ghana, fate ngumle ghɨna kə nì təm ghana à jɨ̀m. Ghàn hi fêtà kə te ghàn fètà ha Klistù.

Faic an caibideil

Lean sinn:

Ceanglaichean taic

Sanasan

Sanasan